பாலிவுட்டையே மிரள வைத்த சூர்யா, நயன்தாரா... ஓடிடி தளத்தில் பட்டையைக் கிளப்பி சாதனை...!
தீபாவளி விருந்தாக அமேசான் பிரைம் ஓடிடி தளத்தில் கடந்த 12ம் தேதி வெளியான சூரரைப் போற்று திரைப்படம் அடுத்தடுத்து பல்வேறு சாதனைகளை படைத்து வருகிறது.
ச்சே... மனுஷன் என்னமா உருக வச்சியிருக்காருய்யா? என ரசிகர்களில் ஆரம்பித்து சக நடிகர்கள் வரை கண் கலங்க வைத்திருக்கும் படமாக அமைத்திருக்கிறது ‘சூரரைப் போற்று’ திரைப்படம்.
கோபிநாத் எழுதிய சுயசரிதை புத்தகமான Simply Fly – A Deccon odyssey என்ற புத்தகத்தை அடிப்படையாக கொண்டு சுதாகொங்கரா இயக்கியுள்ள திரைப்படம் சூரரைப் போற்று. இதில் கேப்டன் கோபிநாத் கதாபாத்திரத்தில் நடிகர் சூர்யா நடிக்கவில்லை, வாழ்ந்து இருக்கிறார் என பலரும் பாராட்டி வருகின்றனர்.
தீபாவளி விருந்தாக அமேசான் பிரைம் ஓடிடி தளத்தில் கடந்த 12ம் தேதி வெளியான சூரரைப் போற்று திரைப்படம் அடுத்தடுத்து பல்வேறு சாதனைகளை படைத்து வருகிறது.
முதல் நாளே 55 மில்லியன் பார்வையாளர்கள் சூரரைப் போற்று படத்தை கண்டு ரசித்துள்ளனர். 55 மில்லியன் பார்வையாளர்கள் பார்த்துள்ளனர். இதை தியேட்டர் டிக்கெட் கணக்கில் மாற்றினால் முதல் நாள் வசூலே 660 கோடி ரூபாய் வருமாம். அதுவே 4 நாட்களில் 1000 கோடி வரை உயர்ந்ததாக கூறப்படுகிறது.
தற்போது தீபாவளி ஸ்பெஷலாக ஓடிடி தளத்தில் வெளியான படங்களிலேயே அதிகம் பேரால் பார்க்கப்பட்ட திரைப்படம் என்ற பட்டியலில் சூர்யாவின் சூரரைப் போற்று திரைப்படம் பிடித்துள்ளது.
மூன்றாவது இடத்தில் லேடி சூப்பர் ஸ்டார் நயன்தாரா நடிப்பில் ஆர்.ஜே. பாலாஜி இயக்கத்தில் வெளியான மூக்குத்தி அம்மன் திரைப்படம் பிடித்துள்ளது.
கடவுளுக்கும், மனிதனால் உருவாக்கப்பட்ட கடவுளுக்கும் இடையிலான மோதலையும், மத அரசியலையும் காமெடியுடன் கலந்து கொடுத்த இந்த திரைப்படம் ரசிகர்களிடம் மிகுந்த வரவேற்பை பெற்றுள்ளது குறிப்பிடத்தக்கது.
சேனலை கிளிக் செய்து பின்தொடரவும்
