மனைவி பெயரில் ரூ.1 லட்சம் போஸ்ட் ஆபீஸில் டெபாசிட் செய்தால்? 2 ஆண்டில் எவ்வளவு கிடைக்கும்?

போஸ்ட் ஆபீஸ் டைம் டெபாசிட் திட்டம், பாதுகாப்பான முதலீட்டை விரும்பும் மக்களிடையே மீண்டும் கவனம் பெற்றுள்ளது. 2 ஆண்டு காலத்திற்கு ரூ.1 லட்சம் முதலீடு செய்தால் கிடைக்கும் முதிர்வுத் தொகை குறித்து பலரும் ஆர்வம் காட்டுகின்றனர்.

Image Credit : Gemini AI

மனைவி பெயரில் போஸ்ட் ஆபிஸ் திட்டம்

பாதுகாப்பான முதலீடு தேடுபவர்களுக்கு, குறிப்பாக நடுத்தர குடும்பங்களுக்கு, போஸ்ட் ஆபீஸ் சேமிப்பு திட்டங்கள் இன்னும் நம்பிக்கையான தேர்வாகவே உள்ளன. சந்தை ஏற்ற இறக்கங்கள், முதலீட்டு அபாயங்கள் போன்ற கவலைகள் இல்லாமல், மத்திய அரசு உத்தரவாதத்துடன் நிலையான வருமானம் பெற முடிவதால், பலரும் இந்தத் திட்டங்களைத் தேர்வு செய்து வருகின்றனர். அந்த வகையில், போஸ்ட் ஆபீஸ் டைம் டெபாசிட் திட்டம் மீண்டும் கவனம் செலுத்துகிறது.

Image Credit : Getty

சிறந்த போஸ்ட் ஆபீஸ் திட்டம்

வங்கிகளின் நிலையான வைப்பு (FD) திட்டத்தைப் போல செயல்படும் இந்த திட்டத்தில், 1 ஆண்டு முதல் 5 ஆண்டு வரை பல கால அவகாசங்களில் கணக்கு தொடங்கலாம். குறைந்தபட்சமாக ரூ.1,000 முதலீடு செய்தாலே போதும். அதிகபட்ச முதலீட்டிற்கு எந்த வரம்பும் இல்லை என்பது இந்த திட்டத்தின் முக்கிய அம்சமாகும்.

Image Credit : Post Office\Twitter

போஸ்ட் ஆபீஸ் டெபாசிட்

போஸ்ட் ஆபீஸ் டைம் டெபாசிட் திட்டத்தில் ஆண்கள், பெண்கள் அல்லது மூத்த குடிமக்கள் என தனித்தனி வட்டி விகிதம் கிடையாது. அனைவருக்கும் ஒரே வட்டி விகிதமே பொருந்தும். இதனால், குடும்ப சேமிப்பை திட்டமிட்டு அமைக்க விரும்புவோருக்கு இது எளிய மற்றும் தெளிவான முதலீட்டு வழியாக பார்க்கப்படுகிறது.

Image Credit : Getty

ரூ.1 லட்சம் முதலீடு செய்தால் என்ன கணக்கு?

ஒருவர் தனது மனைவி பெயரில் ரூ.1 லட்சத்தை 2 ஆண்டுகள் கால அவகாசத்துடன் போஸ்ட் ஆபீஸ் டைம் டெபாசிட் திட்டத்தில் முதலீடு செய்ததாக வைத்துக்கொள்வோம்.

• முதலீடு: ரூ.1,00,000

• கால அவகாசம்: 2 ஆண்டுகள்

• தற்போதைய வட்டி விகிதம்: 7%

• கிடைக்கும் மொத்த வட்டி: ரூ.14,888

• முதிர்வுத் தொகை: ரூ.1,14,888.

Image Credit : Getty

கால அவகாசம் அடிப்படையிலான வட்டி விகிதங்கள்

• 1 ஆண்டு – 6.9%

• 2 ஆண்டு – 7.0%

• 3 ஆண்டு – 7.1%

• 5 ஆண்டு – 7.5%

சந்தை அபாயம் இல்லாத சேமிப்பை விரும்புபவர்களுக்கு, போஸ்ட் ஆபீஸ் TD திட்டம் நீண்டகால நிதி ஒழுங்கை உருவாக்கும் ஒரு நிலையான தேர்வாக கருதப்படுகிறது.