Petrichor Science: மழை பெய்ததும் வரும் மண் வாசனைக்கு என்ன பெயர் தெரியுமா?
Petrichor Science: மழை பெய்ததும் மண்ணில் இருந்து வரும் இனிய வாசனையை ரசிக்காதவர்கள் குறைவு. மழை பெய்யும்போது, காற்றில் கலக்கும் அந்த மணம் நம்முடைய கவனத்தை ஈர்க்கும். அந்த வாசனைக்கு அறிவியலில் ஒரு தனிப் பெயர் இருக்கிறது என்பது பலருக்கும் தெரியாது.
இந்த வாசனை எங்க இருந்து வருது?
மழைக்கு முன்னாடி வெயில் அடிக்கும் போது, செடிகளோட எண்ணெய்கள், மற்ற இயற்கை பொருட்கள் எல்லாம் மண், பாறைகள் மேல படியும். அதே நேரத்துல, மண்ணுல இருக்குற சில நுண்ணுயிரிகள் 'ஜியோஸ்மின்' (Geosmin) அப்படிங்கிற ஒரு வாசனையை உருவாக்கும். ஈரமான மண்ணுல இருந்து வர்ற அந்த வாசனைக்கு இந்த ஜியோஸ்மின் தான் முக்கிய காரணம்.
மழைத்துளி விழுந்ததும் வாசனை எப்படி காத்துல கலக்குது?
மழைத்துளி காய்ந்த மண்ணுல விழும் போது, சின்ன சின்ன காற்று குமிழிகள் உருவாகி உடையும். அப்போ மண்ணுல இருக்குற இயற்கை பொருட்கள், நுண்ணுயிரிகள், ஜியோஸ்மின் எல்லாம் ஒண்ணா சேர்ந்து காத்துல கலக்கும். இதனால தான் மழை ஆரம்பிச்ச கொஞ்ச நேரத்துலயே நம்ம மூக்குக்கு அந்த மண் வாசனை வருது.
முதல் மழைக்கு மட்டும் வாசனை அதிகமா இருக்க காரணம் என்ன?
ரொம்ப நாளா மழை பெய்யாம மண் காய்ஞ்சு கிடக்கும் போது, வாசனை தரக்கூடிய பொருட்கள் மண்ணுக்கு மேல அப்படியே தங்கிடும். திடீர்னு மழை பெய்யும் போது அது எல்லாம் ஒட்டுமொத்தமா காத்துல கலக்கும். இந்த மண் வாசனைக்கு 'பெட்ரிகோர்' (Petrichor) அப்படின்னு பேரு. 1964-ல I.J. Bear, R.G. Thomas அப்படிங்கிற விஞ்ஞானிகள் தான் இந்த வார்த்தையை முதல்ல பயன்படுத்துனாங்க.
அப்போ 'பெட்ரிகோர்', 'ஜியோஸ்மின்' ரெண்டும் ஒண்ணா?
இல்ல, ரெண்டும் ஒண்ணுனு நினைக்கிறது தப்பு. மழைக்கு அப்புறம் மண்ணுல இருந்து வர்ற மொத்த வாசனைக்கும் பேரு தான் பெட்ரிகோர். ஆனா, அந்த வாசனைக்கு காரணமான ஒரு முக்கியமான பொருள் தான் ஜியோஸ்மின். கெமிக்கல்ஸ், நுண்ணுயிரிகள், செடிகள், மழைத்துளி எல்லாம் சேர்ந்து உருவாக்குற ஒரு சூப்பரான இயற்கை நிகழ்வு தான் இந்த மண் வாசனை.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
