Aadi Month Rasi Palan 2023: இந்த ஆடியில் அதிக பலன்களை பெறப்போகும் 5 ராசிகள்..!!

ஆடி இந்த மாதத்தின் 17ஆம் தேதி தொடங்குகிறது. இந்நாளில் சூரியன் மிதுன ராசியிலிருந்து சந்திரனை அதிபதியாக கொண்ட கடக ராசிக்கு பெயர்ச்சியடைகிறது. அதே நாளில்  சூரியனை அதிபதியாக கொண்ட சிம்ம ராசிக்கு சந்திரன் மாறுகிறார். இதனால் இந்த இரு கிரகங்களும் ராசிகளை பரிமாறி கொள்ளக்கூடிய பரிவர்த்தனை யோகம் உருவாகிறது. சூரியன் கடக ராசிக்கு மாறக்கூடிய நேரத்தில் உருவாகும் ஆடி மாதத்தில், சிம்ம ராசியில் இருப்பதால், சந்திரனிலிருந்து மூன்றாவது, ஆறாவது, பத்தாம் மற்றும் 11ஆம் வீட்டில் அமைந்திருக்கும் கிரகங்களை சேர்ந்த ராசியினருக்கு மிகவும் சாதகமான பலன்களை தரப்போகிறார். இதில் எந்தெந்த ராசிகள் அதிக பலன்களை பெறப்போகிறது என்பதை இங்கு பார்க்கலாம்.
 

மேஷம்
ஆடி மாதம் இந்த ராசிக்கு சிறப்பான பலன்களை கொடுக்கப்போகிறது. கடக ராசியிலிருந்து சூரியனின் சஞ்சாரம் செய்யக்கூடிய நிலையில், சூரியனின் ராசியான சிம்மத்தில் செவ்வாய் திருப்புமுனையாக அமையும். சூரியன், சந்திரன் பரிவர்த்தனை யோகத்தால் மேஷ ராசிக்கு பல நன்மைகளை தரப்போகிறார். உங்களுக்கு தொழில் மற்றும் வியாபாரங்களில் நல்ல லாபம் கிடைக்கும். உங்கள் பணியிடத்தில் பதவி உயர்வுக்கான வாய்ப்புகள் உண்டாகும். நீங்கள் எந்த ஒரு வேலையிலும் சுறுசுறுப்பாக இருப்பீர்கள். நீங்கள் அரசாங்க உத்தியோகத்தில் இருந்தால் நற்பெயர் கிடைக்கும், நல்ல முன்னேற்றம் அடைவீர்கள். 
 

மிதுனம்
இந்த ராசிக்கு ஆடி மாதம்  ராஜயோகத்தை தரும். மேலும் சூரியன் சந்திரன் பரிவர்த்தனை யோகமும் அதிர்ஷ்ட பலன்களை தரும். ஆடி மாதம் உங்களது வாழ்வில் ஏற்றம் தரக்கூடியவையாக இருக்கும். மேலும் தன ஸ்தானத்தில் சூரியனும், தைரிய ஸ்தானத்தில் சந்திரனும் சஞ்சாரம் செய்வதால் உங்களுக்கு பலவிதத்தில் ஏற்றம் தரக்கூடியதாக அமையும். குடும்பத்தில் மகிழ்ச்சி உண்டாகும். 
பணவரவு அதிகரிக்கும். 

கடகம்
இந்த ஆடி மாதம் உங்களது வாழ்வில் முன்னேற்றம் தரக்கூடியவை அமையும். உங்களுக்கு சுப பலன்கள் கிடைக்கும். மேலும் உங்களது தொழில் மற்றும் வியாபாரத்தில் நல்ல முன்னேற்றம் மற்றும் லாபம் கிடைக்கும். உங்களது பணியிடத்தில் மதிப்பும் மரியாதையும் உங்களுக்கு கிடைக்கும். மேலும் பதவி உயர்வும், சம்பள உயர்வும் கிடைக்கும். 

இதையும் படிங்க: Aadi Month 2023: தமிழ் நாள்காட்டியில் ஆடி மாதம் எப்போது? ஆடி மாதத்தின் சிறப்புகள் என்னென்ன? முழு விவரம் இதோ!!

துலாம்

இந்த ஆடி மாதம் உங்களுக்கு அற்புதமான பலன்களை தரும். உங்களது பணியிடத்தில் பதவி உயர்வு, ஊதிய உயர்வு உண்டு. உங்கள் தொழில் மற்றும் வியாபாரத்தில் நல்ல முன்னேற்றம் ஏற்படும். இந்த ஆடி மாதத்தில் நீங்கள் தன்னம்பிக்கையுடன் செயல்படுவீர்கள். இதனால் நீங்கள் பணிகளை எளிதாக முடிக்க முடியும். 

மகரம்
இந்த ஆடி மாதம் உங்களுக்கு சூரியனின் அமைப்பு மிக சாதகமான பலன்களைத் தரும். இந்த ராசிக்காரரின் திருமண வாழ்க்கையில் நல்ல வரன் கிடைக்கும். உங்களது தொழில் மற்றும் வியாபாரத்தில் நல்ல லாபம் கிடைக்கும். உங்கள் உடல் ஆரோக்கியம் சிறப்பாக இருக்கும்.