தங்கம் வெள்ளி வாங்க இதுதான் சரியான நேரம்.. சரசரவென குறைந்ததால் குஷியில் இல்லத்தரசிகள்!

சர்வதேச காரணங்களால் தொடர்ந்து உயர்ந்து வந்த தங்கம் விலை, நேற்று மாலை முதல் சரியத் தொடங்கியது. அதன் தொடர்ச்சியாக, இன்றும் (ஜனவரி 08) சென்னையில் ஆபரணத் தங்கத்தின் விலை சவரனுக்கு குறைந்துள்ளது. வெள்ளியின் விலையும் சரிவை சந்தித்துள்ளது.

Image Credit : Asianet News

உச்சத்தில் தங்கம் விலை

கடந்த சில மாதங்களாகவே தங்கம் விலை ஒவ்வொரு நாளும் பெரிய மாற்றத்தை சந்தித்து வருகிறது. அதாவது தங்கம் வரலாறு காணாத வகையில் விலை உயர்ந்து நகைப்பிரியர்களுக்கு அதிர்ச்சி கொடுத்து வருகிறது. இதற்க காரணம் உலக நாடுகளிடையே ஏற்பட்ட பொருளாதார நெருக்கடி, சர்வதேச சந்தை மாற்றங்கள், போர் பதற்றம் உள்ளிட்ட காரணங்களை கூறலாம். தங்கத்தின் விலை உயர்கிறது என்றால் அதற்கு போட்டியாக வெள்ளி விலையும் கிடுகிடுவென உயர்ந்து வருகிறது.

Image Credit : our own

தொடர்ந்து உயரும் தங்கம்

புத்தாண்டின் முதல் நாள் மட்டும் தங்கம் விலை குறைந்த நிலையில் அடுத்து தொடர்ச்சியாக தங்கம் விலை உயர்ந்த வண்ணம் உள்ளது. தொடர்ந்து 4 நாட்களாக உயர்ந்து வந்த தங்கம் விலை நேற்று காலையில் மீண்டும் உயர்ந்து மாலையில் சரிந்தது.

Image Credit : our own

நேற்றை தங்கம் நிலவரம்

நேற்று காலை நிலவரப்படி கிராமுக்கு ரூ.40 உயர்ந்து ஒரு கிராம் ரூ.12,870க்கும், சவரனுக்கு ரூ.320 உயர்ந்து ஒரு சவரன் ரூ. 1,02,960க்கும் விற்பனை செய்யப்பட்டது. தொடர்ந்து மாலை வேளையில் கிராமுக்கு ரூ.70 குறைந்து ரூ.12,800க்கும், சவரனுக்கு ரூ.560 குறைந்து ரூ.1,02,400க்கும் விற்பனை செய்யப்பட்டது.

Image Credit : our own

இன்று விலை உயர்ந்ததா? குறைந்ததா?

இந்நிலையில் இன்றைய (ஜனவரி 08) நிலவரப்படி, சென்னையில் 22 கேரட் ஆபரணத் தங்கத்தின் விலை சவரனுக்கு ரூ.400 குறைந்து ரூ.1,02,000ஆக விற்பனை செய்யப்படுகிறது. 22 கேரட் தங்கம் கிராமுக்கு ரூ.50 குறைந்து ரூ.12,750ஆக விற்பனையாகிறது. 24 கேரட் தங்கம் கிராம் ஒன்றுக்கு ரூ. 13,909ஆக விற்பனையாகிறது. 24 கேரட் தங்கம் சவரன் ரூ. 111,272ஆக விற்பனையாகிறது.

Image Credit : our own

வெள்ளி விலை

வெள்ளி விலை கிராம் ரூ.5 குறைந்து ரூ.272க்கு விற்பனை செய்யப்படுகிறது. மேலும் ஒரு கிலோ வெள்ளி ரூ.272,000க்கும் விற்பனை செய்யப்படுகிறது.