Ceiling Fan: சீலிங் ஃபேன் Vs டேபிள் ஃபேன்: கரண்ட் பில் மிச்சப்படுத்த எது பெஸ்ட் சாய்ஸ்?
சீலிங் ஃபேன் மொத்த ரூமுக்கும் காத்து கொடுக்கும். ஆனா டேபிள் ஃபேன் கரண்ட் பில்ல மிச்சப்படுத்தும், தூக்கிட்டு போறதுக்கும் ஈஸி. ரெண்டுல என்ன வித்தியாசம்? எது மின்சாரத்தை மிச்சப்படுத்தும் என்பது குறித்து பார்க்கலாம்.
சீலிங் ஃபேன், சிலர் டேபிள் ஃபேன்
வெயில் காலம் வந்தாலே எல்லா வீட்டுலயும் ஃபேன் ஓட ஆரம்பிச்சிடும். சிலர் சீலிங் ஃபேன், சிலர் டேபிள் ஃபேன் யூஸ் பண்ணுவாங்க. இதுல எதுக்கு கரண்ட் பில் ஜாஸ்தியாகும்னு பார்க்கலாம்.
சீலிங் ஃபேன் ஒரு நல்ல சாய்ஸ்
சீலிங் ஃபேன், இருக்கிற ரூம் முழுவதுக்கும் ஒரே மாதிரி காத்தைக் கொடுக்கும். உங்க ரூம் பெருசா இருந்தா, சீலிங் ஃபேன் ஒரு நல்ல சாய்ஸ். ஒரே இடத்துல உக்காந்து வேலை செய்றீங்கன்னா, டேபிள் ஃபேன் போதும்.
டேபிள் ஃபேன் 30 முதல் 50 வாட்ஸ்லேயே ஓடும்
ஒரு சீலிங் ஃபேன் 60 முதல் 80 வாட்ஸ் வரை கரண்ட் எடுக்கும். ஆனா, ஒரு டேபிள் ஃபேன் 30 முதல் 50 வாட்ஸ்லேயே ஓடும். இதனால, டேபிள் ஃபேன் யூஸ் பண்ணா கரண்ட் பில் குறையும். ஆனா, சீலிங் ஃபேன் ரூம் முழுவதுக்கும் காத்து தரும்போது, டேபிள் ஃபேன் குறிப்பிட்ட இடத்துக்கு மட்டும்தான் காத்து தரும். அதனால் ரெண்டுக்கும் சேவைல வித்தியாசம் இருக்கு.
டேபிள் ஃபேனோட பெரிய ப்ளஸ் பாயிண்ட்
டேபிள் ஃபேனோட பெரிய ப்ளஸ் பாயிண்ட்டே இதுதான். கிச்சன், பெட்ரூம், பால்கனினு நமக்கு வேணுங்கிற இடத்துக்கு ஈஸியா தூக்கிட்டு போயிடலாம். ஆனா சீலிங் ஃபேன் ஒரு இடத்துல ஃபிக்ஸ் பண்ணிட்டா, அதை அடிக்கடி மாத்த முடியாது. அப்படி மாத்துறது செலவு வைக்கிற வேலையும்கூட.
டேபிள் ஃபேன் விலை கம்மி
சீலிங் ஃபேனை விட டேபிள் ஃபேன் விலை கம்மி. சீலிங் ஃபேனை இன்ஸ்டால் பண்ணவும் தனியா செலவாகும். உயரத்துல இருக்கிறதால, சீலிங் ஃபேனை அடிக்கடி சுத்தம் செய்ய முடியாது. ஆனா டேபிள் ஃபேனை ஈஸியா துடைக்கலாம். கரண்ட் மிச்சப்படுத்தணும், வீடு சின்னதா இருக்குன்னா டேபிள் ஃபேன் நல்ல சாய்ஸ். உங்க தேவை என்னங்கிறதப் பொறுத்துதான், எந்த ஃபேன் பெஸ்ட்னு முடிவு செய்ய முடியும்.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
