6 மாதங்களுக்கு பிறகு குறைக்கப்பட்ட சிலிண்டர் விலை: புத்தாண்டில் மக்களுக்கு குட் நியூஸ் சொன்ன அரசு!

LPG Cylinder Price Cheaper From Today in Delhi : 2025 ஆம் ஆண்டு புத்தாண்டு இன்று புதன் கிழமை பிறந்துள்ளது. தீய பழக்க வழக்கங்களில் ஈடுபட்டவர்கள் இனிமே அதிபோன்ற ஒரு பழக்க வழக்கங்களில் ஈடுபட கூடாது என்று சபதம் எடுப்பார்கள். அதே போன்று 2025 ஆம் ஆண்டு புத்தாண்டு எல்லா நன்மைகளையும் வெற்றிகளையும் தர வேண்டும் என்று அனைவரும் வேண்டிக் கொள்வார்கள். இந்த நிலையில் தான் 2025 புத்தாண்டில் மக்களுக்கு இன்ப அதிர்ச்சி கொடுக்கும் வகையில் சிலிண்டர் விலையை குறைத்து அரசு அதிரடியாக உத்தரவிட்டுள்ளது.

19 கிலோ எடை கொண்ட வர்த்தக சிலிண்டரின் விலை குறைக்கப்பட்டுள்ளது. புத்தாண்டின் தொடக்கமான ஜனவரி 1ஆம் தேதியான இன்று முதல் எல்பிஜி சிலிண்டர் விலையை 14.50 ரூபாய் எண்ணெய் நிறுவனங்கள் குறைத்துள்ளன.

இந்த விலை குறைப்புக்கு பிறகு டெல்லியில் 19 கிலோ சிலிண்டரானது ரூ.1804க்கு விற்பனை செய்யப்படுகிறது. இதற்கு முன்னதாக டெல்லியில் ரூ.1818.50க்கு விற்பனை செய்யப்பட்டது என்பது குறிப்பிடத்தக்கது. இதே போன்று சென்னையில் ரூ.1966க்கு விற்பனை செய்யப்படுகிறது. மேலும், மும்பையில் ரூ.1756க்கும், கொல்கத்தாவில் ரூ.1911க்கும் விற்பனை செய்யப்படுகின்றன. ஆனால், உள்நாட்டு சிலிண்டரானது சென்னையில் ரூ.818.50க்கும், மும்பையில் ரூ.802.50க்கும், டெல்லியில் ரூ.803க்கும், கொல்கத்தாவில் ரூ.829க்கும் விற்பனை செய்யப்படுகின்றன.

வர்த்தகத்திற்கு பயன்படுத்தப்படும் 19 கிலோ எடை சிலிண்டரானது இப்போது 6 மாதங்களுக்கு பிறகு குறைக்கப்பட்டுள்ளது. ஜூலை முதல் டிசம்பர் வரையில் உயர்ந்திருந்த வர்த்தக சிலிண்டரின் விலை இன்று முதல் ரூ.14.50 குறைக்கப்பட்டுள்ளது. இந்த விலை குறைப்பு மக்களுக்கு இன்ப அதிர்ச்சியாக அமைந்துள்ளது என்பது குறிப்பிடத்தக்கது.