EB Bill Tips: கம்முன்னு இருந்தா கரண்ட் பில் பாதியா குறையும்.! எவ்வளவோ பண்ணிட்டோம்.! இத பண்ண மாட்டோமா.?!

வீட்டு உபயோக மின்னணு சாதனங்களை சரியாகப் பயன்படுத்துவதன் மூலமும், சில எளிய பழக்க வழக்கங்களை மாற்றுவதன் மூலமும் மின்சாரக் கட்டணத்தைப் பாதியாகக் குறைக்கலாம். 

Image Credit : our own

மின்சார பில்லை பாதியாக குறைக்க முடியும்

வீடுகளில் ஏசி, பேன், ஃபிரிட்ஜ், வாட்டர் ஹீட்டர் போன்ற மின்னணு சாதனங்களை நமக்கு மிகவும் உபயோகமாக இருந்தாலும், மாத கடைசியில் வரும் கண்ட் பில் ஏன்டா வாங்கினோம் என்ற எண்ணத்தை ஏற்படுத்துகிறது. நடுத்தர வர்க்க மக்களுக்கு மின்சார பில் பெரும் சுமையாக மாறுகிறது. ஆனால், சில சின்ன சின்ன பழக்கங்களை பின்பற்றினால் மின்சார பில்லை பாதியாக குறைக்க முடியும்.

Image Credit : Google

50% வரை மின்சார சேமிப்பு கிடைக்கும்

முதலில், எந்த மின்னணு சாதனத்தையும் ரிமோட்டில் மட்டும் ஆஃப் செய்வது தவறு. ஏசி, டிவி, மொபைல் சார்ஜர் போன்றவை பயன்படுத்தி முடிந்தவுடன் ஸ்விட்சை ஆஃப் செய்ய வேண்டும். இல்லையெனில், அவை மறைமுகமாக மின்சாரத்தை தொடர்ந்து பயன்படுத்திக்கொண்டே இருக்கும். அடுத்ததாக, சாதாரண விசிறிகளுக்கு பதிலாக BLDC பேன்கள் பயன்படுத்தினால் 50% வரை மின்சார சேமிப்பு கிடைக்கும். 

5 ஸ்டார் ரேட்டிங் கைகொடுக்கும்

வாட்டர் ஹீட்டரை நீண்ட நேரம் ஆன் நிலையில் வைப்பது மின்சாரத்தை அதிகம் உறிஞ்சும். எனவே, தேவையான நேரத்தில் மட்டுமே ஹீட்டரை ஆன் செய்ய வேண்டும். அதேபோல், புதிய ஏசி, ஃபிரிட்ஜ் போன்ற பொருட்களை வாங்கும்போது அவற்றின் ஸ்டார் ரேட்டிங்கைப் பார்த்து வாங்குவது அவசியம். 5 ஸ்டார் ரேட்டிங் கொண்ட சாதனங்கள் அதிக மின் சேமிப்பை வழங்கும்.

Image Credit : our own

கூடுதல் மின் சேமிப்பு கிடைக்கும்

வாஷிங் மெஷின் பயன்படுத்தும்போது தினசரி துவைக்காமல், துணிகள் முழுமையாக சேர்ந்தபின் துவைத்தால் மின்சார செலவு குறையும். வீட்டில் பயன்படுத்தப்படும் பல்புகளை எல்.இ.டி பல்புகளால் மாற்றினால் கூடுதல் மின் சேமிப்பு கிடைக்கும். ஃபிரிட்ஜை மீடியம் லெவலில் வைத்தால் போதும். அடிக்கடி திறந்து மூடுவதை தவிர்க்க வேண்டும். ஏனெனில் ஒவ்வொரு முறை திறக்கும் போதும் கம்ப்ரசர் அதிக மின்சாரத்தை பயன்படுத்தும். ஏசி பயன்படுத்தும்போது 16 அல்லது 18 டிகிரியில் வைத்தால் பில் அதிகரிக்கும். எனவே 24 முதல் 26 டிகிரிக்குள் வைத்துக்கொள்ள வேண்டும். அதோடு, பேனை இணைத்து பயன்படுத்தினால் அறை முழுவதும் குளிர்ச்சியாக இருக்கும். பழைய ஏசி வைத்திருப்பவர்கள் இன்வெர்ட்டர் ஏசிக்கு மாறினால் இன்னும் சேமிப்பு கிடைக்கும்.

Image Credit : ANI

மின்சார பில் குறையும்

இவை மட்டுமல்லாமல், சோலார் பேனல் பயன்படுத்தினால் நீண்டகாலம் வரை மின்சார பில் குறையும். சோலார் பேனலின் ஆயுள் குறைந்தபட்சம் 25 ஆண்டுகள் என்பதால் ஒருமுறை முதலீடு செய்தால் நீண்டகால பலனை தரும். சில எளிய மாற்றங்கள் மற்றும் பழக்கங்களின் மூலம் மின்சார பில் பாதியாக குறைக்க முடியும். எல்லா மின்சாதனங்களையும்  ஆன் செய்து விட்டு அலப்பறை செய்யாமல் சும்மா கம்முன்னு இருந்தால் வீட்டு செலவு குறைந்து, சேமிப்பு அதிகரித்து, குடும்ப வாழ்க்கை சுமூகமாக அமையும்.