Govt Job: சம்பளத்தை அள்ளிக்கொடுக்கும் சென்னை மாநகராட்சி.! 10 ஆம் வகுப்பு முடித்தவர்களுக்கும் அட்டகாசமான வாய்ப்பு.!

சென்னை மாநகராட்சி, தேசிய நகர்ப்புற சுகாதார இயக்கத்தின் (NUHM) கீழ் 309 தற்காலிக பணியிடங்களை நிரப்ப அறிவித்துள்ளது. 10-ம் வகுப்பு முதல் டிகிரி வரை படித்தவர்கள் மருத்துவர், செவிலியர், உதவியாளர் போன்ற பல்வேறு பதவிகளுக்கு விண்ணப்பிக்கலாம்.

Image Credit : Getty

சென்னை மாநகராட்சியில் வேலைவாய்ப்பு அலர்ட்

309 பணியிடங்கள் அறிவிப்பு

சென்னை மாநகராட்சி (Greater Chennai Corporation) சார்பில், தேசிய நகர்ப்புற சுகாதார இயக்கத்தின் (NUHM) கீழ் பல்வேறு பணியிடங்களை நிரப்புவதற்கான வேலைவாய்ப்பு அறிவிப்பு வெளியிடப்பட்டுள்ளது. இந்த அறிவிப்பின் மூலம் மொத்தம் 309 காலியிடங்கள் தற்காலிக அடிப்படையில் நிரப்பப்பட உள்ளன. மருத்துவம், செவிலியர், தொழில்நுட்பம், நிர்வாகம் மற்றும் உதவியாளர் போன்ற பல துறைகளில் இந்த பணியிடங்கள் உள்ளன. அரசு துறையில் வேலை வாய்ப்பு தேடுபவர்களுக்கு இது ஒரு சிறந்த சந்தர்ப்பமாகும்.

Image Credit : Getty

10-ம் வகுப்பு முதல் டிகிரி வரை தகுதி

இந்த வேலைவாய்ப்பில் 10-ம் வகுப்பு, 12-ம் வகுப்பு, டிப்ளமோ, இளநிலை மற்றும் முதுநிலை பட்டம் பெற்றவர்கள் விண்ணப்பிக்கலாம். Public Health Specialist, Medical Officer, Veterinary Officer, Microbiologist போன்ற உயர் கல்வித் தகுதி தேவைப்படும் பணியிடங்களுடன், Staff Nurse, ANM, Lab Technician, X-Ray Technician, Pharmacist போன்ற தொழில்நுட்ப பணியிடங்களும் இடம்பெற்றுள்ளன. அதேபோல், Office Assistant, Data Entry Operator, Multipurpose Worker போன்ற பணியிடங்கள் குறைந்த கல்வித் தகுதி உள்ளவர்களுக்கும் வழங்கப்பட்டுள்ளன.

Image Credit : Getty

சம்பளம் மற்றும் தேர்வு முறை

பணியிடங்களைப் பொறுத்து மாத சம்பளம் ரூ.10,000 முதல் ரூ.90,000 வரை வழங்கப்படும். இந்த பணியிடங்களுக்கு எழுத்துத் தேர்வு எதுவும் இல்லை என்பது முக்கிய அம்சமாகும். தகுதி மற்றும் அனுபவத்தின் அடிப்படையில் நேர்முகத் தேர்வு மூலமே தேர்வு நடைபெறும். இதனால், உடனடியாக பணியில் சேர விரும்புவோருக்கு இந்த வேலைவாய்ப்பு பெரும் பயனை அளிக்கும்.

Image Credit : Getty

விண்ணப்பிக்கும் முறை மற்றும் கடைசி தேதி

விண்ணப்பிக்க விரும்புவோர் சென்னை மாநகராட்சி அதிகாரப்பூர்வ இணையதளமான chennaicorporation.gov.in-ல் வழங்கப்பட்டுள்ள விண்ணப்பப் படிவத்தை பதிவிறக்கம் செய்து, அதை முழுமையாக பூர்த்தி செய்ய வேண்டும். பூர்த்தி செய்த விண்ணப்பத்தினை தேவையான கல்விச் சான்றிதழ்கள் மற்றும் ஆவணங்களுடன் Member Secretary, CCUHM / City Health Officer, Public Health Department, Ripon Buildings, சென்னை – 600003 என்ற முகவரிக்கு அனுப்ப வேண்டும். இந்த வேலைவாய்ப்புக்கு விண்ணப்பிக்க கடைசி தேதி 05.01.2026 ஆகும்.