நடிகர் விஜய் அரசியலுக்கு வர வேண்டும்.. விஜய்க்கு தடை போடும் திமுக.! அண்ணாமலை சொன்ன பகீர் தகவல்
நடிகர் விஜய் விரைவில் தமிழக அரசியலுக்கு வந்தால் என்னவாகும் என்பதே பல அரசியல் கட்சிகளுக்கும், தலைவர்களுக்கும் கேள்வியாக எழுந்துள்ளது.
10 மற்றும் 12ம் வகுப்பு பொதுத் தேர்வில் தொகுதி வாரியாக முதல் மூன்று இடங்களை பிடித்த மாணவர்களுக்கு ஊக்கத்தொகை வழங்கப்படும் என்று விஜய் மக்கள் இயக்கம் சார்பில் தெரிவிக்கப்பட்டது. அதன்படி கல்வி விருது வழங்கும் விழா இன்று சென்னை நீலாங்கரையில் நடைபெற்றது.
மாணவர்களின் பெற்றோர்கள் முன்னிலையில் மேடையில் அவர்களைப் பாராட்டிக் கௌரவித்த விஜய், இந்நிகழ்வில் பல விஷயங்கள் குறித்தும் பேசினார்.காலை 11 மணிக்கு தொடங்கிய விருது வழங்கும் நிகழ்வு இரவு 10 மணியை தாண்டி நடைபெற்றது. 10 மணிநேரத்துக்கு மேல் நடிகர் விஜய் மேடையில் நின்றுகொண்டிருந்தார்.
மேலும் ஒவ்வொரு மாணவருக்கும் தன் கையால் சான்றிதழ் மற்றும் பரிசுகளை வழங்கி பொன்னாடை போர்த்தி புகைப்படம் எடுத்துக்கொண்டார். நடிகர் விஜயின் பேச்சு, நடவடிக்கை எல்லாம் அவர் விரைவில் அரசியலுக்கு வர உள்ளாரோ? என்ற கேள்வி தமிழக அரசியல் வட்டாரங்களில் எழுந்துள்ளது. நடிகர் விஜயின் இந்த கல்வி விருது விழா பற்றியும், அவரது பேச்சு பற்றியும் பல்வேறு அரசியல் தலைவர்களும் பல கருத்துக்களை தெரிவித்து வருகிறார்கள்.
நடிகர் விஜய் குறித்து பேசிய தமிழக பாஜக தலைவர் அண்ணாமலை, நடிகர் விஜய் ஒரு முக்கியமான நபர். சக்தி வாய்ந்த நடிகர் கூட. அவருடைய அரசியல் வருகையை 100 சதவீதம் வரவேற்கிறேன். தமிழகத்தில் திமுக போன்ற பெரிய கட்சிகள் நல்லவர்கள் அரசியலுக்கு வருவதை தடுக்கின்றன” என்று கூறியுள்ளார் அண்ணாமலை.
சேனலை கிளிக் செய்து பின்தொடரவும்
