மாதக் கடைசியில் பணப் பிரச்னையா? கடனில் இருந்து மீள 'உடனே' இதை பண்ணுங்க

சம்பளத்தை நம்பி வாழ்பவர்களில் பலர் மாதக் கடைசியில் அன்றாடச் செலவுகளுக்குத் திண்டாடுகின்றனர். பல நேரங்களில் செலவுகளைச் சமாளிக்க நண்பர்கள், சக ஊழியர்கள், உறவினர்களிடம் கடன் வாங்க வேண்டியுள்ளது. ஆனால் திட்டமிட்டுச் செலவு செய்தால் இந்த நிலையைத் தவிர்க்கலாம்.

மாதந்தோறும் மின்சாரக் கட்டணம், மொபைல் ரீசார்ஜ், குழந்தைகளின் பள்ளிக் கட்டணம், மளிகைச் செலவு, அன்றாடத் தேவைகளுக்கான பிற செலவுகள் போன்றவை தவிர்க்க முடியாதவை. இவற்றுக்காக முன்கூட்டியே பணம் ஒதுக்க வேண்டும்.

வெளியில் இருந்து உணவு ஆர்டர் செய்தல், தேவையற்ற பொருட்களை வாங்குதல் போன்றவற்றைத் தவிர்த்தால் நல்லது. இதனால் பணப் பிரச்னையைத் தவிர்க்கலாம்.

ஒவ்வொரு மாதமும் அவசரத் தேவைகளுக்காகச் சிறிது பணத்தைச் சேமித்து வைக்க வேண்டும். இதனால் எந்த நேரத்திலும் அவசரத் தேவைக்குப் பணம் இருக்கும். எந்தப் பிரச்னையும் வராது.

அவசரத் தேவைகளுக்காகப் பணத்தைச் சேமிக்கவில்லை என்றால், தேவைப்படும்போது மற்றவர்களிடம் உதவி கேட்க வேண்டியிருக்கும். இது நல்லதல்ல.

தேவையான மற்றும் தேவையற்ற செலவுகள், அவசரச் செலவுகளின் பட்டியலைத் தயாரிப்பது மட்டுமல்லாமல், செலவுகளில் கவனமாக இருப்பதும் முக்கியம். எந்தச் செலவைச் செய்யாமல் இருந்தால் நல்லது என்பதையும் கணக்கிட வேண்டும்.

மாதந்தோறும் தேவையற்ற செலவுகளைக் குறைத்துப் பணத்தைச் சேமித்தால், மாதக் கடைசியில் பணப் பிரச்னை ஏற்படாது. எனவே, வழக்கமான செலவுகளைக் கணக்கிட்டுச் செல்ல வேண்டும்.

நடைமுறைச் சிந்தனையுடன் செலவு செய்ய வேண்டும். திட்டமிட்டுச் செலவு செய்தால் பெரும்பாலான பிரச்னைகள் தீர்ந்துவிடும்.

லக்கி பாஸ்கர் படத்தில் வரும் Amex கார்டின் சிறப்பு என்ன தெரியுமா? வேற லெவல்!