vikram meets Dhoni : ‘தல’ தோனி உடன் ‘சீயான்’ விக்ரம்.... திடீர் சந்திப்பின் பின்னணி என்ன?

பிசியான நடிகராக வலம் வரும் விக்ரம், இந்திய கிரிக்கெட் அணியின் முன்னாள் வீரரும், சென்னை சூப்பர் கிங்ஸ் அணியின் தற்போதைய கேப்டனுமான எம்.எஸ்.தோனியை நேற்று திடீரென சந்தித்தார். 

தமிழ் திரையுலகில் முன்னணி நடிகராக வலம் வருபவர் விக்ரம். தற்போது இவர் கைவசம் கோப்ரா, துருவ நட்சத்திரம், மகான், பொன்னியின் செல்வன் ஆகிய படங்கள் உள்ளன. இதில் கோப்ரா படத்தை அஜய் ஞானமுத்து இயக்கி உள்ளார். ஏ.ஆர்.ரகுமான் இப்படத்திற்கு இசையமைக்கிறார். இப்படத்தின் படப்பிடிப்பு முடிந்து பின்னணி பணிகள் விறுவிறுப்பாக நடைபெற்று வருகிறது.

அதேபோல் விக்ரம் நடிப்பில் உருவாகி இருக்கும் துருவ நட்சத்திரம் படத்தை கவுதம் மேனன் இயக்கி உள்ளார். நீண்ட நாட்களாக கிடப்பில் கிடக்கும் இப்படத்தின் இறுதிக்கட்ட படப்பிடிப்பு விரைவில் நடைபெற உள்ளது. இப்படத்திற்கு ஹாரிஸ் ஜெயராஜ் இசையமைத்துள்ளார்.

அடுத்ததாக விக்ரம் நடித்துள்ள படம் பொன்னியின் செல்வன். இப்படத்தை மணிரத்னம் இயக்கி உள்ளார். மிகப்பெரிய நட்சத்திர பட்டாளமே நடித்துள்ள இப்படத்திற்கு ஏ.ஆர்.ரகுமான் இசையமைத்துள்ளார். இப்படத்தின் படப்பிடிப்பு முடிந்து பின்னணி பணிகள் விறுவிறுப்பாக நடைபெற்று வருகிறது.

இதுதவிர மகான் படத்திலும் நடித்து முடித்துள்ளார் விக்ரம். இப்படத்தை கார்த்திக் சுப்புராஜ் இயக்கி உள்ளார். இப்படத்தில் நடிகர் விக்ரமுடன் அவரது மகன் துருவ்வும் இணைந்து நடித்துள்ளார். இப்படம் வருகிற பிப்ரவரி 10-ந் தேதி நேரடியாக ஓடிடி தளத்தில் ரிலீசாக உள்ளது. இதையடுத்து பா.இரஞ்சித் இயக்கும் படத்தில் நடிக்க உள்ளார் விக்ரம்.

இவ்வாறு பிசியான நடிகராக வலம் வரும் விக்ரம், இந்திய கிரிக்கெட் அணியின் முன்னாள் வீரரும், சென்னை சூப்பர் கிங்ஸ் அணியின் தற்போதைய கேப்டனுமான எம்.எஸ்.தோனியை நேற்று திடீரென சந்தித்தார். அவர்கள் இருவரது சந்திப்பின் போது எடுத்த புகைப்படங்கள் இணையத்தில் வைரலாகி வருகின்றன. நடிகர் விக்ரம், தோனியின் தீவிர ரசிகராம், அதனால் அவரை மரியாதை நிமித்தமாக சந்தித்ததாக கூறப்படுகிறது. மற்றபடி இந்த சந்திப்பின் பின்னணியில் எந்த ஒரு விஷயமும் இல்லை என தெரிய வந்துள்ளது.