- Home
- Business
- Vegetable Prices : 1 கிலோ தக்காளி 680 ரூபாய், ஒரு வெள்ளரிக்காய் 300 ரூபாய், எலுமிச்சை கிலோ 850 ரூபாய்! என்ன கொடுமை சார் இது?
Vegetable Prices : 1 கிலோ தக்காளி 680 ரூபாய், ஒரு வெள்ளரிக்காய் 300 ரூபாய், எலுமிச்சை கிலோ 850 ரூபாய்! என்ன கொடுமை சார் இது?
Vegetable Prices : நார்வேயில் கிலோ தக்காளி ரூ.680, எலுமிச்சை ரூ.850, ஒரு வெள்ளரிக்காய் ரூ.300 என்ற தகவல் சமூக வலைதளத்தில் வைரலாகியுள்ளது. இந்தியாவுடன் ஒப்பிட்ட இந்த விலை வித்தியாசம் எழுப்பும் கேள்வி என்ன?
1 கிலோ தக்காளி ரூ.680, ஒரு வெள்ளரிக்காய் ரூ.300!
நார்வேயில் பல ஆண்டுகளாக வசித்து வரும் வினோத் என்ற இந்தியர் காய்கறிகள் வாங்க அங்கே இருக்கும் கடை ஒன்றுக்கு சென்றுள்ளார். அப்போது அங்குள்ள விலைகளைப் பார்த்து ஆச்சரியமும், வியப்பும் அடைந்திருக்கிறார். அவர் சமூக வலைத்தளத்தில் பகிர்ந்த தகவலின்படி, அங்கு ஒரு கிலோ ஆர்கானிக் எலுமிச்சையின் விலை சுமார் ரூ.850. ஒரு கிலோ தக்காளி சுமார் ரூ.680. ஒரு வெள்ளரிக்காய் சுமார் ரூ.300.
இந்த விலைகளை இந்தியாவின் பெருநகரங்களில் பார்த்தால் தான் அதிர்ச்சியாக இருக்கும். ஆனால் நார்வேயில் இதுபோன்ற விலை இருப்பதற்கு அந்த நாட்டின் மொத்த வாழ்க்கைச் செலவு, சம்பளம், இறக்குமதி உள்ளிட்ட பல காரணிகள் உள்ளன என்பதையும் மறந்துவிட முடியாது.
இதையும் படிங்க : Coca-Cola : கொக்க கோலா குடித்து இறந்த இளைஞர்? என்ன காரணம்? இந்த பானங்களால் உடலுக்கு ஆபத்தா?
இந்தியாவில் இதே காய்கறிகளின் விலை எவ்வளவு?
வினோத் தனது பதிவில் இந்தியாவின் பெருநகரங்களில் தான் பார்த்த விலைகளையும் ஒப்பிட்டுள்ளார். அவரது கூற்றுப்படி, எலுமிச்சை – கிலோ ரூ.90 முதல் ரூ.110, தக்காளி – கிலோ ரூ.60 முதல் ரூ.80, வெள்ளரிக்காய் – ஒன்று ரூ.20 முதல் ரூ.30 என இருந்ததாக குறிப்பிட்டுள்ளார்.
அதாவது, நார்வேயுடன் ஒப்பிடும்போது இந்தியாவில் இந்த காய்கறிகளின் விலை மிகவும் குறைவாக உள்ளது. ஆனால் இங்கேதான் ஒரு முக்கியமான கேள்வி எழுகிறது. நாம் கடையில் குறைந்த விலைக்கு வாங்குகிறோம் என்றால், அந்த விலையில் விவசாயிக்கும் நியாயமான பங்கு கிடைக்கிறதா?
இதையும் படிங்க : Astrology : வக்கிர நிவர்த்தி அடையும் எமன்! பாதாள குபேர யோகத்தால் பண மழையில் நனையப் போகும் 6 ராசிகள்!
நம்ம ஊரில் விலை குறைவாக இருப்பதற்கு இதுதான் காரணமா?
இந்த விலை வித்தியாசத்தைப் பார்த்ததும், இந்தியாவில் காய்கறிகள் ஏன் இவ்வளவு குறைவாகக் கிடைக்கின்றன என்ற கேள்வி எழுகிறது. ஆனால் இதற்கு ஒரே ஒரு காரணம் என்று சொல்லிவிட முடியாது. விவசாயப் பொருட்களின் விலை என்பது உற்பத்தி, பருவநிலை, விளைச்சல், தேவை, விநியோகம், போக்குவரத்து, சேமிப்பு, சந்தை நிலவரம் உள்ளிட்ட பல காரணிகளால் இது மாறக்கூடியது.
நார்வேயில் ஒரு காய்கறியின் விலை அதிகமாக இருப்பதாலேயே அந்த நாட்டின் விவசாயிக்கு அதே அளவுக்கு அதிக வருமானம் கிடைக்கிறது என்றும் சொல்ல முடியாது. அதேபோல், இந்தியாவில் காய்கறி விலை குறைவாக இருப்பதால் விவசாயி நஷ்டத்தில் இருக்கிறார் என்றும் இந்த ஒரு ஒப்பீட்டின் அடிப்படையில் முடிவு செய்ய முடியாது.
இதையும் படிங்க : Banana Waste : வீணாகும் வாழைத்தண்டில் இருந்து ரூ.2.5 கோடி பிசினஸ்! 3 நண்பர்களின் வேற லெவல் முயற்சி!
விவசாயிக்கு உண்மையில் எவ்வளவு கிடைக்கிறது? இதுதான் பெரிய கேள்வி!
இந்த விலை ஒப்பீடு இறுதியில் எழுப்பும் முக்கியமான கேள்வி இதுதான். நாம் ஒரு கிலோ காய்கறிக்கு கொடுக்கும் பணத்தில், அதை உற்பத்தி செய்த விவசாயிக்கு எவ்வளவு தொகை கிடைக்கிறது? இந்தியாவில் விவசாயப் பொருட்களின் விலை மற்றும் விவசாயிகளின் வருமானம் குறித்து நீண்ட காலமாகவே பல்வேறு விவாதங்கள் இருந்து வருகின்றன.
வினோத்தின் கேள்வி நார்வேயில் காய்கறிகள் விலை ஏன் இவ்வளவு அதிகம் என்பது பற்றியது மட்டுமல்ல. இந்தியாவில் நுகர்வோர் செலுத்தும் பணத்தில் விவசாயிக்கு கிடைக்கும் பங்கு நியாயமானதா என்பதுதான் அவர் எழுப்பும் கேள்வி. இதற்கு சமூக வலைத்தளத்தில் சிலர் விவசாயிகளுக்கு கிடைக்கும் விலை குறைவு என்று குறைபட்டுக்கொண்டனர்.
அதுதான் இந்தப் பதிவை வெறும் நார்வே காய்கறி விலை பற்றிய ஆச்சரியமான தகவலாக இல்லாமல், விவசாயி முதல் நுகர்வோர் வரை ஒரு காய்கறியின் விலை எப்படி உருவாகிறது? என்ற கேள்வியையும் எழுப்பும் பதிவாக மாற்றுகிறது.
இதையும் படிங்க : Flipkart : ரூ.10,000 முதல் ரூ.50,000 வரை தள்ளுபடி! இந்த பொருட்களுக்கு பண்டிகை காலத்தில் செம ஆஃபர்!
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
