பணம் பெருக!! உங்க வீட்டில் படிகாரம் வச்சு பாருங்க.. எப்படி பண மழை பொழியும் தெரியுமா?

பூமியில் உள்ள அனைத்து பொருளிலும் நேர்மறை மற்றும் எதிர்மறை ஆற்றல் தொடர்பு இருக்கும். ஆகவே ஜோதிடம், வாஸ்து சாஸ்திரம் ஆகியவற்றில் ஒவ்வொரு பொருளையும் பயன்படுத்தும் விதம் குறித்து சொல்லப்பட்டிருக்கிறது. இதை பின்பற்றினால் எதிர்மறை விஷயங்கள் எல்லாம் மறைந்து நேர்மறையான விஷயங்கள் மட்டும் வீட்டிற்குள் வரும். வாஸ்துவில் படிகாரம் பயன்படுத்தப்படுகிறது. படிகாரம் பயன்படுத்துவதால் பொருளாதார சிக்கல்கள் முடிவடையும் என ஜோதிடத்தில் கூறப்பட்டுள்ளது. 

படிகாரம் வீட்டில் வைப்பதால் மகிழ்ச்சி, செழுமை வீட்டில் நிலைக்கும். தொழில் மற்றும் வேலையிலும் வெற்றி பெறலாம். படிகாரம் வைத்து செய்யும் ஜோதிட பரிகாரங்களை தெரிந்து கொள்வோம். 

கடன் நீங்க பரிகாரம்

மலை போல குவிந்த கடனை பலமுறை முயற்சி செய்தும் அடைக்க முடியவில்லை என்றால், இந்த பரிகாரத்தை செய்யலாம். புதன் கிழமையன்று, ஒரு சிறிய துண்டு படிகாரத்தை எடுத்து, அதை இலையில் வைத்து நூலில் கட்டவும். புதன்கிழமை மாலை அரச மரத்தடியில் வைக்கவும். இதனால் மகாலட்சுமியின் அருள் கிடைக்கும். 

பணம் மழை பொழியும்!! 

சில சமயங்களில் கடுமையாக உழைத்தாலும் எதிர்பார்த்த பணமும் வெற்றியும் கிடைக்காது. இதனால் மன அழுத்தம் ஏற்படும். பொருளாதார நிலையும் மோசமாக மாறும். நீங்கள் தினமும் தண்ணீரில் படிகாரம் கலந்து குளித்தால் பொருளாதார பிரச்சனைகள் நீங்கும். 

இதையும் படிங்க: வீட்டில் எத்தனை வாசல்கள் இருந்தால் செல்வம் பெருகும்!! உங்க வீட்டு வாசல் இப்படி இருந்தா அமோகமா வாழலாம்!!

பண பிரச்சனை நீக்கும் பரிகாரம் 

பணப் பிரச்சனைகள் மற்றும் தேவையற்ற செலவுகளைத் தடுக்க, சிவப்பு துணியில் படிகாரத்தின் சிறிய துண்டை கட்டவும். இதை மகாலட்சுமிக்கு சமர்ப்பிக்க வேண்டும். நன்கு மகாலட்சுமியை வழிபாடு செய்த பிறகு, அதை வீட்டில் பாதுகாப்பாக வைக்கவும். இதனால் வீட்டில் பணத் தட்டுப்பாடு ஏற்படாது.

வேலை கிடைக்க பரிகாரம் 

பலமுறை முயற்சி செய்து பார்த்தும் நினைத்த வேலை கிடைக்கவில்லையா? சில நேரங்களில் எல்லாம் சரியாக நடக்கும் போது நேர்காணலில் சொதப்பிவிடும். அப்படிப்பட்ட சூழலில், படிகாரம் வைத்து பரிகாரம் செய்யலாம். ஐந்து படிகாரம் எடுத்து, நவமி அன்று துர்கா தேவிக்கு நீல நிற மலர்களை அர்ப்பணிக்கவும். இதுவே விரும்பிய வேலை கிடைக்க பரிகாரம் ஆகும்.  

வாஸ்து குறைபாடு நீங்க பரிகாரம் 

வியாழன் தவிர ஒவ்வொரு நாளும் வீட்டை துடைக்கும் போது தண்ணீரில் உப்பு மற்றும் சிறிது படிகாரம் சேர்க்கவும். இது வீட்டில் நேர்மறை ஆற்றலை உருவாக்கி மகிழ்ச்சியையும் செழிப்பையும் தருகிறது. வாஸ்து குறைபாடுகள் நீங்கி வீட்டில் மகிழ்ச்சி பெருகும். 

இதையும் படிங்க: இந்த 3 ராசிக்காரர்கள் அதிர்ஷ்டம் டாப் லெவலுக்கு போகப் போகுது!! செவ்வாய் சுக்கிர சேர்க்கையால் பொற்காலம்!!