Today Gold Rate: தங்கம் வாங்கற ஐடியா இருந்தா மறந்துடுங்க! கையை மீறிப் போன விலை! அதிர்ச்சியில் பொதுமக்கள்!

Today Gold Rate in Chennai: தங்கம் விலை கடந்த சில நாட்களாக உயர்ந்து வருகிறது. நேற்று சவரன் ரூ.120 உயர்ந்த நிலையில், இன்று சென்னையில் 22 கேரட் ஆபரணத் தங்கத்தின் விலை சவரனுக்கு ரூ.480 உயர்ந்து ரூ.56,480-ஆக விற்பனை செய்யப்படுகிறது.

vinoth kumar

First Published Sep 25, 2024, 11:22 AM IST | Last Updated Sep 25, 2024, 11:22 AM IST

Tamilnadu Women

தங்கத்தை பிடிக்காதவர்கள் யாருமே இருக்க முடியாது. குறிப்பாக பெண்களுக்கு சொல்லவே வேண்டாம். தென் இந்தியாவில் அதிகளவிலான தங்கத்தை வைத்துள்ள மாநிலத்தில் தமிழ்நாடு முன்னிலை வகிப்பதாக ஆய்வில் சொல்லப்படுகிறது.

Chennai Gold Rate

இந்நிலையில் சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கம் விலை தினமும் நிர்ணயிக்கப்படுகிறது. கடந்த ஆண்டு கடுமையாக குறைந்த தங்கம் விலை சவரன் ரூ.42,280 என்றளவில் விற்பனையானது. இதன் பின்னர் இஸ்ரேல், பாலஸ்தீன போர் எதிரொலியாக அதிகரித்த தங்கம் விலை, தொடர்ச்சியாக உயர்ந்து கடந்த டிசம்பர் 4-ம் தேதி சவரன் ரூ.47,800 உயர்ந்து புதிய உச்சத்தை எட்டியது. பின்னர் கடந்த மார்ச் 28-ம் தேதி ஒரு பவுன் ரூ.50 ஆயிரம் என்ற வரலாறு காணாத உயர்வை எட்டி பொதுமக்களை அதிர்ச்சியில் ஆழ்த்தியது.

Gold Rate

அதனை தொடர்ந்து ஜூலை 17-ம் தேதி ரூ.55,360 என்னும் புதிய உச்சத்தையும் அடைந்தது. பின்னர் மத்திய பட்ஜெட் தாக்கலின் போது தங்கம் மற்றும் வெள்ளி மீதான இறக்குமதி வரி குறைக்கப்பட்டதை அடுத்து தங்கம் விலை எதிர்பாராத அளவுக்கு குறைந்து இன்ப அதிர்ச்சி கொடுத்தது. இதனால் அன்றைய தினம் காலை சவரன் ரூ.54,480 என நிர்ணயிக்கப்பட்டிருந்த நிலையில், பிற்பகலில் 2000 ரூபாய் குறைந்து ரூ.52,400-க்கு விற்பனை செய்யப்பட்டது. பின்னர் தங்கம் விலை ஏற்றம் இறக்கம் கண்டு வந்தது. இந்நிலையில் கடந்த மூன்று நாட்களாக தங்கம் விலை உயர்ந்து வருகிறது.

Yesterday Gold Rate

நேற்றைய நிலவரப்படி சவரன் ரூ.120 உயர்ந்து ரூ.56,000-க்கு விற்பனையானது. அதேபோல், தங்கம் கிராம் ரூ.20 உயர்ந்து ரூ.7,000க்கு விற்பனையானது.

Today Gold Rate

இன்றைய (செப்டம்பர் 25) நிலவரப்படி சென்னையில் 22 கேரட் ஆபரணத் தங்கத்தின் விலை சவரனுக்கு ரூ.480 உயர்ந்து ரூ.56,480-ஆக விற்பனை செய்யப்படுகிறது. 22 கேரட் தங்கம் கிராமுக்கு ரூ.60 உயர்ந்து ரூ.7,060-ஆக விற்பனையாகிறது. 24 கேரட் தங்கம் கிராம் ஒன்றுக்கு ரூ. 7,515-ஆக விற்பனையாகிறது. 24 கேரட் தங்கம் சவரன் ரூ.60,120-ஆக விற்பனையாகிறது. ஒரே நாளில் சவரன் ரூ.480 உயர்ந்து 56,000 தாண்டியதால் நகை வாங்குபவர்களை கலக்கம் அடைய செய்துள்ளது.