இனி ATM-களில் 10, 20, 50 ரூபாய் நோட்டுகள்.. அசத்தல் அறிவிப்பு.. இதோ முழு விவரம்!
நாட்டில் போதிய அளவில் 10, 20, 50 ரூபாய் நோட்டுகள் புழக்கத்தில் உள்ளன. இனி ATM-களில் 10, 20, 50 ரூபாய் நோட்டுகள் பெற வழிவகை செய்யப்படும் என சூப்பர் அறிவிப்பு வெளியிடப்பட்டுள்ளது.
சில்லரை தட்டுப்பாடு
டிஜிட்டல் பணபரிவர்த்தனை காரணமாக இப்போது நாட்டில் சில்லரை தட்டுப்பாடு ஏற்பட்டுள்ளது. ரொக்க பணப்புழக்கத்திற்காக ஏடிஎம்களில் 500 ரூபாய், 100 ரூபாய் நோட்டுகளை எடுக்கிறோம். இதிலும் பெரும்பாலான ஏடிஎம்களில் 100 ரூபாய்கள் கிடைப்பதில்லை. இந்த நிலையில், சில்லரை தட்டுப்பாட்டை தீர்க்க ATM-களில் 10, 20, 50 ரூபாய் நோட்டுகளை வழங்க மத்திய அரசு திட்டமிட்டுள்ளதாக தகவல் வெளியாகி உள்ளது.
10, 20, 50 ரூபாய் நோட்டுகள்
இந்தியாவில் சிறிய மதிப்பிலான நோட்டுகளுக்குப் பற்றாக்குறை இருப்பதாக நாடாளுமன்றத்தில் எதிர்க்கட்சிகள் கேள்வி எழுப்பின. இதற்கு பதில் அளித்து பேசிய நிதித்துறை இணையமைச்சர் பங்கஜ் சௌத்ரி, ''நாட்டில் போதிய அளவில் 10, 20, 50 ரூபாய் நோட்டுகள் புழக்கத்தில் உள்ளன. அதே வேளையில் பாரம்பரிய ஏடிஎம்கள் சிறிய மதிப்பிலான ரூபாய் நோட்டுகளை விநியோகிக்கும் வகையில் வடிவமைக்கப்படவில்லை என்று பங்கஜ் சௌத்ரி விளக்கம் அளித்தார்.
ஏடிஎம்களில் 10, 20, 50 ரூபாய் நோட்டுகள் கிடைக்கும்
ஆனால் இந்தப் பிரச்சனையைத் தீர்க்க ஒரு முன்னோடித் திட்டம் தொடங்கப்பட்டுள்ளதாக நிதித்துறை இணையமைச்சர் தெரிவித்துள்ளார். இந்த முயற்சியின் கீழ் சிறிய மதிப்பு வழங்கும் இயந்திரங்கள் சோதனை செய்யப்பட்டு வருகின்றன. இந்த இயந்திரங்கள் மூலம் மக்கள் நேரடியாக ரூ.10, ரூ.20 மற்றும் ரூ.50 நோட்டுகளை எடுக்க முடியும். இதன் மூலம் ஏடிஎம்மில் பணம் எடுக்கும்போதே மக்கள் சில்லறையைப் பெற்றுக்கொள்ள வழிவகை செய்யப்படும் என்று கூறியுள்ளார்.
எவ்வளவு நோட்டுகள் விநியோகத்தில் உள்ளன?
மத்திய அரசின் இந்த அறிவிப்பு பொதுமக்களுக்கு மகிழ்ச்சியை ஏற்படுத்தியுள்ளது. நடப்பு நிதியாண்டில் 439.4 கோடி எண்ணிக்கையில் 10 ரூபாய் நோட்டுகள், 193.7 கோடி எண்ணிக்கையில் 20 ரூபாய் நோட்டுகள், 130.3 கோடி எண்ணிக்கையில் 50 ரூபாய் நோட்டுகள் விநியோகம் செய்யப்பட்டுள்ளதாக ரிசர்வ் வங்கி தரவுகள் தெரிவிக்கின்றன.
இந்தியாவில் வெவ்வேறு மதிப்பிலான ரூபாய் நோட்டுகளுக்கான தேவையை இந்திய ரிசர்வ் வங்கி ஆய்வு செய்து, எத்தனை நோட்டுகளை அச்சிட வேண்டும் என்று பரிந்துரைத்து வருவது குறிப்பிடத்தக்கது.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
