TN Arts College Admission: மாணவர்களே முந்துங்கள்.. அரசு கலை அறிவியல் கல்லூரிகளில் சேர இன்றே கடைசி நாள்..!

தமிழகத்தில் 12ம் வகுப்பு தேர்வு முடிவுகள் மே 8ம் தேதி வெளியானது. இதனையடுத்து, தமிழகம் முழுவதும் கல்லூரி சேர்க்கை விறுவிறுப்பாக நடந்து வருகிறது. தேர்வு முடிவுகள் வெளியாவதற்கு முன்பே பல்வேறு தனியார் கல்லூரிகள் மாணவர் சேர்க்கையை தொடங்கிவிட்டன. 

தமிழகத்தில் 12ம் வகுப்பு தேர்வு முடிவுகள் மே 8ம் தேதி வெளியானது. இதனையடுத்து, தமிழகம் முழுவதும் கல்லூரி சேர்க்கை விறுவிறுப்பாக நடந்து வருகிறது. தேர்வு முடிவுகள் வெளியாவதற்கு முன்பே பல்வேறு தனியார் கல்லூரிகள் மாணவர் சேர்க்கையை தொடங்கிவிட்டன. இந்நிலையில், அரசு கலை மற்றும் அறிவியல் கல்லூரி மாணவர் சேர்க்கை கடந்த 8ம் தேதி முதல் துவங்கியது.

தமிழகத்தில் மொத்தம் 164 அரசு கலை மற்றும் அறிவியல் கல்லூரிகள் இயங்கி வருகின்றன. இவற்றில் இளங்கலைப் படிப்புகளில் 1,73,905 இடங்கள் உள்ளன. இந்த இடங்களில் மாணவர் சேர்க்கைக்கான விண்ணப்பப் பதிவு மே 8 முதல் 19ம் தேதி வரை http://www.tngasa.in/ என்ற இணையதளம் மூலம் ஆன்லைனில் நடைபெற்றது.

மேலும் இணைய வழியில் மூலம் விண்ணப்பிக்க மே 19ம் தேதி கடைசியாக இருந்தது. ஆனால் மாணவர்களின் கோரிக்கைக்கு ஏற்ப இந்த அவகாசம் நீட்டிக்கப்பட்டது. இந்நிலையில், தமிழ்நாட்டில் உள்ள அரசு கலை மற்றும் அறிவியல் கல்லூரிகளில் சேர விண்ணப்பிக்க இன்றே கடைசி நாளாகும். இதுவரை சுமார் 2.5 லட்சத்துக்கும் அதிகமான மாணவர்கள் விண்ணப்பித்துள்ளதாக கூறப்படுகிறது.