ஊருக்கு போறீங்களா?! புதிய "Toll Tax" பற்றி தெரிந்துகொள்ளுங்கள்!
இந்தியாவில் டோல் கட்டணம் செலுத்தும் முறை மாற்றம் காண உள்ளது. புதிய கொள்கையின்படி, பயணித்த தூரத்திற்கு ஏற்ப கட்டணம் வசூலிக்கப்படும். இதற்காக, ANPR தொழில்நுட்பம் பயன்படுத்தப்படும்.
டோல் கட்டணம் - வாகன உரிமையாளர்களுக்கு சிரமம்
கார்ல ஊருக்கு போனால் ஒரு பெரிய தொகையை டோல் கட்டணமாக செலுத்த வேண்டிய நிலை தற்போது உள்ளது. டோல்களின் எண்ணிக்கையை குறைக்க வேண்டும் என கோரிக்கை விடுக்கப்பட்டு வரும் நிலையில், அதனை மத்திய அரசு நிறைவேற்றாமலேயே உள்ளது. பெட்ரோல் செலவை விட டோல் கேட்டிற்கு அதிக செலவாகிறது என நகைச்சுவையாக வாகன ஓட்டுனர்கள் விமர்சித்தும் வருகின்றனர். நாம் ஒரு மாநிலத்திலிருந்து மற்றொரு மாநிலத்திற்கு அல்லது ஒரு மாவட்டத்திலிருந்து மற்றொரு மாவட்டத்திற்கு வாகனத்தில் பயணிக்கும்போது, தேசிய நெடுஞ்சாலைகள் (National Highways) அல்லது மாநில நெடுஞ்சாலைகள் (State Highways) வழியாக செல்கிறோம். இந்நெடுஞ்சாலைகளை மேம்படுத்தவும், பராமரிக்கவும் அரசு பணம் செலவிடுகிறது. அந்த செலவுகளை மீட்டெடுப்பதற்காக "டோல் பிளாசா" என்ற கட்டண வசதி அறிமுகப்படுத்தப்பட்டுள்ளது.
கட்டணம் செலுத்தும் முறையை எளிமைப்படுத்திய FASTag
டோல் பிளாசா (Toll Plaza) என்பது நெடுஞ்சாலையின் ஒரு குறிப்பிட்ட பகுதியில் அமைக்கப்பட்ட கட்டண வசதி நிலையமாகும். இங்கு, அந்த நெடுஞ்சாலையில் பயணம் செய்யும் வாகனங்களிடம் டோல் கட்டணம் (Toll Tax) வசூலிக்கப்படுகிறது. இது அந்த நெடுஞ்சாலையின் பராமரிப்பு செலவுக்காகவே பயன்படுத்தப்படுகிறது.முன்னர் இந்தியாவில் ஒரு மாநிலத்திலிருந்து மற்றொரு மாநிலத்திற்கு தனியார் வாகனத்தில் பயணம் செய்யும்போது, டோல் பிளாசாக்களில் நீண்ட வரிசைகளில் நிற்க வேண்டிய நிலை இருந்தது. பணம் கொடுத்து டோல் கட்டணத்தை செலுத்தி பின் பயணத்தைத் தொடர வேண்டும். இது பயணிகளுக்கு மிகுந்த சிரமத்தையும் நேர இழப்பையும் ஏற்படுத்தியது. இந்த சிக்கல்களைக் குறைக்க, மத்திய அரசு FASTag எனும் முறையை அறிமுகப்படுத்தியது.
FASTag – டிஜிட்டல் மாற்றத்தின் தொடக்கம்
FASTag எனப்படும் புதிய தொழில்நுட்பத்தின் மூலம், வாகனங்கள் ஸ்கேன் செய்யப்பட்டு டோல் கட்டணம் வங்கி கணக்கில் இருந்து தானாகவே பிடிக்கப்படுகிறது. இது பயணத்தை சீராகவும் வேகமாகவும் மாற்றியுள்ளது. FASTag என்பது வாகனத்தின் முன்னுப்பகுதியில் ஒட்டப்படும் ஒரு ரேடியோ ஃபிரிக்வென்சி அடையாள அட்டையாகும். இது வாகனம் டோல் பிளாசாவை கடக்கும்போது தானாகவே ஸ்கேன் செய்யப்படுகிறது மற்றும் வாகன உரிமையாளரின் வங்கிக் கணக்கிலிருந்து டோல் கட்டணம் குறைக்கப்படுகிறது. இதனால் நீண்ட வரிசைகள், காசோலை கொடுக்க வேண்டிய தேவை போன்றவை இல்லாமல், பயணம் சுலபமாகும்.
டோல் கட்டணம் எப்படி நிர்ணயிக்கப்படுகிறது?
டோல் கட்டணம் வாகனத்தின் வகை மற்றும் அதன் பயன்பாட்டின் அடிப்படையில் மாற்றம் காண்கிறது. எடுத்துக்காட்டாக இரண்டு சக்கர வாகனங்களுக்கு டோல் கட்டணம் இல்லை. கார்கள், ஜீப்புகள், வான் வகை வாகனங்களுக்கு குறைந்த கட்டணம். பேருந்துகள், லாரிகள் போன்ற வணிக வாகனங்களுக்கு அதிக கட்டணம். மேலும், நெடுஞ்சாலையின் நீளம் மற்றும் மேம்பாட்டு நிலை அடிப்படையிலும் கட்டணம் மாறலாம்.
இந்தியாவில் டோல் பிளாசாக்களின் நிலை
இந்தியாவிலும் தமிழ்நாட்டிலும் ஆயிரக்கணக்கான டோல் பிளாசாக்கள் உள்ளன. நெடுஞ்சாலை அதிகார சபை (NHAI) மற்றும் மாநில சாலைத் துறைகள் இவற்றை நிர்வகிக்கின்றன. புதிய திட்டங்களை ஏற்படுத்தும் போது, அரசும் தனியார் நிறுவனங்களும் இணைந்து பிபிஎப் (PPP) முறைப்படி பணி மேற்கொள்கின்றன.
புதிய மாற்றங்கள் – கிலோமீட்டருக்கே டோல்
அண்மையில், மத்திய அரசு ஒரு புதிய திட்டத்தை திட்டமிட்டுள்ளது, அதாவது "Distance-based tolling system". இதில், வாகனங்கள் பயணிக்கும் தூரத்திற்கு ஏற்பதான் கட்டணம் பிடிக்கப்படும். இதற்காக, ANPR – Automatic Number Plate Recognition தொழில்நுட்பம் கொண்டு கேமராக்கள் வைக்கப்படும். இது பிளாசா நிறுத்தம் இல்லாமல் கட்டணம் வசூலிக்க முடியும்.
புதிய டோல் கொள்கை – ஒரு புதிய பயண வழிகாட்டி
தற்போது மத்திய சாலை போக்குவரத்து மற்றும் நெடுஞ்சாலை அமைச்சகம் புதிய டோல் கொள்கையை செயல்படுத்த திட்டமிட்டுள்ளது. இதன் மூலம் இந்தியா முழுவதும் டோல் கட்டண கட்டும் முறை முற்றிலும் மாறக்கூடும். புதிய கொள்கையின் முக்கிய அம்சம் என்னவென்றால், "பயணித்த கிலோமீட்டருக்கு ஏற்ப டோல் கட்டணம் செலுத்துதல்" என்பதே அது.இதற்காக அரசாங்கம் ANPR – Automatic Number Plate Recognition தொழில்நுட்பத்தை கொண்டு ஒரு உயர் மேம்பட்ட கண்காணிப்பு அமைப்பை உருவாக்க திட்டமிட்டுள்ளது. இந்த தொழில்நுட்பம் வாயிலாக வாகனத்தின் எண் தானாகவே அடையாளம் காணப்படும். வாகனம் சென்ற தூரத்தைகணிப்பதற்காக ஒவ்வொரு டோல் பிளாசாவிலும் கேமராக்கள் மற்றும் சென்சார்கள் பொருத்தப்படும்.
புதிய முறை செயல்படும் விதம்
வாகன உரிமையாளர்களின் வங்கி கணக்குகள் FASTag வழியாக இணைக்கப்படும்.ஒரு வாகனம் ஒரு குறிப்பிட்ட ஹைவேயில் பயணிக்கும்போது, அதன் புகைப்படம் மற்றும் எண்ணிக்கை பதிவு செய்யப்படும். ஆரம்ப புள்ளி மற்றும் முடிவு புள்ளியை வைத்து பயணித்த தூரம் கணிக்கப்படும்.அதற்கேற்ப அதிகரிக்கவோ குறையவோ செய்யப்படும் டோல் கட்டணம், நேரடி கணக்கிலிருந்து குறைக்கப்படும்.இதன்மூலம் நீண்ட வரிசைகள், தாமதங்கள், மற்றும் முறைகேடுகள் குறைக்கப்படும்.
பயணிகளுக்கான நன்மைகள்:
பயணிக்கிற தூரத்திற்கு ஏற்ப மட்டுமே கட்டணம் செலுத்த வேண்டியிருக்கும்.நேரத்தை மிச்சப்படுத்தும். டோல் முறையில் வெளிப்படைத்தன்மை அதிகரிக்கும். டிஜிட்டல் இந்தியா திட்டத்திற்கு இது ஒரு மிக முக்கியமான முன்னேற்றமாக அமையும்.
எப்போது இந்த முறை அமலுக்கு வரும்?
இது குறித்து அதிகாரப்பூர்வ அறிவிப்பு வெளியாகவில்லை. ஆனால் தற்போது பரிசோதனை அடிப்படையில் சில இடங்களில் இதற்கான உள்கட்டமைப்பு உருவாக்கப்பட்டு வருகின்றது. வெற்றிகரமாக செயல்பட்ட பிறகு, இந்தியா முழுவதும் இந்த புதிய டோல் முறையை அமல்படுத்தும் திட்டத்தில் அரசு உள்ளது. புதிய டோல் கொள்கை மூலம் இந்தியாவின் சாலை போக்குவரத்து அனுபவம் மேலும் மேன்மை அடைகிறது. பயணத்திற்கு முன்னதாகவே இந்த தகவல்களை தெரிந்துகொள்வது, நமக்கு பயணத்தில் நேரம் மற்றும் பணத்தை மிச்சப்படுத்த உதவும். இனி நீண்ட வரிசைகளும், காசோலைக்காக காத்திருப்பதும் வரலாறாகிவிடும்.பயணம் செய்யும் முன் யோசிக்கவும் – புதிய டோல் கொள்கையை தெரிந்துகொள்ளவும்!