45 லட்சம் SIP கணக்குகள் மூடப்பட்டது.. மியூச்சுவல் பண்ட் முதலீட்டில் காத்திருக்கும் ஆபத்து!

மியூச்சுவல் பண்ட்டில் உள்ள எஸ்ஐபி (SIP) என்பது நடுத்தர வர்க்கத்தினரிடையே மிகவும் பிரபலமான முதலீட்டு விருப்பமாகும். குறுகிய காலத்தில் அதிக வருமானம் ஈட்ட இது ஒரு பாதுகாப்பான வழியாகக் கருதப்படுகிறது. ஆனால், 2024 ஆம் ஆண்டு டிசம்பர் மாதம் SIP கணக்குகளுக்கு நல்ல மாதமாக அமையவில்லை. லட்சக்கணக்கான மக்கள் தங்கள் SIP கணக்குகளை மூடிவிட்டனர்.

2024 டிசம்பரில் 45 லட்சம் எஸ்ஐபி கணக்குகள் மூடப்பட்டுள்ளதாக புள்ளிவிவரங்கள் தெரிவிக்கின்றன. இது ஒரு மாதத்தில் மூடப்பட்ட கணக்குகளின் எண்ணிக்கையில் இதுவரை இல்லாத அளவுக்கு அதிகம். இதற்கு முன்பு, 2024 மே மாதத்தில் சுமார் 44,000 எஸ்ஐபி கணக்குகள் மூடப்பட்டன.

ஒரு மாதத்தில் மூடப்பட்ட எஸ்ஐபி கணக்குகளின் எண்ணிக்கையில் அது அப்போதைய அதிகபட்சமாகும். மியூச்சுவல் பண்ட் எஸ்ஐபி முதலீட்டாளர்கள் பங்குச் சந்தையின் உடனடி லாப நஷ்டங்களைப் பொருட்படுத்தாமல் நீண்ட கால லாபத்திற்காக முதலீடுகளைத் தொடர்ந்தனர்.

ஆனால், 2024 ஆம் ஆண்டின் போக்கு முதலீட்டு நிபுணர்களுக்கு கவலையை ஏற்படுத்தியுள்ளது. ஏனெனில், மியூச்சுவல் பண்ட் முதலீட்டாளர்களிடையே நீண்ட கால முதலீடுகளில் ஆர்வம் குறைந்து வருகிறது. டிசம்பர் மாதத்தில் மியூச்சுவல் பண்ட்களில் ஏற்பட்ட சரிவுக்குப் பிறகு, SIP முதலீட்டாளர்களிடையே நீண்ட கால முதலீடுகளின் போக்கு குறைந்து வருவதாக நிபுணர்கள் கருதுகின்றனர்.

டிசம்பரில் புதிய SIP கணக்குகள் தொடங்கப்பட்ட எண்ணிக்கையும் அசாதாரணமாகக் குறைந்துள்ளது. அந்த மாதத்தில் சில லட்சம் புதிய SIP கணக்குகள் மட்டுமே தொடங்கப்பட்டுள்ளன. டிசம்பரில் 45 லட்சம் SIP கணக்குகள் மூடப்பட்டது மட்டுமல்லாமல், புதிய கணக்குகள் தொடங்கப்பட்ட எண்ணிக்கையும் கணிசமாகக் குறைந்துள்ளது.

இந்தியாவின் மிகவும் அசுத்தமான ரயில்கள் லிஸ்ட்.. தப்பித்தவறி கூட போயிடாதீங்க..