டி-மார்ட்டில் ஷாப்பிங் செய்யும் போது இதை மறக்காதீங்க பாஸ்
பொதுவாக டிமார்ட்டில் சாக்லேட், சிற்றுண்டி, வாசனை திரவியங்கள், அழகுசாதனப் பொருட்கள் மற்றும் சிறிய மின்னணு சாதனங்கள் தனியாக வைக்கப்படுகின்றன.
டி-மார்ட் கவனிக்க வேண்டியவை
இந்தியாவின் முன்னணி சில்லறை விற்பனை நிலையங்களில் ஒன்றான டிமார்ட் (DMart), எப்போதும் மலிவு விலையில் பொருட்கள் கிடைப்பதற்காக பிரபலமாக உள்ளது. ஆனால் சமீபகாலமாக, இங்கு வாடிக்கையாளர்களிடையே சிறிய அளவிலான திருட்டுச் சம்பவங்கள் அதிகரித்து வருவதாகத் தகவல்கள் வெளியாகியுள்ளன. இதனால், கடை நிர்வாகம் கூடுதல் முன்னெச்சரிக்கை நடவடிக்கைகளை எடுத்து வருகிறது.
டி-மார்ட் ஷாப்பிங்
பொதுவாக டிமார்ட்டில் சாக்லேட், சிற்றுண்டி, வாசனை திரவியங்கள், அழகுசாதனப் பொருட்கள் மற்றும் சிறிய மின்னணு சாதனங்கள் தனியாக வைக்கப்படுகின்றன. காரணம், சில வாடிக்கையாளர்கள் பொருட்களை வாங்காமல், ட்ரையல் ரூமில் சாப்பிடுதல் அல்லது பயன்படுத்துதல் போன்ற செயல்களில் ஈடுபடுகிறார்கள். டிரையல் ரூமில் சிசிடிவி இல்லாததால், இதை முழுமையாக தடுக்க முடியாமல் போகிறது.
டி-மார்ட் பிரச்சனை
அதுமட்டுமல்லாமல், சிலர் தங்களது பைகளில் அல்லது ஆடைகளில் பொருட்களை மறைத்து வெளியே எடுத்துச் செல்வது வழக்கமாக உள்ளது. கூடுதலாக, சிலர் குளிர்பானங்களை அங்கிருந்தபடியே குடித்து, காலி பாட்டிலை தட்டில் வைத்து செல்வதும் தினசரி நடக்கும் சம்பவமாக சொல்லப்படுகிறது. நிபுணர்களின் கூற்றுப்படி, நடவடிக்கைகள் காரணமாக DMart-க்கு ஒரு நாளைக்கு ரூ.5,000 முதல் ரூ.10,000 வரை நஷ்டம் ஏற்படுகிறது.
வாடிக்கையாளர் பாதுகாப்பு
திருட்டைத் தடுக்க DMart பல்வேறு முயற்சிகளை மேற்கொண்டுள்ளது. விலையுயர்ந்த பொருட்களை பூட்டிய அலமாரிகளில் வைக்கப்பட்டுள்ளது, கூடுதலாக சிசிடிவி கேமராக்களை பொருத்தியுள்ளது. ஊழியர்கள் வாடிக்கையாளர்களை நெருக்கமாக கவனிக்க அறிவுறுத்தியுள்ளது. மேலும், ஸ்மார்ட் சென்சார் போன்ற நவீன தொழில்நுட்பமும் பயன்படுத்தப்படுகிறது. இவை திருட்டை ஓரளவு குறைத்தாலும், பிரச்சனை முற்றிலும் நீங்கவில்லை.
டி-மார்ட் திருட்டு
சில நேரங்களில், திருட்டில் ஈடுபடுவோர் பிடிபட்டால், ஊழியர்களுடன் சண்டையிடுவது கூட நடைபெறுகிறது. "எங்களை திருடன் போல நடத்துகிறீர்களா?" என்று வாடிக்கையாளர்களே எதிர்ப்பு தெரிவிப்பதும் உண்டு. நிபுணர்கள் கூறுவதாவது, நுகர்வோருக்கு விழிப்புணர்வு ஏற்படுத்துதல், சட்டரீதியான நடவடிக்கைகளை வலுப்படுத்துதல், மற்றும் கடுமையான தண்டனைகள் விதித்தல் மட்டுமே இந்தப் பிரச்சனையை குறைக்க உதவும் என்பதாகும்.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
