- Home
- Lifestyle
- Grey Hair Tips: டை அடிக்காமலேயே நரை முடிக்கு குட்பை! கிச்சனில் இருக்கும் 'இந்த' ஒரு பொருள் போதும்!
Grey Hair Tips: டை அடிக்காமலேயே நரை முடிக்கு குட்பை! கிச்சனில் இருக்கும் 'இந்த' ஒரு பொருள் போதும்!
Grey Hair Tips: பீட்ரூட் நரை முடிக்கு ஒரு நேச்சுரல் நிறத்தை கொடுக்கிறது. நரை முடி பிரச்சனைக்கு தீர்வு காண பீட்ரூட் எந்த வகையில் உதவுகிறது? என்பது குறித்து இந்த செய்தியில் பார்க்கலாம்.
நரை முடிக்கு தீர்வு காணும் பீட்ரூட்
நரை முடி வந்து விட்டது என கவலைப்படாதவர்கள் யாரும் இருக்க முடியாது. நரை முடிக்கு கலர் அடிக்க, நிறைய பேர் மருதாணியுடன் பீட்ரூட் சாற்றைக் கலந்து பயன்படுத்துவார்கள். ஆனால், பீட்ரூட் முடிக்கு நிறம் கொடுப்பதற்கு மட்டுமல்ல, உங்கள் தலைமுடி மற்றும் உச்சந்தலைக்கு பல நன்மைகளைத் தருகிறது என்பது உங்களுக்குத் தெரியுமா? பீட்ரூட்டில் இரும்புச்சத்து, ஃபோலேட், வைட்டமின் சி, பொட்டாசியம் மற்றும் ஆன்டிஆக்ஸிடன்ட்கள் நிறைந்துள்ளன. இது முடிக்கு இயற்கையான நிறத்தை கொடுப்பதுடன், அதைவிட பல நன்மைகளையும் செய்கிறது. தலைமுடிக்கு பீட்ரூட் எப்படி நன்மை தருகிறது என்று பார்ப்போம்.
ரத்த ஓட்டத்தை மேம்படுத்துகிறது
பீட்ரூட்டில் உள்ள நைட்ரேட்டுகள் மற்றும் இரும்புச்சத்து, உச்சந்தலையின் ஆரோக்கியத்தை ஆதரிக்கிறது. இது ரத்த ஓட்டத்தை அதிகரித்து, முடியின் வேர்களுக்கு ஊட்டச்சத்து கிடைக்க உதவுகிறது. வறண்ட முடி உள்ளவர்களும் தங்கள் தலைமுடிக்கு பீட்ரூட்டைப் பயன்படுத்தலாம்.
உச்சந்தலைக்கு ஈரப்பதம்
ஹேர் மாஸ்க்கில் பீட்ரூட்டைச் சேர்ப்பது உச்சந்தலைக்கு ஈரப்பதத்தை அளிப்பது மட்டுமல்லாமல், முடியிலும் ஈரப்பதத்தைத் தக்க வைக்கிறது. நீங்கள் இதை தயிர், கற்றாழை அல்லது தேங்காய் எண்ணெயுடன் கலந்தும் பயன்படுத்தலாம். இது பொடுகுப் பிரச்சினையையும் குறைக்கும்.
பொடுகுக்கு நல்ல தீர்வு
பீட்ரூட்டில் உள்ள ஆன்டிஆக்ஸிடன்ட்கள் மற்றும் வைட்டமின் சி, உச்சந்தலையை சுத்தம் செய்து, பொடுகுப் பிரச்சனைக்கு தீர்வு காண்கிறது. ஆனால், பொடுகை நீக்குவதற்காக மட்டுமே பீட்ரூட்டைப் பயன்படுத்த முடியாது.
முடியின் பளபளப்பை அதிகரிக்கிறது
நீங்கள் வழக்கமாக பயன்படுத்தும் ஹேர் மாஸ்க்கில் பீட்ரூட் சாற்றைக் கலந்து பயன்படுத்தினால், உங்கள் முடி மென்மையாகவும் பளபளப்பாகவும் மாறும். தேங்காய் எண்ணெய், கற்றாழை ஜெல் அல்லது மருதாணியுடன் பீட்ரூட் சாற்றைக் கலந்து, 30 முதல் 45 நிமிடங்கள் வரை தலையில் வைத்திருந்து, பின்னர் மைல்டான ஷாம்பு கொண்டு முடியை அலசவும்.
ஒரு விஷயத்தைக் கவனத்தில் கொள்ளுங்கள், நீங்கள் முதல் முறையாக பீட்ரூட்டைப் பயன்படுத்தப் போகிறீர்கள் என்றால், பேட்ச் டெஸ்ட் செய்வது அவசியம். ஏதேனும் ஒவ்வாமை ஏற்பட்டால், இதைப் பயன்படுத்துவதைத் தவிர்க்க வேண்டும். பீட்ரூட் சாறு நரை முடியை முழுமையாக கருப்பாக்காது, ஒரு நிறத்தை மட்டுமே கொடுக்கும் என்பது குறிப்பிடத்தக்கது.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
