Train Tickets: ரயில் டிக்கெட் எடுக்க இனி ஸ்டேஷனுக்கு போக வேண்டாம்.. போஸ்ட் ஆபீஸிலேயே புக் செய்யலாம்!

Train Tickets: ரயில் டிக்கெட்டை தபால் நிலையத்திலும் பதிவு செய்யலாம். தட்கல் டிக்கெட் உட்பட இந்த வசதி எங்கு உள்ளது, எப்படி பதிவு செய்வது, என்ன செய்ய வேண்டும் என்பதை தெரிந்து கொள்ளுங்கள்.

Image Credit : Google

தபால் நிலையத்தில் ரயில் டிக்கெட் பதிவு

ரயில் பயணம் என்றாலே டிக்கெட் முன்பதிவு செய்வதற்காக ரயில் நிலையத்துக்குச் செல்ல வேண்டும் என்ற நிலைதான் பலருக்கும் நினைவுக்கு வரும். குறிப்பாக கிராமப்புறங்களில் வசிப்பவர்கள் ரயில் முன்பதிவு மையம் இல்லாததால் கூடுதல் சிரமத்தை சந்திக்க நேரிடும். ஆனால், இதற்கு மாற்றாக தபால் நிலையங்கள் மூலம் ரயில் டிக்கெட் பதிவு செய்யும் வசதியை அஞ்சல் துறை வழங்குகிறது. கடிதம், பார்சல், பணப் பரிமாற்றம் போன்ற வழக்கமான சேவைகளுடன் சேமிப்புக் கணக்கு, காப்பீடு உள்ளிட்ட பல சேவைகளையும் தபால் நிலையங்கள் வழங்குகின்றன. அந்த வரிசையில் ரயில் டிக்கெட் முன்பதிவும் முக்கியமான வசதியாக உள்ளது.

Image Credit : Asianet News

ரயில் டிக்கெட்

இந்த வசதி அனைத்து தபால் நிலையங்களிலும் கிடைக்காது என்பதுதான் முக்கியமான விஷயம். குறிப்பாக கிராமப்புறங்களில் ரயில் நிலையங்களில் முன்பதிவு மையம் அல்லது டிக்கெட் பதிவு மையம் இல்லாத பகுதிகளைச் சேர்ந்த பயணிகளுக்காக, குறிப்பிட்ட தபால் நிலையங்களுக்கு இந்த சேவை வழங்கப்படுகிறது. ரயில் நிலையத்துக்கு அருகில் இருக்கும் ஒவ்வொரு தபால் நிலையத்திலும் இந்த வசதி இருக்கும் என்று நினைக்கக்கூடாது. குறிப்பிட்ட ஒன்று அல்லது இரண்டு தபால் நிலையங்களில் மட்டுமே இந்த சேவை இருக்கலாம். எனவே, அந்த தபால் நிலைய ரயில் டிக்கெட் முன்பதிவு வசதி உள்ளதா என்பதை தெரிந்துகொள்வது அவசியம்.

Image Credit : our own

ரயில் முன்பதிவு

தபால் நிலையத்தில் ரயில் டிக்கெட் பதிவு செய்வது பெரிய நடைமுறை கிடையாது. முதலில் அந்த தபால் நிலையத்தில் ரயில் டிக்கெட் பதிவு வசதி உள்ளதா என்பதை உறுதி செய்ய வேண்டும். பின்னர் அங்கு வழங்கப்படும் டிக்கெட் பதிவு படிவத்தை வாங்கி, பயணிகளின் பெயர், புறப்படும் இடம், செல்லும் இடம், பயண தேதி, ரயிலின் பெயர் அல்லது எண், பயண வகுப்பு உள்ளிட்ட விவரங்களை சரியாக நிரப்ப வேண்டும். படிவத்தைச் சமர்ப்பித்த பிறகு, தேவையான கட்டணத்தை செலுத்த வேண்டும். அதன் பின் அஞ்சல் ஊழியர்கள் ரயில் டிக்கெட்டை பதிவு செய்து வழங்குவார்கள்.

Image Credit : our own

தட்கல் டிக்கெட்

இங்கேதான் பலருக்கும் தெரியாத முக்கிய தகவல் வருகிறது. சாதாரண முன்பதிவு டிக்கெட் தவிர, தட்கல் டிக்கெட்டையும் குறிப்பிட்ட தபால் நிலையங்கள் மூலம் பதிவு செய்ய முடியும். இதற்காக ரயில்வே துறையில் பயன்படுத்தப்படும் பயணிகள் முன்பதிவு அமைப்பே தபால் நிலையங்களிலும் பயன்படுத்தப்படுகிறது. தற்போது நாடு முழுவதும் 333 தபால் நிலையங்களில் ரயில் டிக்கெட் மற்றும் தட்கல் டிக்கெட் பதிவு செய்யும் வசதி இருப்பதாக கொடுக்கப்பட்ட தகவலில் தெரிவிக்கப்பட்டுள்ளது. இதனால் ரயில் முன்பதிவு மையம் இல்லாத பகுதிகளில் வசிக்கும் பயணிகளுக்கு இது பயனுள்ள வழியாக உள்ளது.

Image Credit : our own

தபால் நிலையம்

அஞ்சல் துறையும் ரயில்வே துறையும் இணைந்து இந்த சேவையை வழங்கி வருகின்றன. குறிப்பாக கிராமப்புற மக்களுக்கு ரயில் டிக்கெட் முன்பதிவு எளிதாக இருக்க வேண்டும் என்பதே இதன் நோக்கமாகும். ஆனால், இந்த வசதி இன்னும் பலருக்குத் தெரியாமல் இருப்பதால் பயன்படுத்தப்படாமல் உள்ளது. எனவே, அடுத்த முறை ரயில் டிக்கெட் எடுக்க வேண்டிய நிலை ஏற்பட்டால், அருகிலுள்ள தபால் நிலையத்தில் இந்த சேவை இருக்கிறதா என்பதை முதலில் விசாரித்துப் பாருங்கள். வசதி இருந்தால், ரயில் நிலையத்துக்குச் செல்லாமலேயே அங்கேயே டிக்கெட் பதிவு செய்து கொள்ளலாம்.