எங்களை நீக்க முடியாது..! பாமக மொத்தமும் எங்கள் வசம்தான்..! ராமதாஸுக்கு ஷாக் கொடுக்கும் அன்புமணி..!

ராமதாஸ் தான் சரி செய்து வர வேண்டும். ஏனென்றால் அவர் பெரியவர். மூத்தவர்களை நாம் சரி செய்ய முடியாது. அவர்கள் தான் நம்மை சரி செய்ய வேண்டும். ஆகையால் கட்சி முழுவதும் அன்புமணி ராமதாஸ் வசம்தான் இருக்கிறது

Image Credit : Google

தனி கட்சி தொடங்கலாம்

பாமகவில் ராமதாஸுக்கும் அவரது மகன் அன்புமணி இடையே நீண்ட காலமாக மோதல் போக்கு நிலவி வந்தது. இந்த நிலையில், பாமகவின் அடிப்படை உறுப்பினர் பொறுப்பில் இருந்து அடியோடு அன்புமணியை பாமகவின் நிறுவனர் ராமதாஸ் நீக்கி உத்தரவிட்டார். அவர் தனியாக கட்சி தொடங்கிக் கொள்ளலாம் என்றும் தெரிவித்திருந்தார்.

Image Credit : Google

கட்சி முழுவதும் அன்புமணி வசம்தான்

இந்நிலையில் இதற்கு பதிலளித்துள்ள அன்புமணி அணியைச் சேர்ந்த திலகபாமா ‘‘சட்டரீதியாக கட்சி அன்புமணி வசம்தான் முழுமையாக இருக்கிறது. பாமக தேர்தல் ஆணையத்தால் அங்கீகரிக்கப்பட்ட கட்சி. பாட்டாளி மக்கள் கட்சி, சின்னம் தலைமையிடம் என என்ன அறிவிக்கப்பட்டு இருக்கிறதோ அது எல்லாம் மருத்துவர் அன்புமணி தலைமையில் அப்படியே தான் இருக்கிறது. ராமதாஸ் ஐயாவுக்கு சில மன கசப்புகள் இருக்கலாம். அதை அவர் தான் சரி செய்து வர வேண்டும். ஏனென்றால் அவர் பெரியவர். மூத்தவர்களை நாம் சரி செய்ய முடியாது. அவர்கள் தான் நம்மை சரி செய்ய வேண்டும். ஆகையால் கட்சி முழுவதும் அன்புமணி ராமதாஸ் வசம்தான் இருக்கிறது’’ எனத் தெரிவித்துள்ளார்.

Image Credit : Asianet News

அன்புமணியைக் கட்டுப்படுத்தாது

அதேபோல் பாமக வழக்கறினர் பாலு இதுகுறித்து கூறுகையில், ‘‘அன்புமணியை நீக்க ராமதாசுக்கு அதிகாரம் இல்லை.

பா.ம.கவின் நிர்வாக பணிகளை தலைவர், பொதுச் செயலாளர், பொருளாளர் மட்டுமே மேற்கொள்ள முடியும். பா.ம.கவில் நிர்வாகிகளை நீக்க, சேர்க்க தலைவர் அன்புமணிக்கு மட்டுமே அதிகாரம் உண்டு. அன்புமணியை நீக்குவதாக நிறுவனர் ராமதாஸ் வெளியிட்டுள்ள அறிவிப்பு பா.ம.கவை கட்டுப்படுத்தாது.

Image Credit : Google

அன்புமணியை அங்கீகரித்துள்ள தேர்தல் ஆணையம்

அடுத்த ஆண்டு ஆகஸ்ட் மாதம் வரை பா.ம.க தலைவர் அன்புமணி தான். அன்புமணியின் தலைவர் பதவியை ஆகஸ்ட் மாதம் வரை நீட்டித்துள்ளது பா.ம.க பொதுக்குழு. பா.ம.க நிறுவனர் ராமதாசின் அறிவிப்பு கட்சி விதி மற்றும் தேர்தல் ஆணைய விதியின் படி செல்லாது. பா.ம.க தலைவராக அன்புமணியைத்தான் தேர்தல் ஆணையம் அங்கீகரித்துள்ளது. யாரையும் உளவு பார்க்கும் எண்ணமோ, விருப்பமோ ஒரு போதும் அன்புமணிக்கு இருந்தது இல்லை’’ எனத் தெரிவித்துள்ளார்.