உதவிப் பேராசிரியர் ஆக ஆசையா? நிரந்தர அரசுப் பணி: பிரபல உதவி பெறும் கல்லூரியில் உதவிப் பேராசிரியர், நூலகர் வேலை

Assistant Professor recruitment: மதுரை யாதவர் கல்லூரியில் உதவிப் பேராசிரியர் மற்றும் நூலகர் பணியிடங்களுக்கு விண்ணப்பங்கள் வரவேற்கப்படுகின்றன. தகுதிகள், இட ஒதுக்கீடு மற்றும் விண்ணப்பிக்கும் முறை குறித்த விவரங்கள்.

Image Credit : Getty

Yadava College தரமான கல்விக்கான அழைப்பு

மதுரை யாதவர் கல்லூரி, தேசிய தரநிர்ணயக் குழுவால் (NAAC) "A" தகுதி பெற்று, கல்வித் துறையில் தொடர்ந்து சிறந்து விளங்குகிறது. இக்கல்லூரி தற்போது, புதிய ஆசிரியர்கள் மற்றும் நூலகர் ஆகியோரை நியமிப்பதற்கான அறிவிப்பை வெளியிட்டுள்ளது. தகுதியும் திறமையும் உள்ள ஆர்வலர்கள் இந்தப் பணிகளுக்கு விண்ணப்பித்து, கல்விப் பணியில் தங்களை ஈடுபடுத்திக்கொள்ள இது ஒரு அரிய வாய்ப்பாகும்.

Image Credit : https://www.freepik.com/

தகுதி மற்றும் இட ஒதுக்கீடு

விண்ணப்பதாரர்களின் கல்வித் தகுதியானது, பல்கலைக்கழக மானியக்குழு மற்றும் தமிழக அரசு விதிகளின்படி இருக்க வேண்டும். மாற்றுத்திறனாளிகளுக்கான கல்வித் தகுதியும் பல்கலைக்கழக மானியக்குழு விதிகளின்படியே அமையும். ஒவ்வொரு பணிக்கும் நிர்ணயிக்கப்பட்ட இட ஒதுக்கீட்டின்படி விண்ணப்பங்கள் பரிசீலிக்கப்படும்.

Image Credit : https://www.freepik.com/

பல்வேறு துறைகளில் காலியிடங்கள்

இக்கல்லூரியில் தமிழ், ஆங்கிலம், வரலாறு, வணிகவியல், வணிக நிர்வாகவியல், கணிதவியல், இயற்பியல், வேதியியல், தாவரவியல், விலங்கியல் மற்றும் நூலகம் ஆகிய துறைகளில் உதவிப் பேராசிரியர் மற்றும் நூலகர் பணியிடங்கள் காலியாக உள்ளன. ஒவ்வொரு துறைக்கும் இட ஒதுக்கீட்டு அடிப்படையில் பணியிடங்கள் நிர்ணயிக்கப்பட்டுள்ளன. ஆர்வமுள்ளவர்கள் தங்களுக்குரிய துறைக்கான காலியிட விவரங்களை சரிபார்த்து விண்ணப்பிக்கலாம்.

Image Credit : Asianet News

Assistant Professor recruitment: விண்ணப்பிக்கும் முறை

தகுதியுள்ள விண்ணப்பதாரர்கள், விண்ணப்பப் படிவத்துடன், கல்விச் சான்றிதழ்கள், சாதிச் சான்றிதழ்கள், அனுபவச் சான்றிதழ்கள் உள்ளிட்ட அனைத்து அசல் ஆவணங்களின் நகல்களையும் இணைத்து, கல்லூரிக்கு அனுப்ப வேண்டும். விண்ணப்பங்களைச் சமர்ப்பிக்க வேண்டிய கடைசி தேதி குறித்த விவரங்களை நேரடியாகக் கல்லூரியின் அறிவிப்பைப் பார்த்து உறுதி செய்துகொள்ள வேண்டும். விண்ணப்பங்கள் அனுப்ப வேண்டிய முகவரி: செயலர், யாதவர் கல்லூரி, திருப்பாலாய், மதுரை - 625 014.