தேர்வு பயம் வேண்டாம்! சிபிஎஸ்இ 10, 12-ம் வகுப்பு ஹால் டிக்கெட் வெளியானது - டவுன்லோட் செய்வது எப்படி?

CBSE சிபிஎஸ்இ 10 மற்றும் 12-ம் வகுப்பு பொதுத்தேர்வுக்கான ஹால் டிக்கெட்டுகள் 'பரிக்ஷா சங்கம்' இணையதளத்தில் வெளியிடப்பட்டுள்ளன. மாணவர்கள் ஹால் டிக்கெட்டைப் பெறுவது எப்படி? முழு விவரம் உள்ளே.

Image Credit : Gemini

CBSE

மத்திய இடைநிலைக் கல்வி வாரியம் (CBSE), 2026-ம் ஆண்டிற்கான 10 மற்றும் 12-ம் வகுப்பு பொதுத்தேர்வு ஹால் டிக்கெட்டுகளை (Admit Cards) அதிகாரப்பூர்வமாக வெளியிட்டுள்ளது. தேர்வுகள் பிப்ரவரி 15-ம் தேதி முதல் தொடங்கவுள்ள நிலையில், மாணவர்கள் மற்றும் பள்ளிகள் தற்போது ஹால் டிக்கெட்டுகளை பதிவிறக்கம் செய்துகொள்ளலாம்.

Image Credit : Getty

எங்கே பதிவிறக்கம் செய்வது?

இந்த ஹால் டிக்கெட்டுகள் சிபிஎஸ்இ-யின் அதிகாரப்பூர்வ இணையதளமான cbse.gov.in மற்றும் parikshasangam.cbse.gov.in ஆகியவற்றில் வெளியிடப்பட்டுள்ளன.

Image Credit : Getty

மாணவர்கள் நேரடியாக டவுன்லோட் செய்ய முடியுமா?

இல்லை. பள்ளி மாணவர்கள் (Regular Students) தங்கள் ஹால் டிக்கெட்டுகளை இணையத்தில் இருந்து நேரடியாகப் பதிவிறக்கம் செய்ய முடியாது.

1. பள்ளி நிர்வாகங்கள் தங்களுக்கான பிரத்யேக லாகின் ஐடி (Login ID) மூலம் 'பரிக்ஷா சங்கம்' (Pariksha Sangam) போர்ட்டலில் இருந்து அனைத்து மாணவர்களுக்கான ஹால் டிக்கெட்டுகளையும் பதிவிறக்கம் செய்ய வேண்டும்.

2. பின்னர், பள்ளி முதல்வர் (Principal) அதில் கையொப்பமிட்டு முத்திரையிட்ட பிறகு மாணவர்களுக்கு வழங்குவார்.

3. எனவே, மாணவர்கள் தங்கள் பள்ளியைத் தொடர்புகொண்டு ஹால் டிக்கெட்டுகளைப் பெற்றுக்கொள்ளலாம்.

4. அதே சமயம், தனித்தேர்வர்கள் (Private Candidates) இணையதளம் வழியாகத் தங்களது ஹால் டிக்கெட்டுகளை நேரடியாகப் பதிவிறக்கம் செய்துகொள்ளும் வசதி உள்ளது.

Image Credit : Getty

ஹால் டிக்கெட்டில் கவனிக்க வேண்டியவை

ஹால் டிக்கெட்டை வாங்கியவுடன் மாணவர்கள் அதில் உள்ள கீழ்க்கண்ட விவரங்கள் சரியாக உள்ளனவா என்பதைச் சரிபார்க்க வேண்டும்:

• மாணவரின் பெயர் மற்றும் பிறந்த தேதி

• ரோல் நம்பர் (Roll Number)

• தேர்வு மையம் மற்றும் அதன் குறியீடு (Exam Center Code)

• பாடங்கள் மற்றும் தேர்வு தேதிகள்

• புகைப்படம் மற்றும் கையொப்பம்

Image Credit : Getty

தேர்வுக்காலம் நெருங்குகிறது

சிபிஎஸ்இ பொதுத்தேர்வுகள் காலை 10:30 மணிக்குத் தொடங்கி பிற்பகல் 1:30 மணி வரை நடைபெறும். தேர்வு மையத்திற்குள் என்னென்ன கொண்டு செல்ல வேண்டும், எதை தவிர்க்க வேண்டும் என்ற விதிமுறைகளும் ஹால் டிக்கெட்டில் அச்சிடப்பட்டிருக்கும். மாணவர்கள் அவற்றை முழுமையாகப் படித்துப் பார்த்துத் தயாராகுமாறு அறிவுறுத்தப்படுகிறார்கள்.