ஆதார் கார்டு தொலைந்ததா? இப்படி செய்தால் உடனே கிடைக்கும்!
ஆதார் கார்டு திடீரென தொலைந்தால் என்ன செய்வது என்று தெரியாமல் பலர் பதறி போகிறார்கள். அதிலும் ஆதார் நம்பரையே மறந்துவிட்டால் இன்னும் பெரிய பிரச்சனை போல தோன்றும்.
ஆதார் இல்லாமலேயே நம்பர் பெறலாம்
இன்றைய காலகட்டத்தில் ஆதார் அட்டை என்பது ஒவ்வொரு நபருக்கும் அத்தியாவசிய அடையாள ஆவணமாக உள்ளது. அரசு நலத்திட்டங்கள் பெறுவது முதல் வங்கி கணக்கு திறப்பு, சிம் கார்டு வாங்குதல் வரை பல சேவைகளுக்கு ஆதார் அவசியமாகிறது. அதனால் இதை பாதுகாப்பாக வைத்திருக்க வேண்டும். ஆனால் சில நேரங்களில் ஆதார் கார்டு காணாமல் போகலாம் அல்லது அந்த எண்ணையே மறந்து விடலாம்.
ஆதார் இல்லாமலேயே நம்பர் பெறலாம்
இப்படி ஆதார் கார்டு தொலைந்தாலும் கவலைப்பட தேவையில்லை. வீட்டிலிருந்தபடியே உங்கள் ஆதார் விவரங்களை மீண்டும் பெறலாம். UIDAI அதிகாரப்பூர்வ இணையதளத்தின் மூலம் உங்கள் மொபைல் எண்ணைப் பயன்படுத்தி சில நிமிடங்களில் ஆதார் எண்ணை மீட்டெடுக்க முடியும். எங்கும் சென்று சிரமப்பட வேண்டிய அவசியம் இல்லை.
மொபைல் இணைப்பு ஆதார்
முதலில் UIDAI இணையதளத்தை திறந்து, “இழந்த அல்லது மறந்துவிட்ட UID/EID ஐ மீட்டெடுக்கவும்” என்ற விருப்பத்தை தேர்வு செய்ய வேண்டும். அதில் உங்கள் பெயர், மொபைல் எண் போன்ற விவரங்களை பதிவு செய்து OTP பெற வேண்டும். அந்த OTP-ஐ உள்ளிட்டவுடன், உங்கள் ஆதார் எண் SMS மூலம் உங்கள் மொபைலுக்கு அனுப்பப்படும்.
ஆதார் டவுன்லோட் செய்வது எப்படி?
அதற்குப் பிறகு, அதே இணையதளத்தில் “Download Aadhaar” என்ற விருப்பத்தைப் பயன்படுத்தி e-Aadhaar பதிவிறக்கம் செய்யலாம். உங்கள் ஆதார் எண் மற்றும் பிற விவரங்கள் உள்ளிட்டு PDF கோப்பை டவுன்லோட் செய்யலாம். அந்த கோப்பை திறக்க உங்கள் பெயரின் முதல் நான்கு எழுத்துக்கள் மற்றும் பிறந்த தேதி பயன்படுத்த வேண்டும்.
ஆதார் தொலைந்தாலும் கவலை வேண்டாம்
பாதுகாப்பு கருதி “Masked Aadhaar” பயன்படுத்துவது நல்லது. இதில் கடைசி 4 இலக்கங்கள் மட்டும் தெரியும், இதனால் தவறான பயன்பாடு தடுக்கப்படும். மேலும், உங்கள் மொபைல் எண் ஆதாருடன் இணைக்கப்பட வேண்டும். எப்போதும் உங்கள் ஆதாரின் soft copy-யை மொபைல் அல்லது மின்னஞ்சலில் வைத்திருக்கவும். biometric lock வசதி பயன்படுத்தினால் கூடுதல் பாதுகாப்பு கிடைக்கும்.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
