வெறும் 100 ரூபாய் சேமித்தால் போதும்! ரூ.2 லட்சத்துக்கு மேல் மொத்தமா கிடைக்கும்!

போஸ்ட் ஆபிஸ் ரெக்கரிங் டெபாசிட் (RD) திட்டம் பாதுகாப்பான மற்றும் நிலையான வருமானத்தை வழங்குகிறது. இத்திட்டத்தில் வெறும் 100 ரூபாய் சேமித்து ரூ.2 லட்சத்துக்கு மேல் மொத்தமாக பெற்றுக்கொள்ளலாம்.

Post office recurring deposit scheme

தபால் அலுவலக தொடர் வைப்புத்தொகை (RD) திட்டம் பாதுகாப்பான மற்றும் நிலையான வருமானத்தை வழங்கும் சிறுசேமிப்புத் திட்டமாகும். குறிப்பிட்ட தொகையை தொடர்ந்து சேமிக்க விரும்புவோருக்கு இந்தத் திட்டம் பொருத்தமானது. இதில் கூட்டு வட்டி விகிதத்தின் மூலம் அதிக வருமானம் ஈட்ட முடியும்.

Recurring Deposit

இத்திட்டத்தின் கீழ், ஒவ்வொரு மாதமும் ஒரு நிலையான தொகையை டெபாசிட் செய்ய வேண்டும். திட்டம் முதிர்வு அடையும்போது மொத்த தொகையைப் பெற்றுக்கொள்ளலாம். சிறிய சேமிப்பின் மூலம் எதிர்காலத்திற்காக ஒரு பெரிய கார்பஸை உருவாக்க இந்த திட்டம் சிறந்த வாய்ப்பு.

Post office scheme

இத்திட்டத்தின் முதிர்வுக் காலம் 5 ஆண்டுகள். முதிர்ச்சியடைந்த பிறகு, கூடுதலாக 5 ஆண்டுகளுக்கு நீட்டிக்கப்படலாம். கணக்கு வைத்திருப்பவர் இறந்தால், நாமினி முதிர்வுத் தொகையைப் பெறலாம் அல்லது திட்டத்தைத் தொடரலாம்.

Post office recurring deposit

இந்தத் திட்டத்தின் கீழ், 6.7% வட்டி விகிதம் வழங்கப்படுகிறது. இந்த வட்டி விகிதம் காலாண்டு அடிப்படையில் கணக்கிட்டு வழங்கப்படும். இது முதலீட்டாளருக்கு முதிர்வு காலத்தில் அதிக வருமானத்தை அளிக்கிறது. இந்த வட்டி விகிதம் பல வங்கி சேமிப்புத் திட்டங்களை விட அதிகமாகவும் இருக்கிறது.

Post office RD Interest rate

இந்தத் திட்டத்தில் தனிநபர் அல்லது கூட்டுக் கணக்கைத் திறக்கலாம். கூடுதலாக, 10 வயதுக்குட்பட்ட குழந்தைகளுக்கு பெற்றோர் அல்லது பாதுகாவலர் மூலர் ஒரு கணக்கு தொடங்கலாம். குறைந்தபட்சம் 100 ரூபாய் முதல், உங்கள் விருப்பம் மற்றும் வசதிக்கேற்ப எவ்வளவு வேண்டுமானாலும் டெபாசிட் செய்யலாம். இத்திட்டத்தில் செய்யப்படும் டெபாசிட்டுக்கு அதிகபட்ச வரம்பு இல்லை.

Post office savings schemes

கணக்கு தொடங்கி ஓராண்டுக்குப் பிறகு, டெபாசிட் செய்யப்பட்ட தொகையில் 50% வரை கடன் பெறலாம். இந்த கடனுக்கான வட்டி விகிதம், ரெக்கரிங் டெபாசிட் கணக்கிற்கு வழங்கப்படும் வட்டியை விட 2% கூடுதலாக இருக்கும்.

Post office RD investment

போஸ்ட் ஆபிஸ் RD திட்டத்தில், தினமும் 100 ரூபாய் சேமித்து ஒவ்வொரு மாதமும் ரூ.3,000 டெபாசிட் செய்தால், 5 ஆண்டுகளுக்குப் பிறகு ரூ.2.14 லட்சம் முதிர்வுத் தொகை கிடைக்கும். முதலீடு செய்த மொத்தத் தொகை ரூ.1,80,000. வட்டி வருவாய் மட்டும் ரூ.34,097 ஆக இருக்கும்.