Railway Free Limit: ரயிலில் எவ்வளவு லக்கேஜ் இலவசம்? லிமிட்டை மீறினால் கடும் அபராதம்

Railway Free Limit: ரயில் பயணத்துக்கு கிளம்பும்போது உடைகள், பெட்டிகள் என அதிக சாமான்களை எடுத்துச் செல்வது பலரின் வழக்கம். இந்திய ரயில்வே விதித்திருக்கும் இலவச லக்கேஜ் லிமிட் குறித்த விவரங்களை பார்க்கலாம்.

Image Credit : our own

இலவச லக்கேஜ் லிமிட்

ரயில் பயணம் மலிவானதும் வசதியானதுமாக இருப்பதால் தினமும் லட்சக்கணக்கான மக்கள் இந்திய ரயில்வேயை பயன்படுத்துகின்றனர். ஆனால், பயணத்திற்குச் செல்லும் முன் லக்கேஜ் தொடர்பான விதிமுறைகளை அறிந்து கொள்வது மிகவும் அவசியம். அனுமதிக்கப்பட்ட எடையை மீறி முன்பதிவு செய்யாமல் சாமான்களை எடுத்துச் சென்றால், கூடுதல் கட்டணத்துடன் அபராதமும் விதிக்கப்படலாம் என்று இந்திய ரயில்வே எச்சரித்துள்ளது.

Image Credit : our own

இலவச லக்கேஜ் வரம்பு

வடமேற்கு ரயில்வேயின் ஜோத்பூர் கோட்ட ரயில்வே மேலாளர் அனுராக் திரிபாதி கூறியதன்படி, ஒவ்வொரு பயண வகுப்பிற்கும் இலவச லக்கேஜ் வரம்பு நிர்ணயிக்கப்பட்டுள்ளது. ஏசி முதல் வகுப்பு பயணிகள் 70 கிலோ வரை, ஏசி 2 அடுக்கு மற்றும் முதல் வகுப்பு பயணிகள் 50 கிலோ வரை, ஏசி 3 அடுக்கு மற்றும் ஏசி நாற்காலி கார் பயணிகள் 40 கிலோ வரை, ஸ்லீப்பர் வகுப்பு பயணிகள் 40 கிலோ வரை, இரண்டாம் வகுப்பு பயணிகள் 35 கிலோ வரை இலவசமாக சாமான்களை எடுத்துச் செல்லலாம்.

Image Credit : our own

ரயில்வே லக்கேஜ் கட்டணம்

இந்த வரம்பை மீறும் லக்கேஜை முன்கூட்டியே ரயில் நிலைய லக்கேஜ் அலுவலகத்தில் பதிவு செய்ய வேண்டும். அனுமதிக்கப்பட்ட வரம்பிற்குள் இருக்கும் கூடுதல் எடைக்கு, லக்கேஜ் கட்டணத்தின் 1.5 மடங்கு வசூலிக்கப்படும். ஆனால், முன்பதிவு செய்யாமல் அதிக எடையுள்ள லக்கேஜுடன் பயணம் செய்தால், கூடுதல் எடைக்கான கட்டணத்துடன் லக்கேஜ் கட்டணத்தின் ஆறு மடங்கு வரை அபராதம் விதிக்கப்படலாம் என்று ரயில்வே தெரிவித்துள்ளது.

Image Credit : our own

ரயில்வே அபராதம்

மேலும், பெரிய டிரங்குகள், கார்ட்டன்கள், வணிகப் பொருட்கள், பெரிய பெட்டிகள் மற்றும் அதிக இடத்தை ஆக்கிரமிக்கும் சாமான்களை பயணிகள் பெட்டிக்குள் கொண்டு செல்வது அனுமதிக்கப்படாது. அத்தகைய பொருட்கள் கட்டாயமாக நிலைய லக்கேஜ் அலுவலகத்தில் பதிவு செய்யப்பட்டு, ரயிலின் பிரேக் வேன் மூலம் அனுப்பப்பட வேண்டும். இந்த விதிமுறை மாதாந்திர சீசன் டிக்கெட் (MST) வைத்திருப்பவர்களுக்கும் பொருந்தும். MST இருப்பதால் கூடுதல் லக்கேஜ் சலுகை கிடையாது என்று ரயில்வே அதிகாரிகள் தெளிவுபடுத்தியுள்ளனர்.

Image Credit : our own

ரயில் பயணிகள் விதிமுறைகள்

பயணிகளின் பாதுகாப்பு மற்றும் வசதியை உறுதி செய்வதற்காகவே இந்த விதிமுறைகளை அமல்படுத்தியுள்ளதாகவும் இந்திய ரயில்வே தெரிவித்துள்ளது. அதிக அளவிலான லக்கேஜ், ஏறி இறங்கும் பயணிகளுக்கு இடையூறு ஏற்படுத்துவதுடன், அவசர காலங்களில் பாதுகாப்பு சிக்கல்களையும் உருவாக்கலாம். எனவே, கூடுதல் சாமான்களுடன் பயணம் செய்ய திட்டமிட்டிருந்தால், பயணத்திற்கு முன்பே லக்கேஜ் அலுவலகத்தில் பதிவு செய்து, ரயில்வே விதிமுறைகளைப் பின்பற்றுவது தேவையற்ற அபராதங்களையும் சிரமங்களையும் தவிர்க்க உதவும்.