கடையே வேண்டாம்! கிச்சன்ல இருந்தே லட்சத்தில் பணம் சம்பாதிக்கலாம்!
வீட்டிலிருந்தே உணவு விற்பனை செய்யும் 'கிளவுட் கிச்சன்' தொழில் முறை பற்றி இந்த கட்டுரை விவரிக்கிறது. குறைந்த முதலீட்டில், சட்ட அனுமதிகளுடன் இந்த தொழிலை தொடங்கி, எப்படி லாபம் ஈட்டலாம் என்பதை பார்க்கலாம்.
வீட்டிலிருந்தே உணவு விற்பனை
‘நானும் என் மனைவியும் நல்லா சமைப்போம்... நமக்கே ஒரு ஹோட்டல் இருந்தா எப்படி இருக்கும்?’ இந்த ஆசை பலருக்கும் இருக்கும். ஆனால் நகரத்தில் கடை வாடகை, இந்தியர் செலவு, ஊழியர் சம்பளம் போன்ற சுமைகள் பலரை பின்வாங்க வைக்கின்றனர். இந்நிலையில், வீட்டிலிருந்தே உணவு விற்பனை செய்யும் ‘கிளவுட் கிச்சன்’ முறை ஒரு நல்ல தீர்வாக மாறியுள்ளது. Swiggy மற்றும் Zomato போன்ற ஆப்ஸ்கள் மூலம், உங்கள் சமையலை நேரடியாக வாடிக்கையாளர்களிடம் கொண்டு செல்லலாம்.
கிளவுட் கிச்சன்
கிளவுட் கிச்சன் அல்லது ‘கோஸ்ட் கிச்சன்’ என்பது, பாரம்பரிய ஹோட்டல் இல்லாமல் ஆன்லைனில் மட்டும் இயங்கும் உணவு விற்பனை முறை ஆகும். உங்கள் வீட்டு சமையலறையே உங்கள் தொழிலின் மையமாக மாறும். கடை அமைப்பு, டேபிள், அலங்காரம் போன்ற செலவுகள் இல்லாததால், ஆரம்ப முதலீடு 60-70% வரை குறையும். இதனால், குறைந்த செலவில் லாபகரமான வணிகத்தை தொடங்க முடியும்.
குறிப்பிட்ட மெனுவில் கவனம்
இந்த தொழிலை தொடங்கும்போது, முதலில் உங்கள் சிறப்பு உணவை தேர்வு செய்வது முக்கியம். எல்லா வகை உணவுகளையும் விற்க முயற்சிப்பதை தவிர்த்து, ஒரு குறிப்பிட்ட மெனுவில் கவனம் செலுத்துங்கள். வீட்டுச் சுவை, சுத்தம் மற்றும் தரம் ஆகியவை தான் உங்கள் பிராண்டை பிரபலப்படுத்தும். 5-7 ஐட்டங்கள் கொண்ட சிறிய மெனு இருந்தாலே போதும். அதில் ஒரு டிஷ் வாடிக்கையாளர்களின் மனதில் பதிய வேண்டும்.
சட்ட ரீதியான அனுமதிகள்
சட்ட ரீதியான அனுமதிகளும் அவசியம். இந்திய உணவு பாதுகாப்பு மற்றும் தர நிர்ணய ஆணையம் லைசென்ஸ் பெறுவது முதன்மையானது. அதனுடன், ஜிஎஸ்டி பதிவு மற்றும் உள்ளூர் அனுமதிகளையும் பெற வேண்டும். அதற்குப் பிறகு, உங்கள் பிராண்டுக்கான பெயர், லோகோ, தரமான பேக்கிங் போன்றவற்றில் கவனம் செலுத்த வேண்டும். நல்ல பேக்கிங் போன்றவை உங்கள் வாடிக்கையாளர்களை மீண்டும் மீண்டும் ஈர்க்கும்.
வெற்றிகரமான ஃபுட் பிராண்ட்
வருமானத்தைப் பார்க்கும்போது, ஒரு ஆர்டரின் சராசரி மதிப்பு ரூ.200 என வைத்தால், தினமும் 20-25 ஆர்டர்கள் கிடைத்தாலே மாத வருவாய் ரூ.1.5 லட்சம் வரை செல்லும். செலவுகளை கழித்த பிறகு ரூ.40,000 முதல் ரூ.60,000 வரை லாபம் கிடைக்கும். உங்கள் தரமும் மார்க்கெட்டிங்கும் உயர்ந்தால், இந்த வருமானம் ரூ.1 லட்சத்துக்கு மேல் உயர வாய்ப்பு உள்ளது. சரியான திட்டமிடல் இருந்தால், வீட்டிலிருந்தே ஒரு வெற்றிகரமான ஃபுட் பிராண்டை உருவாக்க முடியும்.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
