அப்படிபோடு.. சிலிண்டர் விலை நினைத்து பார்க்க முடியாத அளவிற்கு கணிசமாக குறைந்தது.. எவ்வளவு தெரியுமா?

வணிக பயன்பாட்டுக்கான சமையல் எரிவாயு சிலிண்டர் விலை ரூ.84.50 குறைந்துள்ளது. விலை குறைந்ததையடுத்து சென்னையில் வணிக பயன்பாட்டு சிலிண்டர் ரூ.1,937-க்கு விற்பனை செய்யப்படுகிறது. 

சர்வதேச சந்தையில் கச்சா விலையின் ஏற்ற இறக்கத்தின் அடிப்படையில் இந்தியாவில் பெட்ரோல், டீசல், சமையல் எரிவாயு சிலிண்டர் ஆகியவற்றின் விலை நிர்ணயிக்கப்பட்டு வருகிறது. 

பெட்ரோல், டீசல் விலைகளை எண்ணெய் நிறுவனங்கள் தினசரி மாற்றி வருகின்ற நிலையில், சமையல் எரிவாயு சிலிண்டரின் விலை மாதத்திற்கு இரு முறை மாற்றி அமைக்கப்படுகின்றன. 

ஒவ்வொரு மாதமும் 1-ம் தேதி எண்ணெய் நிறுவனங்கள் புதிய விலையை நிர்ணயித்து வருகின்றன. இந்நிலையில், ஜூன் மாதத்திற்கான விலை நிர்ணயம் செய்யப்பட்டு இன்று அறிவிக்கப்பட்டுள்ளது. 

இதில் வணிக ரீதியாக பயன்படுத்தப்படும் சென்னையில் 19 கிலோ எடை கொண்ட கியாஸ் சிலிண்டரின் விலை ரூ.84.50 குறைக்கப்பட்டுள்ளது. அதன்படி,  வணிக சிலிண்டர் ரூ.1,937-க்கு விற்பனை செய்யப்படுகிறது. தொடர்ந்து மூன்று மாதங்களாக வணிக பயன்பாட்டிற்கான சிலிண்டரின் விலை குறைந்து வருவதால் ஹோட்டல் மற்றும் டீக்கடை உரிமையாளர்கள் மகிழ்ச்சி அடைந்துள்ளனர். 

ஆனால் வீட்டு உபயோக சிலிண்டரில் எந்த மாற்றமும் இல்லாமல் ரூ.1,118.50க்கு கடந்த சில மாதங்களாக அதே விலையில்  நீடித்து வருகிறது.