சிம்புவுக்கு கல்யாணம் ஆனா தான் நான் கல்யாணம் பண்ணிப்பேன் - அதிரடியாக அறிவித்த விஜய் டிவி சீரியல் நடிகை

நடிகர் சிம்பு திருமணம் செய்துகொண்ட பின்னர் தான் நான் கல்யாணம் பண்ணிக்கொள்வேன் என விஜய் டிவி சீரியல் நடிகை ஒருவர் அறிவித்து இருக்கிறார்.

Simbu

டி.ராஜேந்தரின் மகனான சிம்பு, சிறுவயதில் இருந்தே சினிமாவில் நடித்து வருகிறார். இவர் நடிகராக மட்டுமின்றி இயக்குனர், பாடகர், இசையமைப்பாளர் என பன்முகத்திறமை கொண்டவராக திகழ்ந்து வருகிறார். நடிகர் சிம்புவுக்கு தற்போது வயது 40ஐ தாண்டிவிட்டது. இருந்தாலும் திருமணம் செய்துகொள்ளாமல் முரட்டு சிங்கிளாகவே வலம் வருகிறார். பல்வேறு நடிகைகளுடன் கிசுகிசுவில் சிக்கினாலும் சிம்புவுக்கு காதலும் செட்டாகவில்லை.

Actor Simbu

சிம்புவின் தந்தை டி.ராஜேந்தரும் தன் மகனுக்கு வரன் பார்த்துக் கொண்டிருப்பதாக பல்வேறு பேட்டிகளில் கூறுகிறார். ஆனால் சிம்புவின் திருமண செய்தி மட்டும் வெளிவந்தபாடில்லை. அண்மையில் கூட சிம்புவுக்காக சொந்த ஊரில் டி.ராஜேந்தர் பெண் தேடி வருவதாக செய்திகள் வந்தன. ஆனால் அதன் பின்னர் சிம்புவின் திருமணம் பற்றிய பேச்சுகள் அப்படியே கப் சிப் என ஆகிவிட்டது. 

இதையும் படியுங்கள்... Maharaja: ரஜினி படத்தின் லைஃப் டைம் வசூலை மூன்றே நாளில் அடிச்சுதூக்கி மாஸ் காட்டிய விஜய் சேதுபதியின் ‘மகாராஜா’

rhema ashok, simbu

மறுபுறம் சிம்புவும் சினிமாவில் பிசியாக நடித்துக் கொண்டிருக்கிறார். அவர் நடிப்பில் தற்போது தக் லைஃப் திரைப்படம் உருவாகி வருகிறது. மணிரத்னம் இயக்கும் இப்படத்தில் கமல்ஹாசன் உடன் இணைந்து நடித்து வருகிறார் சிம்பு. அதுமட்டுமின்றி தேசிங்கு பெரியசாமி இயக்கத்தில் உருவாக உள்ள எஸ்.டி.ஆர் 48 திரைப்படமும் சிம்பு கைவசம் உள்ளது. இதுதவிர மேலும் சில படங்களிலும் நடிக்க பேச்சுவார்த்தை நடத்தி வருகிறார்.

rhema ashok insta post

இப்படி சிம்பு திருமணத்தை பற்றி யோசிக்காமல் சினிமாவில் பிசியாக இருக்க, விஜய் டிவி சீரியல் நடிகை ஒருவர், சிம்புவின் திருமணத்துக்கு பின்னர் தான் தனது திருமண நடக்கும் என அறிவித்துள்ளார். அவர் வேறுயாருமில்லை கல்யாணம் முதல் காதல் வரை, நாச்சியார்புரம், சின்னத்தம்பி போன்ற சீரியல்களில் நடித்து பிரபலமான நடிகை ரேமா அசோக் தான். நடிகை ரேமா அசோக், சிம்புவின் தீவிர ரசிகை என்பது குறிப்பிடத்தக்கது.

இதையும் படியுங்கள்... சைலன்டாக நடந்து முடிந்த குட் நைட் பட இயக்குனர் விநாயக் சந்திரசேகரன் திருமணம் - வைரலாகும் வெட்டிங் கிளிக்ஸ்