தவெகவில் ஐக்கியமான Ex எம்.எல்.ஏ-க்கள்..! அதிமுக-பாஜகவுக்கு ஷாக் கொடுத்த விஜய்..!
2024-ல் தொடங்கிய தவெக, 2026 தேர்தலில் தனித்து போட்டியிடுவதாக அறிவித்துள்ளது. இது திமுக, அதிமுக, பாஜக போன்ற பாரம்பரிய கட்சிகளிடமிருந்து பல முன்னாள் தலைவர்களை ஈர்த்து வருகிறது.
புதுச்சேரி பாஜக முன்னாள் சட்டமன்ற உறுப்பினர் சாமிநாதனும், காரைக்கால் அதிமுக முன்னாள் சட்டமன்ற உறுப்பினர் அசனாவும் தவெகவில் இணைந்தது பரபரப்பை ஏற்படுத்தி உள்ளது.
பாஜக முன்னாள் சட்டமன்ற உறுப்பினர் சாமிநாதன், காரைக்கால் அதிமுக முன்னாள் சட்டமன்ற உறுப்பினர் அசனா ஆகியோர் தவெகவில் இணைந்துள்ளது விஜய் தலைமையிலானஅக்கட்சிக்கு வலிமையாக பார்க்கப்படுகிறது. குறிப்பாக 2026 சட்டமன்றத் தேர்தலை முன்னிட்டு இந்த சேர்க்கை, தவெகவின் அரசியல் அடித்தளத்தை வலுப்படுத்தும் என்று கட்சித் தலைவர்கள் கருதுகின்றனர்.
சாமிநாதன், புதுச்சேரி சட்டமன்ற உறுப்பினராக பாஜக சார்பில் பணியாற்றியவர். 2017 ; பாஜக சட்ட மன்ற உறுப்பினராக வெற்றிபெற்றவர். 2021-ல் 8000 வாக்குகள் வித்தியாசத்தில் காங்கிரஸ் வேட்பாளரிடம் தோல்வியை தழுவினார். அவர் புதுச்சேரி அரசியலில் பாஜகவின் முக்கிய எதிர்க்கட்சித் தலைவர்களில் ஒருவராக இருந்தார். 2021 சட்டமன்றத் தேர்தலில் போட்டியிட்டு தோல்வியடைந்தாலும், பாஜகவின் உள்ளூர் அமைப்புகளை வலுப்படுத்தியவர்.
தவெகவின் மாற்று அரசியல் கோட்பாடுகள் அவரை ஈர்த்ததாலும், விஜயின் தலைமையில் தவெக, ஊழல் எதிர்ப்பு மற்றும் இளைஞர்கள் நலன் போன்றவற்றை வலியுறுத்துவதால், பாஜகவின் மத்திய-எதிர்ப்பு நிலைப்பாட்டிலிருந்து விலகி தவெகவில் இணைந்துள்ளார். அவர் விஜய் கட்சியில் இணைந்துள்ளது புதுச்சேரி பகுதியில் தவெகவின் செல்வாக்கை அதிகரிக்கும், ஏனெனில் சாமிநாதனுக்கு அப்பகுதியில் வலுவான ஆதரவு உள்ளது.
அசனா காரைக்கால் சட்டமன்ற உறுப்பினராக அதிமுக சார்பில் பணியாற்றிய முன்னாள் எம்.எல்.ஏ அதிமுகவின் உள்ளூர் தலைவர்களில் ஒருவராக, காரைக்கால் பகுதியில் வலுவான அமைப்பை கொண்டிருந்தார். அசனா 2017 தேதலில் 20 ஆயிரன் வாக்குகள் வித்தியாசத்தில் எம்.எல்.ஏ-வாக வெற்றிபெற்றவர். 2021 சட்டமன்ற தேர்தலில் திமுகேட்பாளிடம் தோல்வியை தழுவினார். கடந்த மாதம் அதிமுகவில் இருந்து விலகினார்.
அதிமுகவின் உள் கட்சிக் குழப்பங்கள், தலைமை மாற்றங்கள் காரணமாக விலகியவர். தவெகவின் புதிய அணுகுமுறை, சமூகநீதி மற்றும் பெண்கள் உரிமைகளை வலியுறுத்தும் கொள்கைகளால் தவெகவில் இணைந்துள்ளார். அசனா, அதிமுகவின் பெண்கள் அணியில் சுறுசுறுப்பாக இருந்தவர். காரைக்கால், அதன் அண்டைப் பகுதிகளில் தவெகவின் அடித்தளத்தை விரிவுபடுத்தவும், குறிப்பாக அதிமுக ஆதரவு வலுவான பகுதிகளில் அவர் செல்வாக்கு செலுத்தும் நபராக உள்ளார்.
2024-ல் தொடங்கிய தவெக, 2026 தேர்தலில் தனித்து போட்டியிடுவதாக அறிவித்துள்ளது. இது திமுக, அதிமுக, பாஜக போன்ற பாரம்பரிய கட்சிகளிடமிருந்து பல முன்னாள் தலைவர்களை ஈர்த்து வருகிறது. ஏற்கெனவே, திமுக மற்றும் அதிமுக முன்னாள் எம்.எல்.ஏ தவெகவில் இணைந்துள்ளனர்.
