- Home
- Lifestyle
- Types of Lovers: வாரத்திற்கு 20 முறையா? காதலில் நீங்கள் எந்த வகை? புதிய ஆய்வு சொல்லும் ரகசியம்!
Types of Lovers: வாரத்திற்கு 20 முறையா? காதலில் நீங்கள் எந்த வகை? புதிய ஆய்வு சொல்லும் ரகசியம்!
Types of Lovers: ஆஸ்திரேலிய ஆராய்ச்சியாளர்கள் மேற்கொண்ட ஒரு புதிய ஆய்வு, மனிதர்களின் காதல் வெளிப்பாட்டு முறைகளை நான்கு முக்கிய வகைகளாகப் பிரித்துள்ளது. காதலில் நாம் அனைவரும் ஒரே மாதிரியான உணர்வுகளைக் கொண்டிருப்பதில்லை என்கிறது இந்த ஆய்வு.
Types of lovers new study reveals 4 love styles
ஆஸ்திரேலிய தேசிய பல்கலைக்கழகத்தின் (ANU) உயிரியல் மானுடவியல் ஆய்வாளர் ஆடம் போட் மற்றும் அவரது குழுவினர் இந்த ஆய்வை மேற்கொண்டனர். உலகம் முழுவதும் காதலில் இருக்கும் 1,556 பேரிடம் நடத்தப்பட்ட ஆய்வுத் தரவுகளைக் கொண்டு, காதலின் தீவிரம், ஈடுபாடு, ஒருவரைப் பற்றியே சிந்திக்கும் ஆர்வம் (obsessive thinking) மற்றும் உடலுறவு ஆகியவற்றின் அடிப்படையில் காதலர்கள் நான்கு வகையாகப் பிரிக்கப்பட்டனர்.
1.மிதமான காதலர்கள் (Mild Romantic)
இவர்கள் மொத்த ஆய்வில் சுமார் 20% பேர் உள்ளனர். இவர்களிடம் காதல் மற்றும் உறவின் தீவிரம் மிகக் குறைவாகவே உள்ளது. ஒருவரைப் பற்றியே சிந்திக்கும் ஆர்வம், அர்ப்பணிப்பு உணர்வு மற்றும் தாம்பத்யம் கொள்ளும் ஆர்வம் இவர்களுக்கு மற்றவர்களை விடக் குறைவு.
2.இயல்பான காதலர்கள் (Moderate Romantic)
சுமார் 41% பேர் இந்த வகையைச் சேர்ந்தவர்கள். இதுவே மிக அதிகமான மக்கள் பின்பற்றும் முறையாகும். இவர்கள் காதலில் ஓரளவு ஈடுபாடும், ஓரளவு அர்ப்பணிப்பு உணர்வும் கொண்டவர்களாக இருப்பார்கள். இவர்களில் பெரும்பாலோர் ஆண்கள் என்றும், இவர்களுக்குக் குழந்தைகள் இருப்பதற்கான வாய்ப்பு குறைவு என்றும் ஆய்வு கூறுகிறது.
3.தீவிரக் காதலர்கள் (Intense Romantic)
இவர்கள் சுமார் 29% பேர். இவர்கள் "உன்மத்தமான காதல்" கொண்டவர்கள் என அழைக்கப்படுகிறார்கள். தீவிரமான உணர்வுகள், ஒருவரைப் பற்றியே இடைவிடாமல் சிந்திக்கும் பழக்கம் மற்றும் அதிகப்படியான அர்ப்பணிப்பு உணர்வு கொண்டவர்கள் இவர்கள். இவர்களில் சுமார் 60% பேர் பெண்கள்.
Secret Relationship : கள்ளக் காதலில் முதலிடம் பிடித்த தமிழகம்! இந்த நகரம்தான் ஃபர்ஸ்ட்!
4.உணர்ச்சிவசப்பட்ட காதலர்கள் (Libidinous Romantic)
சுமார் 10% பேர் இந்த வகையில் உள்ளனர். இவர்கள் மிகவும் தனித்துவமானவர்கள். இவர்களது காதலில் தாம்பத்யம் மிக முக்கியப் பங்கு வகிக்கிறது. இவர்கள் வாரத்திற்கு சராசரியாக 10 முறையும், சில சமயங்களில் 20 முறையும் இணை சேர்கின்றனர். இவர்களுக்குக் காதலில் தீவிரமான ஆர்வமும், அர்ப்பணிப்பும் உண்டு. இந்த வகை நபர்கள் பொதுவாக அதிகப் பயணம் செய்பவர்களாகவும், மற்றவர்களை விடக் கொஞ்சம் செலவு செய்பவர்களாகவும் இருக்க வாய்ப்புள்ளதாக ஆய்வு குறிப்பிடுகிறது.
ஆய்வின் முக்கியத்துவம்: மனித பரிணாம வளர்ச்சியில் காதல் என்பது ஒரு முக்கியமான அங்கமாகும். இது நீண்ட கால உறவுகளை உருவாக்கவும், இனப்பெருக்கத்திற்கும், பிணைப்பிற்கும் உதவுகிறது. இருப்பினும், ஒவ்வொரு தனிமனிதனும் காதலை வெளிப்படுத்தும் விதம் மாறுபடுகிறது என்பதை இந்த ஆய்வு உறுதிப்படுத்தியுள்ளது.
இந்த ஆய்வு 'பர்சனாலிட்டி அண்ட் இன்டிவிஜுவல் டிஃபரன்சஸ்' (Personality and Individual Differences) என்ற அறிவியல் இதழில் வெளியிடப்பட்டுள்ளது. காதல் மற்றும் உறவுகள் குறித்துப் புரிந்துகொள்ள இந்த ஆய்வு ஒரு புதிய பார்வையை வழங்குகிறது.
Men vs Women : ஆண்களை விட பெண்கள் அதிக காலம் வாழ்வது ஏன்? ரகசியம் இதுதானா?
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
