ஏடிஎம் கட்டணங்கள் மாறிப்போச்சு.. மறக்காம நோட் பண்ணுங்க உஷார்!
இந்திய ரிசர்வ் வங்கி ஏடிஎம் பரிவர்த்தனை விதிகளில் மாற்றங்களை அறிவித்துள்ளது. இலவச பரிவர்த்தனை வரம்பு குறைக்கப்பட்டு, கூடுதல் கட்டணங்கள் விதிக்கப்படும். புதிய விதிகள் மற்றும் கட்டணங்களைப் பற்றி அறிந்துகொள்வது அவசியம்.
ஏடிஎம் புதிய விதிகள்
இந்திய ரிசர்வ் வங்கி (RBI) சமீபத்தில் ஏடிஎம் பரிவர்த்தனை விதிகளில் சில மாற்றங்களை அறிவித்துள்ளது. இதில் இலவச பரிவர்த்தனை வரம்பு, பணம் வைப்பு-எடுப்பு விதிகள் மற்றும் கூடுதல் கட்டணங்கள் போன்றவை அடங்கும். புதிய விதிகள் என்ன, எவ்வளவு கட்டணம் விதிக்கப்படும் என்பதை தெரிந்துகொள்வது வாடிக்கையாளர்களுக்கு மிகவும் முக்கியம்.
ரிசர்வ் வங்கி அறிவிப்பு
முதலில் மெட்ரோ நகரங்களில் உள்ள வாடிக்கையாளர்கள் மாதத்திற்கு 3 இலவச ஏடிஎம் பரிவர்த்தனை (பணம் திரும்பப் பெறுதல் + இருப்பு சரிபார்ப்பு) செய்யலாம். நான்-மெட்ரோ (சிறிய நகரங்கள், கிராமப்புறம்) ஆகிய இடங்களில் 5 இலவச பரிவர்த்தனை செய்ய அனுமதி உண்டு. இதை மீறி ஏடிஎம் பயன்படுத்தினால், வங்கிகள் கூடுதல் கட்டணம் வசூலிக்கும்.
ATM பணம் எடுக்கும் கட்டணம்
இலவச வரம்பை கடந்த பிறகு, ஒரு ஏடிஎம் பரிவர்த்தனைக்கு அதிகபட்சம் ரூ.23 + GST வரை வங்கிகள் கட்டணம் எடுக்கும். பணம் எடுக்காத சேவைகள் (நிதி அல்லாத பரிவர்த்தனைகள்), உதாரணமாக இருப்பு சரிபார்ப்பு போன்றவற்றுக்கு சில வங்கிகள் ரூ.11 வரை கட்டணம் வசூலிக்கின்றன. உதாரணமாக PNB வங்கியில் நிதி பரிவர்த்தனைக்கு ரூ.23, நிதி அல்லாத பரிவர்த்தனைக்கு ரூ.11, HDFC வங்கியில் பிளாட் ரூ.23. ஆனால் SBI வங்கியில் பழைய விகிதங்களே தற்போது நடைமுறையில் உள்ளன.
இலவச பரிவர்த்தனை வரம்பு
பண வைப்பு (வைப்பு) பொதுவாக பண மறுசுழற்சி இயந்திரங்கள் மூலம் செய்யும்போது கூடுதல் கட்டணம் இல்லை. ஆனால், பணம் எடுக்கும் அளவு வரம்பை மீறினால், வங்கிகள் தனித்தனி விதிமுறைகளின் அடிப்படையில் கட்டணம் வசூலிக்கின்றன. மேலும், ஒரு ஆண்டில் ரூ.20 லட்சம் அல்லது அதற்கு மேல் பணம் வைப்பதற்கு அல்லது எடுப்பதற்கு பான் மற்றும் ஆதார் கார்டு கட்டாயம். இந்த விதி கருப்பு பண பரிவர்த்தனையை கட்டுப்படுத்தும் நோக்கத்துடன் கொண்டு வரப்பட்டுள்ளது.
பரிவர்த்தனை கூடுதல் கட்டணம்
தேவையற்ற கட்டணங்களை தவிர்க்க சில வழிகள் உள்ளன. உங்கள் தனது வங்கியின் ஏடிஎம்-ஐ பயன்படுத்துவது சிறந்தது. இருப்புச் சரிபார்ப்பு அல்லது அறிக்கையைப் பார்க்க ஏடிஎம்-க்கு செல்வதற்குப் பதிலாக நெட்பேங்கிங் / மொபைல் பேங்கிங் பயன்படுத்தலாம். மாதந்தோறும் ஏடிஎம் செயலியை கவனத்தில் வைத்துக்கொண்டால் தேவையற்ற கட்டணங்களைத் தவிர்க்க முடியும்.