ஏடிஎம் கார்டே தேவை இல்ல... UPI பேமெண்டுக்கு ஆதார், போன் நம்பர் மட்டும் போதும்!
உங்கள் ஆதார் அட்டை உங்கள் வங்கிக் கணக்குடன் இணைக்கப்பட்டிருக்க வேண்டும். உங்கள் மொபைல் எண் ஆதார் அட்டை மற்றும் வங்கிக் கணக்கு இரண்டுடனும் இணைக்கப்பட்டிருக்க வேண்டும். அப்போது, ஏடிஎம் கார்டு இல்லாதவர்களும் UPI பின்னை எவ்வாறு உருவாக்கி பயன்படுத்தலாம்.
Use UPI Without Debit Card
டெபிட் கார்டு (ஏடிஎம் கார்டு) இல்லாவிட்டாலும் யுபிஐ பயன்படுத்தி டிஜிட்டல் பரிவர்த்தனைகளை செய்யலாம். இதற்கு உங்கள் ஆதார் எண் அவசியம். ஆதார் அட்டையுடன் இணைக்கப்பட்டுள்ள மொபைல் எண், வங்கிக் கணக்கிலும் பதிவு செய்யப்பட்டிருக்க வேண்டும். இதன் மூலம் ஆதார் எண்ணை பயன்படுத்தி UPI பரிவர்த்தனைகளைத் தொடங்கலாம்.
நேஷனல் பேமெண்ட்ஸ் கார்ப்பரேஷன் ஆஃப் இந்தியா (NPCI) இணையதளத்தின்படி, ஆதாருடன் இணைக்கப்பட்டுள்ள மொபைல் எண்ணுக்கு வரும் OTP யை பயன்படுத்தி UPI பின்னை எளிதாக உருவாக்கலாம். இதன் மூலம் டெபிட் கார்டு இல்லாதவர்களும் UPI பேமெண்ட் வசதியைப் பயன்படுத்த முடியும்.
Set UPI PIN without Debit Card
டெபிட் கார்டு இல்லாமல் UPI பின்னை என்னென்ன தேவை?
பல்வேறு காரணங்களுக்காக நீங்கள் டெபிட் கார்டு பயனராக இல்லாமல் இருக்கலாம். ஆனாலும் UPI அப்ளிகேஷன் மூலம் எளிதாகப் பேமெண்ட் செய்ய முடியும்.
உங்கள் ஆதார் அட்டை உங்கள் வங்கிக் கணக்குடன் இணைக்கப்பட்டிருக்க வேண்டும். உங்கள் மொபைல் எண் ஆதார் அட்டை மற்றும் வங்கிக் கணக்கு இரண்டுடனும் இணைக்கப்பட்டிருக்க வேண்டும். தொடர்ந்து, இந்த விவரங்களை வைத்து, ஏடிஎம் கார்டு இல்லாதவர்களும் UPI பின்னை எவ்வாறு உருவாக்கி பயன்படுத்தலாம் என்று பார்ப்போம்.
How to Set UPI PIN without Debit Card
ஏடிஎம் கார்டு இல்லாமல் UPI பரிவர்த்தனையைத் தொடங்குவது எப்படி?
1. உங்களுக்கு விருப்பமான UPI அப்ளிகேஷனை ட்வுன்லோட் செய்துகொள்ளவும். அதில் 'UPI ஐடியைச் சேர்' (Add UPI ID) என்ற ஆப்ஷனைத் தேர்வு செய்யவும்.
2. உங்கள் ஆதார் அட்டையுடன் இணைக்கப்பட்ட வங்கிக் கணக்கைத் தேர்வு செய்து, நீங்கள் பயன்படுத்தும் அப்ளிகேஷனுக்கு ஏற்ப, ஒரு UPI ஐடியை உருவாக்கவும்.
3. பிறகு, ஆதார் சரிபார்ப்பு (Aadhaar based verification) ஆப்ஷனை தேர்ந்தெடுத்து, விதிமுறைகள் மற்றும் நிபந்தனைகளை ஏற்கவும்.
4. சரிபார்க்க உங்கள் ஆதார் எண்ணின் முதல் 6 இலக்கங்களை உள்ளிட்டு, 'Confirm' என்பதைக் கிளிக் செய்யவும். பின், உங்களுக்கு விருப்பமான 4 இலக்க UPI பின்னை டைப் செய்யவும்.
5. ஆதார் மற்றும் வங்கிக் கணக்கில் பதிவு செய்யப்பட்ட மொபைல் எண்ணில் OTP மெசேஜ் வரும். அந்த OTP ஐ அதற்குரிய இடத்தில் டைப் செய்து ‘Confirm’ என்பதைக் கிளிக் செய்யவும்.
சேனலை கிளிக் செய்து பின்தொடரவும்
