D-Mart தீபாவளி ஷாப்பிங் 2026.! மளிகைப் பில்லில் ரூ.1,500 வரை சேமிப்பது எப்படி? முழு வழிகாட்டி!

தீபாவளி மளிகை ஷாப்பிங்கிற்கு D-Mart செல்லப் போறீங்களா? அப்போ இத கண்டிப்பா படிங்க! இந்த தீபாவளிக்கு மளிகைப் பில் எகிறாம, RS 1,500 வரை சுலபமா சேமிக்க ஒரு செம பிளான் இருக்கு! நடுத்தரக் குடும்பங்களுக்கு பயனுள்ள D-Mart தீபாவளி ஷாப்பிங் கைடு இதோ.!

Image Credit : Gemini AI

பாதியாக குறையும் மளிகை செலவு.?!

தீபாவளிப் பண்டிகை நெருங்கிவிட்டாலே தமிழ்நாட்டின் ஒவ்வொரு நடுத்தர வீடுகளிலும் பலகார வாசனை கமழத் தொடங்கிவிடும். முறுக்கு, அதிரசம், லட்டு, மைசூர்பா என விதவிதமான பலகாரங்களைச் செய்து உறவினர்களுக்கும் நண்பர்களுக்கும் பகிர்ந்து மகிழ்வது நம் பாரம்பரிய வழக்கமாகும். பண்டிகைக் காலத்திற்கான அத்தியாவசிய மளிகைப் பொருட்கள், பலகாரத் தேவைகள் மற்றும் வீட்டு உபயோகப் பொருட்களை ஒரே இடத்தில், அதுவும் குறைந்த விலையில் வாங்க நடுத்தரக் குடும்பங்கள் தேர்வு செய்யும் முதன்மை மையமாக D-Mart விளங்குகிறது. சாதாரண வெளிக்கடைகளுடன் ஒப்பிடும்போது இங்கு கிடைக்கக்கூடிய தீபாவளிச் சலுகைகள் மற்றும் தள்ளுபடிகள் மூலம் குடும்ப வரவு செலவில் கணிசமான தொகையை மிச்சப்படுத்த முடியும். இதையும் கிளிக் செய்யுங்களேன் - மத்திய அரசு ஊழியர்களுக்கு தீபாவளி ஜாக்பாட்! ரூ.72,000 குறைந்தபட்ச அடிப்படை ஊதியம்! இனி ஜாலியோ ஜிம்கானாதான்!

Image Credit : Asianet News

சலுகை விலையில் கிடைக்கும் ஜாக்பாட் பொருட்கள்.!

தீபாவளி பலகாரங்கள் செய்வதற்கும், வீட்டிற்குத் தேவையான அத்தியாவசியப் தேவைகளைப் பூர்த்தி செய்வதற்கும் D-Mart-ல் வாங்குவது மிகவும் லாபகரமானது. குறிப்பாக சர்க்கரை, மைதா, ரவை, கடலை மாவு, வெல்லம் மற்றும் முந்திரி, திராட்சை, பாதாம், ஏலக்காய் போன்ற உலர் பருப்பு வகைகளை இங்கு மொத்தமாகவோ அல்லது சலுகை பாக்கெட்டுகளாகவோ வாங்கலாம். மேலும், பலகாரங்கள் பொரிப்பதற்குத் தேவையான சமையல் எண்ணெய் பாக்கெட்டுகள் (சூரியகாந்தி எண்ணெய், கடலை எண்ணெய்) மற்றும் பிராண்டட் நெய் வகைகளில் பெரிய அளவில் தள்ளுபடி கிடைக்கிறது. இவை தவிர்த்து, வீட்டைச் சுத்தம் செய்யப் பயன்படும் டிடர்ஜென்ட்கள், ஃபுளோர் கிளீனர்கள், பாத்திரம் கழுவும் திரவங்கள் மற்றும் தீபாவளிக்கு உறவினர்களுக்கு வழங்கி மகிழப் பயன்படும் ஸ்வீட் பாக்ஸ்கள், எவர்சில்வர் பாத்திரங்கள், பிளாஸ்டிக் கண்டெய்னர்கள் போன்றவற்றையும் தவறவிடாமல் வாங்கலாம். இதையும் கிளிக் செய்யுங்களேன் -Coriander: கொத்து கொத்தா வளரும் கொத்தமல்லி.! கெத்தா வீட்டிலேயே வளர்ப்பது எப்படி தெரியுமா?!

Image Credit : anandmunshi.com

அப்பாடி இவ்ளோ லாபம் கிடைக்கிறதா?

D-Mart-ன் மிகப்பெரிய சிறப்பம்சமே இங்குள்ள பொருட்கள் அனைத்தும் 'MRP' விலையை விடக் கணிசமாகக் குறைந்த 'DMart Price' என்ற சிறப்பு விலையிலேயே விற்பனை செய்யப்படுவதாகும். எடுத்துக்காட்டாக, வெளிச்சந்தையில் 5 கிலோ சர்க்கரையின் MRP விலை ₹391 ஆக இருக்கும் நிலையில், D-Mart-ல் அது தோராயமாக ₹308-க்கே கிடைக்கிறது, இதன் மூலம் ₹83 சேமிப்பாகிறது. அதேபோல 4 முதல் 4.5 லிட்டர் கொண்ட சமையல் எண்ணெய் காம்போக்கள் வெளிக்கடைகளை விட ₹100 முதல் ₹290 வரை குறைவாகக் கிடைக்கின்றன. கடலை மாவு மற்றும் மைதாவில் கிலோவிற்கு ₹20 முதல் ₹30 வரையிலும், அரை கிலோ முந்திரிப் பருப்பில் ₹160 முதல் ₹260 வரையிலும் லாபம் கிடைக்கிறது. மேலும், 5 கிலோ பாசுமதி அரிசியில் ₹111 வரை சேமிக்க முடிவதால், பண்டிகைக் கால பிரியாணி செலவும் கட்டுப்பாட்டிற்குள் வருகிறது. இதையும் கிளிக் செய்யுங்களேன் - Gold Loan: தங்க நகைக் கடன் சீக்ரெட்.! 1 பவுனுக்கு எவ்வளவு லோன்? எந்த வங்கியில் அதிக பணம் கிடைக்கும்?

Image Credit : DMart

சில ஸ்மார்ட் வழிகளைப் பின்பற்றினால் போதும்

நடுத்தரக் குடும்பங்கள் D-Mart-ல் ஷாப்பிங் செய்யும்போது சில ஸ்மார்ட் வழிகளைப் பின்பற்றினால் சேமிப்பை மேலும் அதிகரிக்கலாம். முதலாவதாக, வீட்டிலேயே ஒரு தெளிவான ஷாப்பிங் பட்டியலைத் தயார் செய்து கொண்டு செல்ல வேண்டும்; இது தேவையில்லாத ஆப்சனல் பொருட்களை வாங்கி பட்ஜெட்டை மீறுவதைத் தடுக்கும். இரண்டாவதாக, D-Mart-ன் சொந்த பிராண்டுகளான 'Premia' மற்றும் 'Swaad' தயாரிப்புகளில் பருப்பு, தானியங்கள், மசாலாக்கள் மற்றும் உலர் பழங்களை வாங்கலாம்; இவை முன்னணி பிராண்டுகளுக்கு நிகரான தரத்துடன், மிகக் குறைந்த விலையில் கிடைக்கும். மூன்றாவதாக, பண்டிகைக் காலத்தை முன்னிட்டு டிடர்ஜென்ட், சோப்புகள், பிஸ்கட்கள் மற்றும் பாத்திரப் பராமரிப்புப் பொருட்களுக்கு வழங்கப்படும் 'ஒன்று வாங்கினால் ஒன்று இலவசம்' (Buy 1 Get 1) மற்றும் சிறப்பு காம்போ சலுகைகளைத் தேர்வு செய்து பயன்படுத்திக் கொள்ளலாம்.

Image Credit : X

ரூ.5,000 பர்ச்சேஸ் - ரூ. 1500 சேமிப்பு.!

கூட்ட நெரிசலைத் தவிர்க்கவும், நிதானமாகப் பொருட்களைத் தேர்வு செய்யவும் ஷாப்பிங் செய்யும் நேரத்தையும் நாளையும் சரியாகத் திட்டமிடுவது அவசியமாகும். தீபாவளி சமயங்களில் வார இறுதி நாட்களில் (சனி மற்றும் ஞாயிறு) D-Mart-ல் கடும் கூட்டநெரிசல் காணப்படும் என்பதால், செவ்வாய் முதல் வியாழன் வரையிலான வேலை நாட்களில், குறிப்பாகக் காலை 10 மணி முதல் நண்பகல் 12 மணிக்குள் செல்வது சிறந்தது. நேரில் சென்று நீண்ட வரிசையில் காத்திருப்பதைத் தவிர்க்க விரும்புபவர்கள் 'D-Mart Ready' செயலி மூலம் வீட்டிலிருந்தபடியே ஆர்டர் செய்து, அருகில் உள்ள பிக்-அப் பாயிண்ட்டில் பெற்றுக் கொள்ளலாம் அல்லது ஹோம் டெலிவரி வசதியைப் பயன்படுத்தலாம். இவ்வாறு முறையான திட்டமிடுதலுடன் செயல்பட்டால், இந்த தீபாவளிக்கு ₹3,000 முதல் ₹5,000 வரையிலான மளிகைப் பில்லில் ₹800 முதல் ₹1,500 வரை சுலபமாகச் சேமித்து பண்டிகையை மகிழ்ச்சியாகக் கொண்டாடலாம்.

Image Credit : Google

இந்த 5 ரகசியங்கள் தெரியுமா?

1. D-Mart Ready செயலி மூலம் வீட்டிலிருந்தபடியே தேவையான பொருட்களை மட்டும் கார்ட்டில் (Cart) சேர்த்து ஆர்டர் செய்யுங்கள். ₹1,000-க்கு மேல் வாங்கினால் அருகில் உள்ள பிக்-அப் பாயிண்ட்டில் இலவசமாகப் பெற்றுக் கொள்ளலாம். இது நேரத்தையும், பெட்ரோல் செலவையும், தேவையில்லாத கூடுதல் செலவுகளையும் மிச்சப்படுத்தும்.
2. சில நேரங்களில் 1 கிலோ பாக்கெட்டை விட, இரண்டு 500 கிராம் பாக்கெட்டுகள் ஆஃபரில் குறைந்த விலைக்குக் கிடைக்கலாம். எனவே, வாங்குவதற்கு முன் கிலோ/லிட்டர் கணக்கில் ஒரு யூனிட்டின் விலையைக் கணித்து வாங்குவது 5% வரை கூடுதல் சேமிப்பைத் தரும்.
3. கெட்டுப்போகாத, நீண்ட நாட்கள் பயன்படுத்தக்கூடிய வீட்டுப் பராமரிப்புப் பொருட்களுக்கு மட்டும் இந்த சலுகைகளைப் பயன்படுத்துங்கள். தேவையில்லாத தின்பண்டங்களைச் சலுகைக்காக வாங்கி பட்ஜெட்டைக் கூட்ட வேண்டாம்.
4. மாதத்தின் 2-வது அல்லது 3-வது வாரத்தில், அதுவும் செவ்வாய் முதல் வியாழன் வரையிலான வேலை நாட்களில் செல்லுங்கள். கூட்ட நெரிசல் இல்லாதபோது பொருட்களின் விலை அட்டவணையை நிதானமாகப் பார்த்து, குறைந்த விலையில் உள்ள சிறந்த மாற்றுப் பொருட்களைப் பார்த்து வாங்க முடியும்.
5. தானியங்கள், பருப்பு வகைகள், மசாலாப் பொடிகள், சர்க்கரை மற்றும் உலர் பழங்களை பிராண்டட் நிறுவனங்களிடம் வாங்குவதை விட 'Premia' பிராண்டில் வாங்கும்போது 15% - 25% வரை விலை குறைவாக இருக்கும்.