DMK Issue: பில்டிங் ஸ்ட்ராங்கு... பேஸ்மெண்டு..? கடுப்பான மு.க.ஸ்டாலின்..! பறிபோகும் 15 திமுக மா.செ பதவி..!

இந்த முறை விரைவாகவே கூட்டணிக் கட்சிகளுடன் தொகுதி பங்கீட்டை முடிக்க வேண்டும் என்ற முடிவெடுத்து இருக்கிறது திமுக தலைமை. எந்த கட்சிக்கு எத்தனை சீட் என்பதை இப்போது முடிவு செய்துவிட்டதாகவும் கூறப்படுகிறது.

Image Credit : Asianet News

தமிழ்நாட்டின் 2026 சட்டமன்றத் தேர்தலுக்கு இன்னும் சில மாதங்களில் நடைபெற உள்ள நிலையில் மீண்டும் வெற்றி பெற்று ஆட்சியை தக்க வைத்து வரலாற்று வெற்றியை பதிவு செய்ய தீவிரமாக களமிறங்கி உள்ளது திமுக. 2024 நாடாளுமன்றத் தேர்தலில் திமுக தலைமையிலான இண்டியா கூட்டணி தமிழகத்தில் 40 இடங்களில் வெற்றிபெற்றது. இது திமுக மீதான ஆதரவைப் பலப்படுத்தும் வாய்ப்பாகக் கருதப்படுகிறது.திமுக தலைவர் மு.க. ஸ்டாலின் தலைமையில் கட்சி தீவிர தேர்தல் பணிகளை தொடங்கியுள்ளது.

Image Credit : X/DMK

2021 சட்டமன்றத் தேர்தலில் திமுக தனித்து 133 தொகுதிகளையும், கூட்டணியுடன் 159 தொகுதிகளையும் வென்றபோது போல், இம்முறை 200+ தொகுதிகளில் வெற்றி பெறும் என்று கட்சி இலக்கு நிர்ணயித்துள்ளது. ஆனாலும், புதிதாக வந்துள்ள விஜயின் தமிழக வெற்றிக் கழகம், அதிமுக, பாஜக கூட்டணி போன்றவை திமுகவுக்கு சவால்களாக மாறியுள்ளன.

திமுகவில் இப்போது மொத்தம் 72 மாவட்ட செயலாளர்கள் உள்ளனர். இவர்களது செயல்பாட்டை கட்சி மேலிடம் உன்னிப்பாக கவனித்து வருகிறது. செயல்படாத சில மாவட்டச் செயலாளர்களை அடையாளம் கண்டு வருகிறது திமுக தலைமை. திமுக தலைவர் மு.க.ஸ்டாலின் நடத்திய ‘உடன்பிறப்பே வா’ நிகழ்ச்சியின் மூலமாக நிர்வாகிகள் கூறிய குற்றச்சாட்டுகளை அடிப்படையாக வைத்து சில மாவட்ட செயலாளர்களை பதவியில் இருந்து நீக்க முடிவெடுத்துள்ளார் மு.க.ஸ்டாலின் என கூறப்படுகிறது.

Image Credit : Asianet News

இதன் அடுத்த கட்டமாக இப்போது துணை முதல்வர் உதயநிதி ஸ்டாலினும் மாவட்ட வாரியாக சென்று திமுக நிர்வாகிகளையும், சார்பு அணியினரையும் சந்தித்து அந்தந்த மாவட்ட செயலாளர்களின் செயல்பாடுகளை பற்றிய ரிப்போர்ட்டை கையில் வைத்திருக்கிறார். மொத்தத்தில் பத்து முதல் 15 மாவட்ட செயலாளர்களின் பதவி பறிபோவது உறுதி என்கிறார்கள். இன்னொரு பக்கம் இந்த முறை விரைவாகவே கூட்டணிக் கட்சிகளுடன் தொகுதி பங்கீட்டை முடிக்க வேண்டும் என்ற முடிவெடுத்து இருக்கிறது திமுக தலைமை. எந்த கட்சிக்கு எத்தனை சீட் என்பதை இப்போது முடிவு செய்துவிட்டதாகவும் கூறப்படுகிறது.