மத்திய அரசு ஊழியர்களின் சம்பளம் விரைவில் உயரப்போகிறதா? நிதி அமைச்சகம் பதில்!

மத்திய அரசு ஊழியர்கள் 8வது ஊதியக் குழு அமைக்கப்படுமா என எதிர்பார்த்துள்ளனர். 7வது ஊதியக் குழு அமைக்கப்பட்டு 10 ஆண்டுகள் ஆகிவிட்டதால், புதிய ஊதியக் குழு அமைக்கப்படும் என எதிர்பார்க்கப்படுகிறது. 2025 பட்ஜெட்டில் இது குறித்த அறிவிப்பு வெளியாகலாம் என நிபுணர்கள் கருதுகின்றனர்.

7th Pay commission

மத்திய அரசு ஊழியர்கள், 8வது ஊதியக்குழு அமைக்கப்படுமா என ஆவலுடன் காத்திருக்கின்றனர். உண்மையில், 7 வது ஊதியக் குழு அமைக்கப்பட்டு 10 ஆண்டுகள் கடந்துவிட்டன, பொதுவாக ஒவ்வொரு பத்து வருடங்களுக்கும் ஒரு புதிய ஊதியக் குழு அரசாங்கத்தால் உருவாக்கப்படுகிறது, அதன் பிறகு ஊழியர்களின் சம்பளம் மற்றும் அகவிலைப்படி (DA) அதிகரிக்கிறது.

Salary hike for govt employees

இதுபோன்ற சூழ்நிலையில் அரசு இது குறித்து விரைவில் முடிவெடுக்க வேண்டும் என மத்திய ஊழியர்கள் எதிர்பார்க்கின்றனர். அதே நேரத்தில், மத்திய பட்ஜெட் 2025 இல் நிதி அமைச்சகம் இது குறித்து முடிவெடுக்கலாம் என்று நிபுணர்கள் நம்புகின்றனர். இருப்பினும், அதிகாரப்பூர்வ தகவல் எதுவும் இன்னும் வெளியாகவில்லை..

7th pay commission update

உண்மையில், 7வது ஊதியக் குழு 28 பிப்ரவரி 2014 அன்று மன்மோகன் சிங் அரசாங்கத்தில் தயாரிக்கப்பட்டது. இது நீதிபதி அசோக் குமார் மாத்தூர் தலைமையில் இருந்தது. 7வது ஊதியக் குழுவின் நோக்கம் அனைத்து மத்திய ஊழியர்களின் சம்பளத்தை மறுபரிசீலனை செய்வதாகும். இப்போது அது உருவாகி 10 ஆண்டுகள் கடந்துவிட்டன. இந்நிலையில், 8வது ஊதியக்குழு அமைக்கப்படுமா என, மத்திய ஊழியர்கள் ஆவலுடன் காத்திருக்கின்றனர்.

மத்திய அரசு 8வது ஊதியக்குழு

பிப்ரவரி 2014 இல் அமைக்கப்பட்ட ஏழாவது ஊதியக் குழுவிற்கு பிரதமர் நரேந்திர மோடி தலைமையிலான மத்திய அமைச்சரவை ஒப்புதல் அளித்தது. 7வது ஊதியக்குழு 2016 ஜனவரி 1 முதல் அமலுக்கு வந்தது, அதில் செய்யப்பட்ட மாற்றங்கள் ஜூலை 1, 2016 முதல் அமலுக்கு வந்தன. தற்போது, ​​8வது ஊதியத்தை அமல்படுத்துவதற்கான குழுவை அமைக்கும் பணியில் அரசு ஈடுபட்டுள்ளதா என்பது குறித்த சிறு தகவல் வெளியாகியுள்ளது. .

மத்திய அரசின் பதில் என்ன?

8-வது ஊதியக்குழு அமைப்பது தொடர்பாக ராஜ்யசபாவில் அரசுக்கு கேள்வி கேட்கப்பட்டது. இதற்கான பதிலை நிதி அமைச்சகம் அளித்துள்ளது. ராஜ்யசபாவில் எழுத்துப்பூர்வமாக அளித்த பதிலில், நிதித்துறை இணை அமைச்சர் பங்கஜ் சவுத்ரி, 8வது ஊதியக்குழு அமைப்பது குறித்து தற்போது எந்த பரிசீலனையும் செய்யப்படவில்லை என்று தெரிவித்தார். 

எனினும் ஊழியர் சங்கங்கள் புதிய ஊதிய குழுவை அமைக்க வேண்டும் என்று மத்திய அரசுக்கு தொடர்ந்து வலியுறுத்தி வருகின்றான். அரசு ஊழியர்களின் கோரிக்கையை மத்திய அரசு பரிசீலிக்குமா என்பதை பொறுத்திருந்து தான் பார்க்க வேண்டும்.