உணவு வீணாவதைத் தவிர்க்க பிரிட்ஜை முழுசா பயன்படுத்தணும்! இந்த டிப்ஸ் ட்ரை பண்ணுங்க!

தேவையற்ற ஷாப்பிங் செய்ய வேண்டாம். வாரத்திற்கான உணவுத் திட்டத்தைத் தயாரித்து, பொருட்களைச் சரிபார்த்து, வாரம் முழுவதும் உங்களுக்குத் தேவையானவற்றைப் பட்டியலிடுங்கள். இந்தப் பழக்கம் பிஸியான நாட்களில் நேரத்தை மிச்சப்படுத்துவது மட்டுமல்லாமல், பொருட்களை முழுமையாகப் பயன்படுத்தவும் உதவும்.

நம்மில் சிலர் சமைக்கும் நேரத்தைக் குறைக்க நினைக்கிறார்கள். இதற்காக மொத்தமாக உணவுகளை தயாரிப்பதை விரும்புகிறார்கள். அவர்கள் பிரிட்ஜில் வைக்கும்போதே வைக்கும் தேதியையும் குறித்து ஒரு லேபிள் ஒட்டி வைக்கலாம். இது நினைவில் வைத்துக் கொள்ளவும், தேவைப்படும்போது பயன்படுத்தவும் உதவும்.

எதை எங்கு சேமிக்க வேண்டும் என்பதை அனைவரும் புரிந்து கொள்ள வேண்டும். சமைத்த மற்றும் சமைக்காத உணவுகளை தனித்தனியாக வைக்க வேண்டும். இறைச்சி போன்ற உணவுகளை ஃப்ரீசரில் வைக்கலாம்.

ஒரு குளிர்சாதன பெட்டியை வசதியாகப் பொருட்களை வைத்துக்கொள்ள ஆர்கனைஸர்களை பயன்படுத்த வேண்டும். ஒவ்வொரு வகை உணவுப் பொருட்களுக்கும் வெவ்வேறு வகையான கன்டெய்னர்கள் மற்றும் ஆர்கனைஸர்கள் இருக்க வேண்டும். இதன் மூலம் ப்ரிட்ஜை சுத்தமாக வைத்திருப்பது மட்டுமல்லாமல், என்ன இருக்கிறது என்பதைக் கண்காணிக்கவும், அதிகமாக வாங்குவதைத் தவிர்க்கவும் உதவும்.

பல்வேறு வகையான உணவுகளுக்கு வெவ்வேறு பகுதிகளைப் பிரித்துகொள்ளவும். இது உங்கள் பிரிட்ஜை கண்காணிக்கவும், மளிகை திட்டத்தை வரிசைப்படுத்தவும் உணவு மாசுபாட்டைத் தவிர்க்கவும் உதவும். இதற்கு ஏற்ப கன்டெய்னர்களையும் ஆர்கனைஸர்களையும் வாங்க வேண்டும்.

குளிர்சாதனப்பெட்டியை சீரான இடைவெளியில் சுத்தம் செய்ய வேண்டும். வல்லுநர்கள் மாதத்திற்கு இரண்டு முறை பிரிட்ஜை சுத்தம் செய்ய பரிந்துரைக்கிறார்கள். இது துர்நாற்றம் மற்றும் கிருமிகள் உருவாவதைத் தடுக்கும்.