உலக பணக்காரர் அம்பானிக்கு மனைவி என்றால் சும்மாவா..! நீதா அம்பானி அணியும் புடவைகளின் விலை தெரியுமா?

உலக பணக்காரர்களுள் ஒருவரான முகேஷ் அம்பானியின் மனைவி தான் நீதா அம்பானி. இவர் போர்ப்ஸ் பட்டியலில் இடம்பெற்ற தொழிலதிபரும் ஆவார். சர்வதேச ஒலிம்பிக் கமிட்டியில் (ஐஓசி) உறுப்பினரான முதல் இந்திய பெண் என்பதும் வியக்க வைக்கும் உண்மை. அவர் அணியும் புடவைகள் சாதாரணமானவை அல்ல. அதில் பல்வேறு சிறப்புகள் உள்ளன, அதிலும் அவற்றின் விலை ரொம்பவும் அதிகம். இங்கே அதுகுறித்து காணலாம். 

நீதா அம்பானி உலகின் மிக விலையுயர்ந்த புடவையை அணிந்து கின்னஸ் உலக சாதனை கூட செய்துள்ளார் என்பதை நம்மில் பலர் அறிந்திருக்க வாய்ப்பில்லை. நீதா அம்பானி அணியும் லெஹெங்காக்கள், புடவைகளுக்கு பொருத்தமாக அவர் அணியும் பிளவுஸ்கள் எல்லாமே தனித்துவமானவை. தங்க ஜரிகை, விலையுயர்ந்த ஓவியங்களால் அவை வடிவமைக்கப்படும். 40 லட்சம் மதிப்பில் நீதா அம்பானி அணிந்திருந்த புடவை ரொம்பவும் பேசப்பட்டது. இத்தனை லட்சங்களில் அப்படி அந்த புடவையில் என்ன சிறப்பு என தோன்றுகிறதா? 

இந்த புடவை பார்க்கதான் எளிமையாக தெரியும், ஆனால் இதில் தங்க ஜரிகை வேலைகள் செய்யப்பட்டிருந்தது. பிளவுஸில் விலையுயர்ந்த ஓவிய வடிவமைப்பு இருந்தது. இந்த புடவையை சென்னை சில்க்ஸ் இயக்குனர் சிவலிங்கம் வடிவமைத்துள்ளார். புகழ்பெற்ற காஞ்சி பட்டு, மெல்லிய தங்க ஜரிகைகள் இந்த சேலையின் எம்பிராய்டரிக்கு பயன்படுத்தப்பட்டன. எமரால்டு, ரூபி, புஷ்பராகம், முத்து ஆகிய கற்கள் பதித்து இந்த புடவை கண்ணை கவரும் வகையில் வடிவமைக்கப்பட்டது. காஞ்சிபுரத்தைச் சேர்ந்த 36 கைவினைஞர்கள் இணைந்து இந்தப் புடவையை நெசவு செய்தனர். கிட்டத்தட்ட ஒரு ஆண்டு முழுவதும் கண்ணும் கருத்துமாக இந்த புடவை வடிவமைக்கப்பட்டது.  

ஆடை வடிவமைப்பாளர் நவ்தீப் துண்டியா டிசைன் செய்த நீலம் மற்றும் சிவப்பு வண்ண படோலா புடவைக்கு நீதா அம்பானி கிட்டத்தட்ட ரூ. 1.70 லட்சம் கொடுத்திருக்கிறார். இது மிகவும் எளிமையான தோற்றத்தை அவருக்கு கொடுத்தாலும், முத்துக்கள் பதித்த நெக்லஸ், சில வளையல்களுடன் தன்னை அழகுபடுத்தியிருப்பார். 

நிதா அம்பானியின் மகன் ஆன்ந்த் அம்பானிக்கு அண்மையில் நிச்சயதார்த்தம் நடந்தது. இதில் அசத்தலான லெஹங்காவுடன் மிக அழகாகத் தெரிந்தார். அந்த ஆடை ஜர்தோசி, சிக்கன்காரி எம்பிராய்டரி மூலம் அலங்கரிக்கப்பட்டது. பட்டோலா பட்டு, படிகங்கள் போன்ற வேலைப்பாடுகள் ஆடையை மேலும் அழகூட்டியது. ஆனால் அதற்கு இணையாக அவர் அணிந்திருந்த நெக்லஸ் தான் காண்போர் கண்ணை கவர்ந்தது.  

இதையும் படிங்க: தர்பூசணியை இந்த 1 பொருளுடன் சேர்த்து சாப்பிட்டால்... ரெண்டு மடங்கு நன்மை கிடைக்கும்.. நிபுணர் சொல்றத கேளுங்க!!

நீதா அம்பானி தன் மூத்த மகன் ஆகாஷின் திருமண நிகழ்வில், டிசைனர் சப்யாசாச்சி முகர்ஜி வடிவமைத்த பிங்க் நிற லெஹங்காவை உடுத்தியிருந்தார். அற்புதமான கலை வேலைப்பாடுகளுடன் இருந்த அந்த லெஹங்காவிற்கு மேட்சிங் ஆக பிளவுஸில் ஷுபரம்ப் மற்றும் ஆகாஷ்-ஷ்லோகா என்று எழுதப்பட்டிருந்தது. வைரம், மரகத கற்களால் செய்யப்பட்ட நெக்லஸை அவர் அணிந்திருந்தார். இந்த லெஹங்காவும் லட்சங்களில் வடிவமைக்கப்பட்டது தான். அது சரி உலகப் பணக்காரர் மனைவி என்றால் சும்மாவா? 

இதையும் படிங்க: சைடுல டிரெஸ்ஸே இல்லையே..! அரை நிர்வாணமா கவர்ச்சி போஸ் கொடுக்கும் டெமி ரோஸ்... திகைத்துப்போன ரசிகர்கள்..!