Anchor DD : விஜய் டிவியின் செல்லப்பிள்ளை... தொகுப்பாளினி டிடி இத்தனை கோடி சொத்துக்களுக்கு சொந்தக்காரியா?

டிடி என்கிற திவ்யதர்ஷினி கடந்த 1999-ம் ஆண்டு ஸ்கூல் படிக்கும்போதே விஜய் டிவியில் தொகுப்பாளினியாக அறிமுகமானார். முதன்முதலில் இவர் உங்கள் தீர்ப்பு என்கிற நிகழ்ச்சியை தொகுத்து வழங்கினார். இதையடுத்து கே பாலச்சந்தர் இயக்கிய ரெக்கை கட்டிய மனசு என்கிற தொலைக்காட்சி தொடர் மூலம் நடிகையாக அறிமுகமானார். அதன் மூலம் கிடைத்த பாப்புலாரிட்டி காரணமாக அவருக்கு அடுத்தடுத்து நடிக்க வாய்ப்பு கிடைத்தது.

இவர் தொகுப்பாளினியாக மட்டுமின்றி டப்பிங் கலைஞராகவும் பணியாற்றி உள்ளார். சரோஜா படத்தில் வேகா மற்றும் கோவா படத்தில் பியா பாஜ்பாய் ஆகியோருக்கு குரல் கொடுத்தது டிடி தான். விஜய் டிவியில் ஒளிபரப்பான ஜோடி நம்பர் ஒன், பாய்ஸ் வெர்சஸ் கேர்ள்ஸ் போன்ற நிகழ்ச்சிகளை தொகுத்து வழங்கியதன் மூலம் நட்சத்திர தொகுப்பாளினியாக உருவெடுத்தார் டிடி. இவரை புகழின் உச்சிக்கு கொண்டு சென்றது காஃபி வித் டிடி என்கிற நிகழ்ச்சி தான்.

இப்படி செம்ம பிசியான தொகுப்பாளினியாக வலம் வந்த டிடி, கடந்த 2014-ம் ஆண்டு தன்னுடைய நெருங்கிய நண்பரான ஸ்ரீகாந்த் என்பவரை காதலித்து திருமணம் செய்துகொண்டார். ஆனால் 3 ஆண்டுகளில் இவர்களின் திருமண வாழ்க்கை முடிவுக்கு வந்தது. இருவருக்கும் இடையே ஏற்பட்ட மனக்கசப்பு காரணமாக ஸ்ரீகாந்தை விவாகரத்து செய்து பிரிந்தார் டிடி. சமீபகாலமாக டிடி பெரியளவில் நிகழ்ச்சிகளை தொகுத்து வழங்குவதில்லை.

இதையும் படியுங்கள்... Shraddha Kapoor Net Worth: முதல் படமே பிளாப்.. ஆனா சோசியல் மீடியாவில் இந்த நடிகைதான் நம்பர் 1.. யார் தெரியுமா?

அதற்கு காரணம் அவருக்கு rheumatoid arthritis என்கிற அரியவகை நோய் பாதிப்பு உள்ளது. இதன் காரணமாக அவரால் வெகுநேரம் ஒரு இடத்தில் நிற்க முடியாது. இதுவே அவரின் கெரியருக்கு பின்னடைவாக அமைந்தாலும், அவ்வப்போது ஆடியோ லாஞ்ச் நிகழ்வுகளை தொகுத்து வழங்கி வருகிறார் டிடி. அதுமட்டுமின்றி சினிமாவிலும் நடித்து வருகிறார் டிடி. அண்மையில் இவர் நடிப்பில் ஜோசுவா என்கிற திரைப்படம் வெளியானது. இதுமட்டுமின்றி கவுதம் மேனன் இயக்கிய துருவ நட்சத்திரம் படத்திலும் முக்கிய கதாபாத்திரத்தில் நடித்துள்ளார் டிடி.

இந்த நிலையில், விஜய் டிவியில் செல்லப்பிள்ளையாக வலம் வரும் டிடி-யின் சொத்து மதிப்பு குறித்த தகவல் வெளியாகி உள்ளது. அதன்படி இவர் ஒரு எபிசோட் தொகுத்து வழங்க ரூ.4 லட்சம் வரை சம்பளம் வாங்குவதாகவும், இவரின் சொத்து மதிப்பு ரூ.5 கோடிக்கு மேல் இருக்கும் என்றும் கூறப்படுகிறது. இவர் தனியாக பிசினஸும் செய்து வருகிறாராம். அதன்மூலமாகவும் டிடி-க்கு லட்சக்கணக்கில் வருமான வருவதாக தகவல்கள் தெரிவிக்கின்றன.

இதையும் படியுங்கள்... Ranbir : "பாலிவுட்டின் பணக்கார குழந்தை" ரன்பீர் கபூர் தன் குழந்தைக்கு கொடுக்கப்போகும் சொத்து எவ்வளவு தெரியுமா?