ரத்தமாரே ரத்தமாரே... தாத்தா ரஜினியோடு தீபாவளியை கொண்டாடிய தனுஷ் மகன்கள் - வைரலாகும் போட்டோஸ்

தமிழ் திரையுலகில் சூப்பர்ஸ்டாராக வலம் வரும் ரஜினிகாந்த், தனது பேரன்கள் யாத்ரா, லிங்காவோடு பிறந்தநாள் கொண்டாடிய புகைப்படங்கள் வைரலாகி வருகின்றன.

Rajinikanth

நடிகர் ரஜினிகாந்துக்கு இந்த ஆண்டு மறக்க முடியாத ஆண்டாகவே அமைந்துள்ளது. அவர் நடிப்பில் கடைசியாக வெளிவந்த ஜெயிலர் திரைப்படம் இண்டஸ்ட்ரி ஹிட் அடித்தது. அப்படம் ரஜினிக்கு கம்பேக் படமாகவும் அமைந்தது. ஜெயிலர் படத்தின் வெற்றிக்கு பின்னர் ரஜினிக்கு அடுத்தடுத்து பட வாய்ப்புகள் குவிந்த வண்ணம் உள்ளன.

Rajinikanth family

ஜெயிலர் படத்தை தொடர்ந்து ரஜினி நடிப்பில் லால் சலாம் என்கிற திரைப்படம் உருவாகி உள்ளது. இப்படத்தை அவரது மகள் ஐஸ்வர்யா இயக்கி உள்ளார். இப்படத்தில் மொய்தீன் பாய் என்கிற கேமியோ ரோலில் நடித்துள்ளார் ரஜினி. இப்படத்தின் ஷூட்டிங் முடிந்து வருகிற ஜனவரி மாதம் பொங்கலுக்கு திரைக்கு வர உள்ளது.

Rajinikanth family diwali celebration

இதையடுத்து ரஜினி ஹீரோவாக நடித்து வரும் தலைவர் 170 படத்தின் படப்பிடிப்பு தற்போது விறுவிறுப்பாக நடைபெற்று வருகிறது. லைகா நிறுவனம் தயாரிக்கும் இப்படத்தை ஜெய்பீம் இயக்குனர் த.செ.ஞானவேல் இயக்குகிறார். இப்படத்தின் படப்பிடிப்பு கேரளா, மும்பை என பல்வேறு மாநிலங்களில் நடைபெற்றது.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

Aishwarya Rajinikanth

தலைவர் 170 படத்தில் நடித்து முடித்த கையோடு, லோகேஷ் கனகராஜ் இயக்க உள்ள தலைவர் 171 படத்தில் நடிக்க உள்ளார் ரஜினி. இப்படத்தை சன் பிக்சர்ஸ் நிறுவனம் தயாரிக்க உள்ளது. இப்படத்திற்கு அனிருத் இசையமைக்க உள்ளார். இதற்கான ஆரம்பக்கட்ட பணிகளும் ஒருபக்கம் விறுவிறுப்பாக நடைபெற்று வருகிறது.

Rajinikanth grand sons

இப்படி மூன்று படங்களை கைவசம் வைத்துள்ள ரஜினி, நேற்று தீபாவளி பண்டிகையை தனது குடும்பத்தினருடன் கொண்டாடி இருக்கிறார். அப்போது நடிகர் தனுஷின் மகன்களும் தனது பேரனுமான யாத்ரா, லிங்கா ஆகியோருடன் தீபாவளி கொண்டாட்டத்தின் போது எடுத்த புகைப்படங்கள் வைரலாகி வருகின்றன.

Rajinikanth diwali celebration

ரஜினியின் மகள் ஐஸ்வர்யா ரஜினிகாந்த், பாரம்பரிய முறைப்படி தன் தந்தையின் பாதத்தை தொட்டு வணங்கி பூஜை செய்தபோது எடுத்த புகைப்படங்களை தனது இன்ஸ்டாகிராம் பக்கத்தில் பதிவிட்டுள்ளார். ரஜினி குடும்பத்து தீபாவளி கொண்டாட்ட புகைப்படங்கள் தான் தற்போது செம்ம டிரெண்டிங்கில் உள்ளன.

இதையும் படியுங்கள்... திடீரென காணாமல் போன தீபா; அதிர்ச்சியில் கார்த்திக்! - விறுவிறுப்பான கார்த்திகை தீபம் சீரியலின் இன்றைய அப்டேட்