PNBயின் அதிரடி ஸ்கீம்! அனைத்து கடன்களும் 0 சேவை கட்டணத்தில்

உங்களுக்கு அவசரமாகக் கடன் தேவையா? பஞ்சாப் நேஷனல் வங்கி ஒரு சிறப்புச் சலுகையை அறிமுகப்படுத்தியுள்ளது. நீங்கள் எந்த வகையான கடன் வாங்கினாலும், அதற்கு எந்தவொரு செயலாக்கக் கட்டணமோ அல்லது ஆவணக் கட்டணமோ கிடையாது. பஞ்சாப் நேஷனல் வங்கி வழங்கும் இந்தச் சலுகை பற்றிய முழு விவரங்களும் இங்கே.

கடன் வழங்குவதை எளிமையாக்கும் PNB

பலர் நிதி நெருக்கடியால் கடன் வாங்க விரும்புகிறார்கள். ஆனால் வட்டியைச் செலுத்த முடியாமல் தயங்குகிறார்கள். வட்டிக்கு மேல், செயலாக்கக் கட்டணம், ஆவணக் கட்டணம் போன்ற கூடுதல் கட்டணங்கள் அதிகமாக இருப்பதால், அந்தச் சுமையைத் தாங்க முடியாமல் கடன் வாங்கத் தயங்குகிறார்கள். அதனால்தான் பஞ்சாப் நேஷனல் வங்கி கூடுதல் கட்டணங்கள் இல்லாமல் கடன்களை வழங்க முன்வந்துள்ளது.

கடன் சுமையை குறைக்கும் PNB வங்கி

பஞ்சாப் நேஷனல் வங்கி (PNB), வாடிக்கையாளர்களின் சுமையைக் குறைக்க ஒரு முக்கிய முடிவை எடுத்துள்ளது. ‘PNB நிர்மான் 2025’ என்ற புதிய சேவையை அறிவித்துள்ளது. இந்தச் சேவையின்படி, வீட்டுக் கடன், கார் கடன், தனிநபர் கடன், டிஜிட்டல் தங்கக் கடன் ஆகியவற்றிற்கு எந்தவொரு செயலாக்கக் கட்டணமோ அல்லது ஆவணக் கட்டணமோ வசூலிக்கப்படாது.

Punjab National Bank

‘PNB நிர்மான் 2025’ திட்டம் ஏப்ரல் 23 ஆம் தேதி தொடங்கியது. இந்தச் சலுகையின் மூலம் வீட்டுக் கடன் வாங்குபவர்களுக்குச் சட்டம் சார்ந்த மற்றும் மதிப்பீட்டுக் கட்டணங்களில் மானியம் வழங்கப்படும். மேலும், வாகனக் கடன், வீட்டுக் கடன், கல்விக் கடன் ஆகியவற்றிற்கு வேறு எந்தச் செயலாக்கக் கட்டணமும் கிடையாது. இதுமட்டுமின்றி, இந்தக் கடன்களின் வட்டி விகிதத்தில் 5 அடிப்படைப் புள்ளிகள் தள்ளுபடியும் வழங்கப்படுகிறது.

PNB Nirmaan 2025

‘PNB நிர்மான் 2025’ திட்டம் ஜூன் 20, 2025 வரை மட்டுமே நடைமுறையில் இருக்கும். அதாவது, ஜூன் 20 வரை விண்ணப்பிப்பவர்களுக்கு மேற்கண்ட அனைத்துக் கடன்களுக்கும் கட்டணங்கள் கிடையாது. அவசரமாகக் கடன் தேவைப்படுபவர்களுக்கு இது ஒரு பெரிய நிவாரணம். வங்கியின் அறிவிப்பின்படி, இந்தத் திட்டத்தின் மூலம் வாடிக்கையாளர்கள் மிகக் குறைந்த விலையில் கடன் பெறலாம்.

PNB Loan - கடன் விவரம்

PNB வெளியிட்டுள்ள விவரங்களின்படி, வீட்டுக் கடன், தனிநபர் கடன், கார் கடன், டிஜிட்டல் தங்கக் கடன் ஆகியவற்றிற்குச் செயலாக்கக் கட்டணமோ அல்லது ஆவணக் கட்டணமோ கிடையாது என்று வங்கி தெளிவுபடுத்தியுள்ளது. மேலும், இந்தச் சேவைகள் அனைத்தும் நாடு முழுவதும் உள்ள அனைத்து PNB கிளைகளிலும் கிடைக்கும் என்று குறிப்பிட்டுள்ளது. வாடிக்கையாளர்கள் தங்களுக்கு அருகிலுள்ள PNB கிளைக்குச் சென்று அல்லது அதிகாரப்பூர்வ இணையதளம் மூலம் கூடுதல் விவரங்களைத் தெரிந்துகொள்ளலாம். இந்த வாய்ப்பைப் பயன்படுத்தித் தேவையான கடன் சேவைகளை இந்தக் கட்டணமில்லாத் திட்டத்தின் மூலம் பெறலாம்.