- Home
- Politics
- CM Vijay: தேசிய அரசியலில் சங்கமிக்கும் தமிழக முதல்வர் விஜய்.! ஒரே நேரத்தில் இரட்டை குதிரை சவாரி.! சோனியா, மோடியை சந்திக்கும் தளபதி.!
CM Vijay: தேசிய அரசியலில் சங்கமிக்கும் தமிழக முதல்வர் விஜய்.! ஒரே நேரத்தில் இரட்டை குதிரை சவாரி.! சோனியா, மோடியை சந்திக்கும் தளபதி.!
முதல்வர் விஜய், டெல்லிக்கு பயணம் மேற்கொண்டு பிரதமர் மோடியையும், சோனியா காந்தியையும் சந்திக்க திட்டமிட்டுள்ளதாக கூறப்படுகிறது. தமிழக அரசியலைத் தாண்டி தேசிய அரசியலில் அவர் கால் பதிப்பதன் அறிகுறியாக இந்த சந்திப்புகள் பார்க்கப்படுகின்றன.
ஒரே நேரத்தில் மோடியும்… சோனியாவும்
தமிழக அரசியலில் தனது தனி பாதையை அமைத்து வேகமாக முன்னேறி வரும் தமிழ்நாடு வெற்றிக் கழகத் தலைவர் மற்றும் முதலமைச்சர் விஜய், தற்போது தேசிய அரசியலிலும் தனது காலடியை பதிக்கத் தொடங்கியிருக்கிறார் என்றே அரசியல் வட்டாரங்கள் பேசத் தொடங்கியுள்ளன. காரணம் — நாளை நடைபெற உள்ள அவரது டெல்லி பயணம்!
சிறப்பு விமானம் மூலம் காலை 10 மணிக்கு டெல்லி செல்லும் முதல்வர் விஜய், மாலை 4.30 மணிக்கு பிரதமர் நரேந்திர மோடியை சந்திக்க நேரம் ஒதுக்கப்பட்டுள்ளதாக தகவல் வெளியாகியுள்ளது. அதே நேரத்தில், காங்கிரஸ் மூத்த தலைவர் சோனியா காந்தியையும் சந்திக்க வாய்ப்பு இருப்பதாக டெல்லி வட்டாரங்கள் தெரிவிக்கின்றன. இதுவே தற்போது தேசிய அரசியலில் மிகப்பெரிய பேசுபொருளாக மாறியுள்ளது.
“ஒரே நேரத்தில் மோடியும்… சோனியாவும்… அடுத்த நகர்வு என்ன விஜய்?” என்ற கேள்வி அரசியல் விமர்சகர்கள் மத்தியில் எழுந்துள்ளது. இதுவரை தமிழக அரசியலில் மட்டும் கவனம் செலுத்தி வந்த விஜய், தற்போது தேசிய அரசியல் தலைவர்களுடன் நேரடி தொடர்பு ஏற்படுத்திக் கொள்வது அவரது நீண்டகால அரசியல் திட்டத்தின் ஒரு பகுதியாக பார்க்கப்படுகிறது.
எதிர்ப்பும் வேண்டாம்… இணைப்பும் துண்டிக்க வேண்டாம்
முக்கியமாக, பிரதமர் மோடியுடன் நடைபெறும் சந்திப்பில் தமிழகத்திற்கு தேவையான நிதி, தொழில் முதலீடு, புதிய திட்டங்கள் மற்றும் மத்திய அரசு ஒத்துழைப்பு குறித்து விஜய் பேசக்கூடும் என கூறப்படுகிறது. மறுபக்கம், சோனியா காந்தியுடன் சந்திப்பு நடந்தால் அது அரசியல் ரீதியாக இன்னும் பெரிய சிக்னலாக மாறும் என அரசியல் பார்வையாளர்கள் கருதுகின்றனர்.
தேசிய அரசியலில் எந்தக் கட்சிக்கும் முழுமையாக சாயாமல், அனைவருடனும் நல்ல உறவை வைத்துக்கொள்ளும் அரசியல் பாணியை விஜய் தேர்வு செய்துள்ளாரா என்ற கேள்வியும் எழுகிறது. “எதிர்ப்பும் வேண்டாம்… இணைப்பும் துண்டிக்க வேண்டாம்…” என்ற அணுகுமுறையோடு அவர் நகர்கிறார் என அவரது நெருக்கமான வட்டாரங்கள் கூறுகின்றன.
சஸ்பென்ஸ் மற்றும் சர்ப்ரைஸ் நகர்வு
சினிமாவில் மாஸ் ஹீரோவாக ரசிகர்களை கவர்ந்த விஜய், அரசியலிலும் அதே பாணியில் சஸ்பென்ஸ் மற்றும் சர்ப்ரைஸ் நகர்வுகளை காட்டி வருகிறார். அதனால் தான் அவரது ஒவ்வொரு அரசியல் பயணமும் தற்போது தேசிய அளவில் கவனிக்கப்படுகிறது.
இந்த டெல்லி பயணம் சாதாரண மரியாதை நிமித்த சந்திப்பா? இல்லை தேசிய அரசியலில் விஜயின் அடுத்த கட்ட பிரவேசத்திற்கான தொடக்கமா? என்பதற்கான பதில் வரும் நாட்களில் தெரியவரும். ஆனால் ஒரு விஷயம் மட்டும் உறுதி — “தளபதி” தற்போது தமிழக அரசியலை தாண்டி, தேசிய அரசியலின் கதவையும் தட்டத் தொடங்கியிருக்கிறார்!
