11 லட்சம் தேர்வர்கள்... ஒரே கேள்வி! குரூப் 4 ரிசல்ட் எப்போது? கசியும் ரகசியம்!
2026 சட்டமன்றத் தேர்தலை முன்னிட்டு, குரூப் 4 தேர்வு முடிவுகள் விரைவில் வெளியாகும் என எதிர்பார்க்கப்படுகிறது.
குரூப் 4 தேர்வு முடிவுகள் விரைவில்
2026 ஆம் ஆண்டு சட்டமன்றத் தேர்தல் வரவிருப்பதால், TNPSC குரூப் 4 தேர்வு முடிவுகளை விரைவில் வெளியிட வேண்டும் என்ற எதிர்பார்ப்பு அதிகரித்துள்ளது. இது தேர்வர்கள் மத்தியில் நிலவும் மன உளைச்சலைக் குறைப்பதோடு, அரசியல் தளத்திலும் முக்கியத்துவம் பெறுகிறது. கடந்த காலங்களில் சில தேர்வு முடிவுகள் வெளியாக ஓராண்டுக்கு மேல் ஆனது சர்ச்சையை ஏற்படுத்திய நிலையில், இந்த முறை விரைவில் முடிவுகள் வெளியாகும் எனத் தகவல்கள் தெரிவிக்கின்றன.
தேர்வு மற்றும் காலியிடங்கள்:
தமிழ்நாடு அரசுப் பணியாளர் தேர்வாணையம் (டிஎன்பிஎஸ்சி) கடந்த ஜுலை 12, 2025 அன்று குரூப் 4 தேர்வை நடத்தியது. கிராம நிர்வாக அலுவலர், இளநிலை உதவியாளர், தட்டச்சர் உள்ளிட்ட பல்வேறு பணிகளில் 3935 காலிப்பணியிடங்களை நிரப்ப இந்தத் தேர்வு நடத்தப்பட்டது. 13 லட்சத்து 89 ஆயிரம் பேர் விண்ணப்பித்திருந்த நிலையில், 11 லட்சத்து 48 ஆயிரம் பேர் தேர்வெழுதினர். வெற்றி வாய்ப்பு விகிதம் சுமார் 0.35% ஆக உள்ளது, அதாவது ஒரு பதவிக்கு கிட்டத்தட்ட 287 பேர் போட்டியிடுகின்றனர்.
முந்தைய தேர்வு முடிவுகள்:
• 2013-ஆம் ஆண்டுக்கு பிறகு 7 முறை குரூப் 4 தேர்வுகள் நடத்தப்பட்டுள்ளன.
• 2023-ல் நடத்தப்பட்ட குரூப் 4 தேர்வு முடிவுகள் வெளியாக ஒரு வருடத்திற்கு மேல் ஆனது. இது பெரும் விமர்சனத்தை ஏற்படுத்தியது.
• இதற்குப் பிறகு, 2024-ல் நடத்தப்பட்ட தேர்வு முடிவுகள் 3 மாதங்களுக்குள் வெளியிடப்பட்டன.
டிஎன்பிஎஸ்சி வட்டார தகவல்கள்
இதுகுறித்து பெயர் வெளியிட விரும்பாத அதிகாரிகள் கூறும்போது,” குரூப் 4 முடிவுகளை வெளியிட டிஎன்பிஎஸ்சி மிக வேகமாக செயல்ப்பட்டு வருகின்றது. ஏற்கனவே தேர்வு முடிந்த பின்பு சில சர்ச்சைகள் ஏற்பட்டது. எனவே தேர்வு முடிவுகள் வெளியிடும் போது எந்தவித சர்ச்சைகளும் ஏற்பட்டு விடக்கூடாது என்பதில் கவனம் செலுத்தி வருகின்றது. வரும் 2026 தேர்தலில் இந்த முடிவுகள் தாக்கத்தை ஏற்படுத்த வாய்ப்பு உள்ளதால் மிக விரைவாக குரூப் 4 தேர்வு முடிவுகள் வெளியாகும்.” என்று கூறினார்.
தற்போதைய நிலை:
2026 சட்டமன்றத் தேர்தலை கருத்தில் கொண்டு, டிஎன்பிஎஸ்சி தேர்வு முடிவுகளை விரைந்து வெளியிடத் திட்டமிட்டுள்ளது. டிஎன்பிஎஸ்சி தலைவர் எஸ்.கே.பிரபாகர் சில மாதங்களுக்கு முன்னர் ஊடகங்களில் வெளியிட்ட தகவலின்படி, குரூப் 4 தேர்வு முடிவுகள் 2025 அக்டோபர் மாதத்திற்குள் வெளியாகும் என்று கூறியிருந்தார்.
தேர்வு முடிவுகளின் முக்கியத்துவம்:
சட்டமன்றத் தேர்தலுக்கு இன்னும் குறைந்த காலம் இருப்பதால், அரசு தேர்வாணையம் தேர்வு முடிவுகளை விரைந்து வெளியிடும் என எதிர்பார்க்கப்படுகிறது. இது இளைஞர்களுக்கு விரைவில் அரசு வேலைவாய்ப்பை வழங்குவதுடன், அரசின் மீதான நம்பிக்கையையும் அதிகரிக்கும். டிஎன்பிஎஸ்சி தலைவர் எஸ்.கே.பிரபாகர், தேர்வு முடிவுகள் 3 மாதங்களுக்குள் வெளியிடப்படும் என்று உறுதியளித்துள்ளார். இவ்வாண்டு, கேள்வித்தாள்கள் கடினமாக இருந்ததாகவும், குறிப்பாக தமிழ்ப் பாடத்தில் பாடத்திட்டத்திற்கு அப்பாற்பட்ட கேள்விகள் அதிகம் கேட்கப்பட்டதாகவும் தேர்வர்கள் மற்றும் பயிற்றுநர்கள் தெரிவித்தனர்.
முடிவுகள் வெளியான பின்பு
தேர்வர்கள் தங்களது பதிவு எண் மற்றும் பிறந்த தேதி ஆகிய விவரங்களைக் கொண்டு அதிகாரப்பூர்வ இணையதளமான tnpsc.gov.in-ல் முடிவுகளைப் பார்க்கலாம். முடிவுகளுடன் கட்-ஆஃப் மதிப்பெண்கள் மற்றும் தகுதி பெற்றவர்களின் பட்டியல் வெளியிடப்படும்.