- Home
- Lifestyle
- Shoe Hacks: வெள்ளை ஷூவில் படிந்த சேற்றை 10 நிமிடத்தில் நீக்கலாம்.. இந்த டிரிக் தெரியுமா?
Shoe Hacks: வெள்ளை ஷூவில் படிந்த சேற்றை 10 நிமிடத்தில் நீக்கலாம்.. இந்த டிரிக் தெரியுமா?
White Shoes Cleaning: மழைக்காலத்தில் வெள்ளை ஷூவில் சேறும் கறையும் படிவது இயல்புதான். ஆனால் சில எளிய வீட்டு முறைகளைப் பயன்படுத்தினால், பழைய ஷூவையும் மீண்டும் பளபளப்பாக மாற்றலாம். எப்படி என்று தெரிந்துகொள்ளுங்கள்.
முதலில் காய்ந்த தூசியையும் மண்ணையும் தட்டிவிடுங்கள்
ஷூவை சுத்தம் செய்யுறதுக்கு முன்னாடி, ஒரு சாஃப்ட் பிரஷ் அல்லது பழைய டூத் பிரஷ் வெச்சு காய்ஞ்ச தூசியையும், மண்ணையும் தட்டி விடுங்க. இதனால, அழுக்கு ஆழமா பரவாம இருக்கும், சுத்தம் செய்றதும் ஈஸி. அப்புறம், ஒரு கிண்ணத்துல வெதுவெதுப்பான தண்ணி எடுத்து, அதுல கொஞ்சம் லிக்விட் டிடர்ஜென்ட் அல்லது மைல்டு ஷாம்பு கலக்குங்க. அந்த கலவையில பிரஷ்ஷை முக்கி, ஷூவை மென்மையா தேயுங்க. கடைசியா, ஈரமான மைக்ரோஃபைபர் துணியால துடைச்சு எடுங்க.
பேக்கிங் சோடா மற்றும் வினிகர்
ஷூவுல ரொம்பப் பிடிவாதமான கறை இருந்தா, 1 ஸ்பூன் பேக்கிங் சோடா, 1 ஸ்பூன் வெள்ளை வினிகர், கொஞ்சம் தண்ணி சேர்த்து ஒரு பேஸ்ட் மாதிரி ஆக்குங்க. அதை கறை இருக்குற இடத்துல தடவி, 10–15 நிமிஷம் அப்படியே விடுங்க. அப்புறம் சாஃப்ட் பிரஷ் வெச்சு மெதுவா தேய்ச்சு எடுத்தா போதும்.
டூத்பேஸ்ட் மூலம் பளபளப்பை அதிகரிக்கவும்
வெள்ளை நிற (ஜெல் இல்லாத) டூத்பேஸ்ட்டை பழைய டூத் பிரஷ்ல எடுத்து, ஷூ மேல மெதுவா தேயுங்க. 5–10 நிமிஷம் கழிச்சு, ஈரமான துணியால துடைச்சு எடுங்க. இது லேசான கறைகளையும், மஞ்சள் நிறத்தையும் குறைக்க உதவும். ஷூவோட ரப்பர் சோலை சுத்தம் செய்ய, மேஜிக் எரேசர் ஸ்பான்ஜ் அல்லது பேக்கிங் சோடா பேஸ்ட்டை பயன்படுத்துங்க. இது சோலை மறுபடியும் வெள்ளையா, பளபளப்பா காட்டும்.
லேஸை தனியாகத் துவைக்கவும்
ஷூ லேஸை தனியா கழட்டி, சோப்பு கலந்த வெதுவெதுப்பான தண்ணியில 20–30 நிமிஷம் ஊற வைங்க. அதுக்கப்புறம் மெதுவா கையால கசக்கி, நிழல்ல காயப் போடுங்க. இதனால லேஸும் நல்லா சுத்தமாகும், லேஸ் இல்லாததால ஷூவோட மூலை முடுக்கெல்லாம் கூட நீங்க நல்லா சுத்தம் செய்யலாம்.
சரியான முறையில் உலர்த்துவதும் அவசியம்
துவைச்சதுக்கு அப்புறம், ஷூவுக்குள்ள டிஷ்யூ பேப்பர் அல்லது நியூஸ் பேப்பரை வைங்க. அப்போதான் அதோட ஷேப் மாறாம இருக்கும். ஷூவை எப்பவும் நிழல்லதான் காய வைக்கணும். நேரடி வெயில்ல காய வெச்சா, சில மெட்டீரியல்ஸ் மஞ்சள் நிறமா மாறலாம் அல்லது டேமேஜ் ஆகலாம்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
