5 வருட முதலீட்டில் 15 லட்சம் வேண்டுமா? மத்திய அரசின் சூப்பர் ஹிட் திட்டம் இதோ!

ஒவ்வொரு மாதமும் மூத்த குடிமக்களுக்கான ஓய்வூதியத்திற்காக அரசாங்கம் பல சிறந்த திட்டங்களை வழங்குகிறது. இவற்றில் ஒன்று SCSS அதாவது மூத்த குடிமக்கள் சேமிப்புத் திட்டம், அஞ்சல் அலுவலகங்கள் மற்றும் வங்கிகள் வழங்கும் திட்டமாகும், இதில் மூத்த குடிமக்கள் முதலீடு செய்வதன் மூலம் நல்ல வருமானம் ஈட்டலாம். ஓய்வூதிய நிதியை உருவாக்க இது ஒரு சிறந்த திட்டமாகும். இந்த காலாண்டில், இந்த திட்டத்தின் வட்டி விகிதம் 8.2% ஆக உள்ளது.

இந்தத் திட்டத்தில் முதலீடு செய்வதன் மூலம் வழக்கமான வருமானம் கிடைக்கும். அரசாங்கத் திட்டமாக இருப்பதால், உங்களுக்கு உத்தரவாதமான வருமானம் கிடைக்கும். 5 வருட காலத்திற்கு 30 லட்சம் வரை முதலீடு செய்யலாம். இத்திட்டம் அடுத்த 3 ஆண்டுகளுக்கு நீட்டிக்கப்படலாம். இதனுடன், வருமான வரிச் சட்டத்தின் 80சி பிரிவின் கீழ் நீங்கள் வரிவிலக்கு பெறுவீர்கள். ஆனால், அதில் கிடைக்கும் வட்டிக்கு வரி செலுத்த வேண்டும். மேலும், 50,000 ரூபாய்க்கு மேல் வருமானம் இருந்தால், வட்டிக்கு TDS விதிக்கப்படும்.

மூத்த குடிமக்கள் சேமிப்புத் திட்டத்தில் (SCSS) 5 லட்சம் ரூபாயை 5 ஆண்டுகள் முதலீடு செய்வதாக வைத்துக்கொள்வோம். இதற்கு வட்டி விகிதம் 8.2%. இதில் ஆண்டுக்கு ரூ.41,000 வருமானம் கிடைக்கும். 5 ஆண்டுகளில் வட்டி  மூலம் கிடைக்கும் வருவாய் மட்டும் ரூ 2,05,000. முதலீடு செய்த பணத்துடன் சேர்த்து முதிர்வுத்தொகை ரூ 7,05,000 பெறலாம்.

மூத்த குடிமக்கள் சேமிப்புத் திட்டத்தில் (SCSS) 10 லட்சம் ரூபாய் 5 ஆண்டுகளுக்கு முதலீடு செய்வதாக இருந்தால் 8.2% வட்டி விகிதம் அடிப்படையில் ஆண்டுக்கு ரூ. 82,000 வருமானம் பெறலாம். 5 ஆண்டுகளில் வட்டி மூலம் ஈட்டிய தொகை ரூ.4,10,000 ஆக இருக்கும். இதை முதலீடு செய்த இணைத்து ரூ.14,10,000 முதிர்வுத்தொகை கிடைக்கும்.

15 லட்சம் ரூபாயை மூத்த குடிமக்கள் சேமிப்புத் திட்டத்தில் (SCSS) 5 ஆண்டுகள் முதலீடு செய்யும்போது இன்னும் அதிக லாபத்தை ஈட்டலாம். இதற்கும் வட்டி விகிதம் 8.2% கிடைக்கும். இதிலிருந்து ஒவ்வொரு ஆண்டும் ரூ.1,23,000 லாபம் வந்துகொண்டிருக்கும். இவ்வாறு 5 ஆண்டுகளில் வட்டி வழியாக சம்பாதிக்கும் தொகை ரூ.6,15,000 ஆகும். முதிர்வுத்தொகை ரூ.21,15,000.