Investment Idea : 15 வருடத்தில் ரூ.40 லட்சம்.! மாசம் எவ்வளவு சேமிக்கணும் தெரியுமா? மத்திய அரசோட சூப்பர் முதலீடு திட்டம் பற்றி தெரிஞ்சுக்கோங்க.!

Public Provident Fund Scheme : சம்பாதிக்கிற காசுல கொஞ்சமாவது சேமிக்கணும்னு எல்லோருக்கும் ஆசை இருக்கும். ஆனா, எங்க சேமிக்கிறதுனுதான் குழப்பம். அரசு உத்தரவாதத்தோட நல்ல வருமானம் தர்ற திட்டங்கள்ல PPF ரொம்ப முக்கியமானது. 

Image Credit : Getty

பொது வருங்கால வைப்பு நிதி (PPF)

பப்ளிக் பிராவிடண்ட் ஃபண்ட் (PPF) ஒரு நீண்ட கால சேமிப்புத் திட்டம். இதுக்கு மத்திய அரசு உத்தரவாதம் தருது. பாதுகாப்பு, நிலையான வட்டி, வரி விலக்கு இது மூணும்தான் இந்த திட்டத்தோட பெரிய ப்ளஸ். மியூட்சுவல் பண்ட் போன்ற திட்டங்களில் ரிஸ்க் எடுக்க விரும்பாதவங்களுக்கு இது ஒரு பெஸ்ட் சாய்ஸ். 2025–26 நிதியாண்டின் நான்காம் காலாண்டுக்கு (ஜனவரி–மார்ச்) வட்டி விகிதம் 7.1% ஆக தொடர்கிறது.

Image Credit : Getty

PPF வட்டி எவ்வாறு கணக்கிடப்படும்?

ஆண்டுக்கு 7.1% வட்டி (கூட்டு வட்டி முறையில்). ஒவ்வொரு ஆண்டும் மார்ச் 31 அன்று வட்டி கணக்கில் சேரும். திட்டத்தின் காலம் 15 ஆண்டுகள். குறைந்தபட்சம் ஆண்டுக்கு ரூ.500, அதிகபட்சம் ரூ.1.5 லட்சம் வரை முதலீடு செய்யலாம். இது அரசு திட்டம் என்பதால் ரிஸ்க் இல்லை. மாதத்தின் 5ஆம் தேதி முதல் கடைசி தேதிக்குள் இருக்கும் குறைந்தபட்ச இருப்பின் அடிப்படையில் வட்டி கணக்கிடப்படும்.

Image Credit : iSTOCK

PPF கணக்கு தொடங்குவது எப்படி?

PPF கணக்கை தபால் அலுவலகம், SBI, PNB போன்ற பொதுத்துறை வங்கிகள், HDFC, ICICI, Axis போன்ற சில தனியார் வங்கிகளிலும் தொடங்கலாம். கணக்கு தொடங்கும் படிவம், KYC ஆவணங்கள் (ஆதார், ஓட்டுநர் உரிமம்), முகவரிச் சான்று, நாமினி விவரங்கள், பாஸ்போர்ட் சைஸ் போட்டோ தேவை. இன்டர்நெட் பேங்கிங் மூலமாகவும் 'Open PPF Account' ஆப்ஷனை தேர்வு செய்து, விவரங்களை கொடுத்தால் உடனடியாக கணக்கு தொடங்கிவிடலாம்.

Image Credit : our own

15 ஆண்டுகளில் எவ்வளவு கிடைக்கும்?

நீங்கள் மாதம் ரூ.5,000, அதாவது ஆண்டுக்கு ரூ.60,000 PPF-ல் முதலீடு செய்கிறீர்கள். 15 ஆண்டுகளில் உங்கள் மொத்த முதலீடு சுமார் ரூ.9 லட்சமாக இருக்கும். தற்போதைய 7.1% வட்டி விகிதத்தின்படி, 15 ஆண்டுகள் முடிவில் உங்களுக்கு சுமார் ரூ.16.2 லட்சம் வரை கிடைக்கும். இதுதான் கூட்டு வட்டியின் சக்தி.

Image Credit : Getty

வரிச்சலுகை உண்டு

PPF முதலீட்டுக்கு EEE (Exempt-Exempt-Exempt) வரிச் சலுகை உண்டு. பிரிவு 80C-யின் கீழ் ரூ.1.5 லட்சம் வரை வரி விலக்கு பெறலாம். வரும் வட்டிக்கும் வரி இல்லை, முதிர்வுத் தொகைக்கும் வரி கிடையாது. கணக்கு தொடங்கிய 1 வருடம் கழித்து கடன் வசதி உண்டு (இருப்பில் 25% வரை). 5 ஆண்டுகளுக்குப் பிறகு பகுதியளவு பணம் எடுக்கலாம். 15 ஆண்டுகளுக்குப் பிறகு முழுப் பணத்தையும் எடுக்கலாம். தீவிர நோய் அல்லது கல்விச் செலவுகளுக்காக முன்கூட்டியே கணக்கை முடிக்கும் வசதியும் உள்ளது.

Image Credit : Getty

ஆண்டுக்கு 1.5 லட்சம் முதலீடு செய்தால்?

ஒருவேளை நீங்கள் ஆண்டுக்கு ரூ.1.5 லட்சத்தை PPF-ல் முதலீடு செய்தால், 15 ஆண்டுகளுக்குப் பிறகு கிடைக்கும் தொகை (தற்போதைய 7.1% வட்டி விகிதத்தின் அடிப்படையில்): உங்கள் மொத்த முதலீடு ரூ.22,50,000 ஆக இருக்கும். 15 ஆண்டுகள் முடிவில் உங்களுக்கு சுமார் ரூ.40 லட்சத்திலிருந்து ரூ.41 லட்சம் வரை கிடைக்கும். அதாவது, உங்கள் முதலீடு ரூ.22.5 லட்சமாக இருக்க, வட்டி மூலம் கிடைக்கும் லாபம் மட்டுமே சுமார் ரூ.18 லட்சமாக இருக்கும்.