இவர் டான்ஸ் மாஸ்டரா இல்ல ஜிம் மாஸ்டரா! லியோவுக்காக சிக்ஸ் பேக் வைத்த சாண்டியின் வெறித்தனமான போட்டோ இதோ

லோகேஷ் கனகராஜ் இயக்கத்தில் உருவாகி உள்ள லியோ படத்திற்காக சிக்ஸ் பேக் வைத்துள்ள சாண்டி மாஸ்டரின் வெறித்தனமான போட்டோ இணையத்தில் வைரலாகிறது.

sandy master

கலா மாஸ்டரின் மானாட மயிலாட நிகழ்ச்சி மூலம் பிரபலம் ஆனவர் சாண்டி. இதையடுத்து தன்னுடைய நடனத்திறமையால் அடுத்தடுத்த உயரங்களைத் தொட்ட சாண்டி மாஸ்டர் சொந்தமாக டான்ஸ் ஸ்கூல் ஒன்றையும் நடத்தி வருகிறார். நடனத்தில் சிறந்து விளங்கிய சாண்டி மாஸ்டர் பிக்பாஸ் நிகழ்ச்சியின் மூன்றாவது சீசனில் போட்டியாளராக களமிறங்கினார். அந்த சீசனில் பைனல் வரை சென்ற இவருக்கு 2-ம் இடம் கிடைத்தது.

leo movie sandy master

பிக்பாஸ் நிகழ்ச்சிக்கு பின்னர் சாண்டிக்கு முன்னணி நடிகர்களின் படங்களில் நடன இயக்குனராக பணியாற்றும் வாய்ப்பும் கிடைத்தது. இதைப்பயன்படுத்து அடுத்தடுத்த உயரங்களை தொட்ட இவருக்கு, நடிப்பின் மீது ஆர்வம் வந்ததால், மூணு முப்பதி மூணு என்கிற திகில் படம் மூலம் ஹீரோவாக அறிமுகமானார் சாண்டி. அப்படம் விமர்சன ரீதியாக நல்ல வரவேற்பை பெற்றதை அடுத்து சாண்டிக்கு பட வாய்ப்புகள் குவிந்து வருகின்றன.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

sandy master with Lokesh Kanagaraj

அந்த வகையில், தற்போது தளபதி விஜய்யுடன் லியோ படத்தில் நடித்திருக்கிறார் சாண்டி மாஸ்டர். லோகேஷ் கனகராஜ் இயக்கியுள்ள இப்படத்தில் சாண்டிக்கும் மிகவும் முக்கியமான கதாபாத்திரமாக இருக்கும் என கூறப்படுகிறது. விக்ரம் படத்தில் நடன இயக்குனர் வஸந்தியை ஏஜெண்ட் டீனா என்கிற சர்ப்ரைஸ் கேரக்டரில் நடிக்க வைத்தது போல் லியோவில் சாண்டி மாஸ்டரின் கேரக்டர் இருக்கும் என கூறப்படுகிறது.

sandy master six pack photo

இந்த நிலையில், லியோ படத்திற்காக வெறித்தனமாக ஒர்க் அவுட் செய்து சிக்ஸ் பேக் உடற்கட்டுக்கு மாறியுள்ள சாண்டி மாஸ்டரின் லேட்டஸ்ட் போட்டோ பார்த்து ரசிகர்கள் ஷாக் ஆகிப்போய் உள்ளனர். லியோ ஆடியோ லாஞ்ச் கேன்சல் ஆகிவிட்டதே என கவலையில் இருந்த ரசிகர்களை உற்சாகப்படுத்தும் விதமாக இந்த புகைப்படத்தை பதிவிட்ட சாண்டி, அமைதியா லோகேஷின் மேஜிக்கை பார்க்க காத்திருங்கள் என பதிவிட்டுள்ளார். சாண்டியின் சிக்ஸ் பேக் பார்த்த ரசிகர்கள் வெறித்தனமாக இருப்பதாக கமெண்ட் செய்து வருகின்றனர்.

இதையும் படியுங்கள்... உருவாகிறது ஜெயிலர் 2! கலாநிதியின் 1000 கோடி டார்கெட்.. மீண்டும் அலப்பறை கிளப்ப ரெடியான ரஜினி - நெல்சன் கூட்டணி