ரெப்போ வட்டி மாறுமா.? டிசம்பர் 5-ல் ஆர்பிஐ எடுக்கப்போகும் முடிவு என்ன?

பேங்க் ஆஃப் பரோடா அறிக்கையின்படி, இந்திய ரிசர்வ் வங்கி தனது டிசம்பர் 5 நிதிக் கொள்கை கூட்டத்தில் ரெப்போ வட்டி விகிதத்தை மாற்ற வாய்ப்புள்ளதா? என்பது குறித்த கேள்விகள் எழுந்துள்ளது.

Image Credit : X

ரிசர்வ் வங்கி அப்டேட்

இந்திய ரிசர்வ் வங்கி (ஆர்பிஐ) வெள்ளிக்கிழமை அதிகம் வெளியிடும் நிதிக் கொள்கையில் ரெப்போ வட்டி விகிதத்தை மாற்றாமல் 5.50% ஆகவே வைத்திருக்கும் வாய்ப்பு என பேங்க் ஆஃப் பரோடா தனது சமீபத்திய அறிக்கைகளில் கூறியுள்ளது. ஆர்பிஐ தனது தற்போதைய ‘நடுநிலை’ நிலைப்பாட்டையும் தொடரும் எனவும் ஆய்வு சுட்டிக்காட்டுகிறது. “டிசம்பர் 25 கொள்கை கூட்டத்தில் விகிதம் நிலையாக இருக்கும். நிலைப்படுத்தும் அணுகுமுறை தொடரும்,” என அதில் குறிப்பிடப்பட்டுள்ளது. அறிக்கை இந்தியாவின் பொருளாதார நிலை தொழில்நுட்ப ரீதியாக உறுதியானது என்பதை வலியுறுத்துகிறது. 2026 நிதியாண்டின் இரண்டாம் காலாண்டில் உருவான 8.2% GDP வளர்ச்சி எதிர்பார்த்ததை மீறியது.

Image Credit : Getty

ரெப்போ விகிதம்

நகர்ப்புற நுகர்வு உறுதி மற்றும் கிராமப்புற தேவை நிலைத்திருப்பது மூன்றாம் காலாண்டிலும் வளர்ச்சியை தக்க வைத்திருக்கும் வாய்ப்பு உள்ளது. விலை நிலைமையைப் பற்றி பேசும் போது, ​​பணவீக்கம் தெளிவாகக் குறைந்து வருவதாக அறிக்கை முன்வைக்கிறது. உணவுப் பொருட்களின் விலை சரிவால், 2025 அக்டோபரில் சிபிஐ பணவீக்கம் 0.25% ஆக குறைந்தது. மழை, விநியோக நடவடிக்கைகள், மேம்பட்ட உற்பத்தி சூழல் ஆகியவை பணக்க சுமையைக் குறைத்துள்ளன. முக்கியப் பணவீக்கம் 4% மேலே இருந்தாலும், தங்கவிலை உயர்வால் ஏற்பட்டதாகவும் GST விகிதங்கள் அதன் தாக்கத்தை ஓரளவு சமன்படுத்தியதாகவும் ஆய்வு கூறுகிறது.

Image Credit : ANI

டிசம்பர் 5

இந்நிலையில் ரிசர்வ் வங்கி முடிவெடுக்கும் போது எச்சரிக்கையுடன் தாமதமாகலாம் என அறிக்கை கூறுகிறது. ஏற்கனவே சில ஆதரவு கொள்கைகள் அமலில் உள்ளதால், அதன் விளைவுகள் சந்தையில் முழுமை பெற சிறிது நேரம் தேவை. அதனால் தற்போதைய விகிதத்தை வைத்திருப்பது மிகச் சிறந்த முடிவு என நிதி வட்டாரங்கள் கருதுகின்றன. கொள்கை முடிவு டிசம்பர் 5 காலை 10 மணிக்கு ஆர்பிஐ ஆளுநர் சஞ்சய் மல்ஹோத்ரா அறிவிப்பார்.